संध्याकाळच्या नाश्त्याला बनवा क्रिस्पी कॉर्न बॉल्स, लहानांपासून मोठ्यांपर्यंत सर्वांना आवडेल रेसिपी

संध्याकाळच्या नाश्त्यासाठी काही टेस्टी पदार्थ शोधात आहात? मग आजची रेसिपी तुमच्या लिस्टमध्ये नक्कीच असायला हवी. आज आम्ही तुमच्यासोबत क्रिस्पी कॉर्न बॉल्सची रेसिपी शेअर करत आहोत. हा पदार्थ अनेक हॉटेल्समध्ये उपलब्ध असतो मात्र तुम्ही फार सोप्या पद्धतीने झटपट हा घरीदेखील तयार करू शकता. याची कुरकुरीत आणि स्वादिष्ट चव घरातील सर्वांनाच फार आवडेल.

Follow Us:

Follow Us:

संध्याकाळ झाली की अनेकदा आपल्याला हलकी भूक लागायला सुरुवात होते. गरमा गरम चहाच्या जोडीला काहीतरी चविष्ट खावे असे वाटू लागते. तुमच्यासोबतही असे होत असेल तर तुम्ही संध्याकाळच्या नाश्त्यासाठी आजची टेस्टी रेसिपी ट्राय करू शकता. आज आम्ही तुमच्यासोबत कॉर्न बॉल्सची रेसिपी शेअर करत आहोत. हे कॉर्न बॉल्स चवीला फार अप्रतिम आणि कुरकुरीत लागतात.

या रेसिपीला बनवण्यासाठी तुमचा फार वेळ जाणार नाही त्यामुळे अगदी कमी वेळेत झटपट तुम्ही ही रेसिपी तयार करू शकता. सध्या पावसाळ्याचे दिवस असल्याकारणाने संध्याकाळच्या थंड वातावरणात हे गरमा गरम कॉर्न बॉल्स तुमची संध्याकाळ बहारदार बनवतील. जाणून घ्या यासाठी लागणारे साहित्य आणि कृती.

हेदेखील वाचा – नाश्त्यासाठी बनवा टेस्टी व्हेज चीज सँडविच, लहान मुलांना फार आवडेल रेसिपी

साहित्य

• रवा
• उकडलेले कॉर्न
• ब्रेड
• दूध
• बारीक हिरव्या मिरच्या
• लाल मिरच्या
• बारीक हिरवी धणे
• मीठ
• काळी मिरी पावडर
• तेल

हेदेखील वाचा –  एक थेंबही तेल न वापरता बनवा परफेक्ट भटुरे, वेट लॉससाठी उत्तम रेसिपी

कृती

• क्रिस्पी कॉर्न बॉल्स बनवण्यासाठी प्रथम रवा गोल्डन ब्राऊन होईपर्यंत चांगला भाजून घ्या
• यानंतर यात त्यात दूध घाला आणि व्यवस्थित मिक्स करा
• चांगले शिजल्यावर यात उकडलेले कॉर्न, बारीक हिरवी मिरची, लाल मिरची, हिरवी धणे, मीठ आणि काळी मिरी
• पावडर घालून मिक्स करून एक मिनिट शिजवा
• आता गॅस बंद करून मिश्रण थंड होऊ द्या
• मिश्रण थंड झाल्यावर त्याचे छोटे गोळे करून घ्या
• एका भांड्यात पाणी घ्या. आता ब्रेडचे तुकडे हलके ओले याने बॉल्स नीट गुंडाळून घ्या
• यानंतर आता कढईत तेल टाका आणि गरम करा
• मग सर्व तयार बॉल्स मध्यम आचेवर सोनेरी होईपर्यंत तळून घ्या
• अशाप्रकारे तुमचे कुरकुरीत कॉर्न बॉल्स तयार होतील
• सॉस किंवा तुमच्या आवडत्या डीपसोबत हे बॉल्स खाण्यासाठी सर्व्ह करा

Web Title: Make crispy corn balls for evening snacks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com