Healthy Recipe: सकाळच्या नाश्त्याची चिंता सोडा, झटपट बनवा क्विनोआ उपमा

सकाळचा नाश्ता हा नेहमी हेल्दी करण्याचा सल्ला दिला जातो. अशात तुम्हीही काही हेल्दी आणि टेस्टी नाश्त्याच्या शोधात असाल तर तुम्ही आजची ही पौष्टिक आणि चविष्ट रेसिपी नक्कीच फॉलो करू शकता. ही रेसिपी आरोग्याबरोबरच चवीलाही फार छान लागते. तुम्ही वजन कमी करण्याचा विचार करत असाल तर तुमच्या डाएट रुटीनमध्ये या पदार्थाचा आवर्जून समावेश करा.

अनेकदा तज्ज्ञांद्वारे सकाळचा नाश्ता हा हेल्दी करण्याचा सल्ला दिला जातो. पौष्टिकतेने भरपूर सकाळचा नाश्ता आपल्याला दिवसभर ऍक्टिव्ह ठेवण्यास मदत करतो. सकाळचा नाश्ता कधीही स्किप करू नये. अनेकदा कामाच्या गडबडीत गृहिणींना नाश्ता करण्यासाठी फारसा वेळ मिळत नाही अशात नेहमीच एका सोप्या आणि झटपट तयार होणाऱ्या नाश्त्याच्या शोधात असतात. हाच विचार मनात घेत आज आम्ही तुमच्यासाठी एक सोपी, हेल्दी आणि टेस्टी रेसिपी घेऊन आलो आहोत.

आज आपण क्विनोआचा उपमा कसा तयार करायचा याची एक सोपी रेसिपी जाणून घेणार आहोत. क्विनोआ हे एक धान्य आहे ज्यात अनेक पोषक घटक आढळले जातात. तुम्ही जर वजन कमी करण्याचा विचार करत असाल तर मग तुमच्यासाठी हा एक उत्तम नाश्त्याचा प्रकार आहे. हा पदार्थ आरोग्याबरोबरच चवीलाही फारअप्रतिम लागतो. चला तर मग जाणून घेऊयात हा उपमा बनवण्यासाठी लागणारे साहित्य आणि कृती.

हेदेखील वाचा – पौष्टिकतेने भरपूर सकाळच्या नाश्त्याला बनवा दुधीचे कटलेट, काही मिनिटांतच तयार होते रेसिपी

साहित्य

• क्विनोआ – ½ कप
• भाज्या चिरलेल्या  – ½ कप
• कांदे – 1 लहान आकाराचे
• हिरव्या मिरच्या – १
• हल्दी पावडर – ¼ टीस्पून
• कोथिंबीर – गार्निश करण्यासाठी
• पाणी – 1 कप
• मीठ – आवश्यकतेनुसार
• तेल – 1 टीस्पून
• मोहरी – ¼ टीस्पून
• उडीद डाळ – ¼ टीस्पून
• हिंग / हिंग – ⅛ टीस्पून
• जिरे – ½ टीस्पून

हेदेखील वाचा – संध्याकाळच्या नाश्त्याला बनवा क्रिस्पी कॉर्न बॉल्स, लहानांपासून मोठ्यांपर्यंत सर्वांना आवडेल रेसिपी

कृती

• क्विनोआ उपमा बनवण्यासाठी सर्वप्रथम एका भांड्यात क्विनोआ मोजा आणि घ्या
• यानंतर यात पाणी टाकून छान स्वच्छ धुवून घ्या, मग 10 मिनिटे पाण्यात भिजत ठेवा
• सर्व भाज्या धुवा आणि लहान चौकोनी तुकडे करा आणि बाजूला ठेवा
• यानंतर कांदा, आले, हिरव्या मिरच्या आणि कोथिंबीर चिरून घ्या
• आता गॅसवर एक कढई ठेवून त्यात तेल टाका आणि मग यात जिरे टाकून परतून घ्या
• आता यात हिरव्या मिरच्या आणि चिरलेला कांदे घाला आणि परता
• नंतर यात चिरलेल्या भाज्या आणि हळद पावडर आणि मीठ घालून चांगले शिजवून घ्या
• नंतर आवश्यक प्रमाणात पाणी घाला आणि उकळी आणा, पाण्याला उकळी आली की, भिजवलेले क्विनोआ त्यातील पाणी पूर्णपणे काढून टाकल्यानंतर त्यात घाला
• लापशी सारखी सुसंगतता येईपर्यंत सर्वकाही एकत्र करा
• नंतर झाकण ठेवून 10 मिनिटे शिजवा, क्विनोआ शिजेपर्यंत आणि भाज्या मऊ होईपर्यंत मंद आचेवर शिजवा
• 10 मिनिटांनंतर, झाकण उघडा आणि क्विनोआ चांगला शिजला आहे की नाही ते तपासा, गॅस बंद करून कोथिंबीरीने सजवा
• अशाप्रकारे तुमचा पौष्टिक नाश्ता काही मिनिटांतच तयार होईल