Recipe: कच्च्या पपईची भाजी कधी खाल्ली आहे का? आरोग्यासाठी ठरते फायदेशीर

कच्च्या पपईचे आरोग्याला अनेक फायदे होत असतात. तुम्ही यापासून चविष्ट आणि मसालेदार भाजी तयार करू शकता.

पपई हे एक फळ असून हे फळ आरोग्यासाठी फार फायदेशीर मानलं जाते. यातील शक्तिशाली अँटिऑक्सिडंट रोप्रतिकारक शक्ती वाढवण्यास मदत करतात. यात अनेक पोषक घटक आढळतात जे आरोग्याच्या समस्या दूर करण्यास मदत करतात. पपईच्या सेवनाने पोटासंबंधी समस्या जसे की, ब्लोटिंग, बद्धकोष्ठता, सूज इत्यादी समस्या दूर होतात. शिवाय याच्या सेवनाने पचनक्रियादेखील सुरळीत होते.

आता तुम्हाला जर पपई हे फळ खायला आवडत नसेल तर आम्ही तुम्हाला सांगतो की, तुम्ही यापासून चविष्ट अशी भाजी तयार करू शकता. अर्थात ही भाजी आपण कच्च्या पपईपासून तयार करणार आहोत. पपईची ही मऊदार आणि मसालेदार भाजी चवीला अप्रतिम लागते. आपल्या जेवणात तुम्ही एकदा तरी या भाजीचा निश्चितच समावेश करायला हवा. जाणून घ्या पपईची भाजी बनवण्यासाठी लागणारे साहित्य आणि कृती.

हेदेखील वाचा – दुकानात मिळणारी कुरकुरीत भाकरवाडी आता घरीच बनवा, जाणून घ्या रेसिपी

साहित्य

• 1 लहान पपई
• 1 टेबलस्पून जीरे, हिरवी मिरची ठेचा
• 3 टेबलस्पूून उडीद डाळ
• 1 टेबलस्पून जीरे ,मोहरी
• 1/2 टेबलस्पून हिंग
• 1 टेबलस्पून हळद
• 3 टेबलस्पूून तेल
• 3 टेबलस्पूून ओले खोबरे
• कोथिंबीर,कडीपत्ता पाने
• चवीनुसार मीठ
• 1/2 लिंबू रस

हेदेखील वाचा – घरी आलेल्या पाहुण्यांसाठी झटपट बनवा क्रिस्पी पनीर बाईट्स, चव अशी की सर्वच होतील खुश

कृती

• पपईची भाजी बनवण्यासाठी सर्वप्रथम एक चमचा जीरे, हिरवी मिरची ठेचा, तीन चमचे उडीद डाळ आणि पपई, घेऊन ठेचा तयार करून घ्या
• हा ठेचा तयार करताना जीरे, हिरवी मिरची,आले बारीक करून घ्या
• आता गॅसवर एक कढई ठेवा आणि यात मोहरी, जीरे, हिंग, कडीपत्ता आणि हळद टाकून परतून घ्या
• मग यात पपई आणि मीठ घाला आणि सर्व साहित्य नीट एकजीव करा
• आता यावर झाकण ठेवा आणि मंद आचेवर 2-3 मिनिटे शिजवून घ्या
• यानंतर यात सुख्या खोबऱ्याचा किस आणि लिंबाचा रस टाका आणि भाजीत मिसळा
• हवे असल्यास यात हलके पाणी टाका, जेणेकरून भाजी कढईला चिकटणार नाही
• काही मिनिटे शिजवल्यानंतर शेवटी यावर चिरलेली कोथिंबीर घाला आणि गॅस बंद करा
• अशाप्रकारे तुमची चटपटीत आणि मसालेदार पपईची भाजी तयार होईल
• गरमागरम पपईची चविष्ट भाजी खाण्यासाठी सर्व्ह करा