Recipe: हॉटेलसारखी परफेक्ट पावभाजी घरी कशी बनवावी? जाणून घ्या सोपी पद्धत

तुम्हाला हॉटेल स्टाइल पावभाजी घरी तयार करायची आहे? मग आजची ही रेसिपी तुमच्या फायद्याची ठरणार आहे. विकेंडसाठी हा एक उत्तम नाश्त्याचा प्रकार आहे. यात खूप भाज्या वापरल्या जातात ज्यामुळे आरोग्यासाठीही ही एक उत्तम रेसिपी आहे.

मुंबईतील प्रमुख काही खाद्यपदार्थांपैकीच एक लोकप्रिय पदार्थ म्हणजे पावभाजी. हा पदार्थ लहानांपासून मोठ्यांपर्यंत सर्व वयोगटातील लोकांचा एक आवडीचा पदार्थ आहे. तुम्हाला बाजारात स्ट्रीटपासून ते मोठमोठ्या हॉटेल्सपर्यंत सर्व ठिकाणी या पदार्थही उपस्थिती दिसून येईल. यामागचे कारण म्हणजे याची डिमांड. लोकांना कोणत्याही सीजनमध्ये पावभाजी तितक्याच आवडीने खायला आवडते.

हा पदार्थ भरपूर भाज्या घालून तयार केला जातो, त्यामुळे आरोग्यावरही याचा उत्तम परिणाम होतो. आता तुम्हालाही ही चविष्ट पावभाजी घरी कशी तयार करायची माहिती नसेल तर आजची ही बातमी तुमच्यासाठी फार फायदेशीर ठरणार आहे. आज आम्ही तुम्हाला सोप्या पद्धतीने उत्तम अगदी हॉटेल स्टाईल पावभाजी कशी तयार करायची याची एक सोपी रेसिपी सांगत आहोत. विकेंडसाठी हा एक परफेक्ट नाश्त्याला प्रकार आहे. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – Recipe: बटाट्याची साल फेकू नका तर त्यापासून बनवा हा कुरकुरीत स्नॅक्स

साहित्य

• 6 पाव
• 2-3 कांदे चिरलेले
• एक टोमॅटो
• 3-4 बटाटे उकडलेले
• अर्धी कोबी
• एक वाटी वाटाणे
• बीटरूट पेस्ट
• एक चमचा तिखट
• तीन चमचे पाव भाजी मसाला
• अर्धी वाटी प्युरी
• बटर
• हिरवी धणे

हेदेखील वाचा – अजिबात चिकट न होता आंबट-तिखट भेंडीची भाजी कशी तयार करायची? नोट करा सोपी रेसिपी

कृती

• चविष्ट पावभाजी तयार करण्यासाठी सर्वप्रथम बटाटे, कोबी आणि हिरवे वाटाणे उकडून घ्या
• त्यानंतर गॅस चालू करून तवा ठेवा आणि त्यात 3 चमचे तेल घालून उकडलेले बटाटे, कोबी आणि वाटाणे घाला आणि चांगले परतून शिजवून घ्या
• त्यानंतर, त्यांना मॅशरच्या मदतीने सर्व साहित्य चांगले मॅश करा आणि एका भांड्यात काढा ‘
• आता पॅनमध्ये तेल घालून कांदा, 2 हिरव्या मिरच्या, लसूण आणि टोमॅटो चांगले परतून घ्या आणि हा मसाला एका भांड्यात काढून घ्या
• बारीक झाल्यावर पॅनमध्ये 2 चमचे बटर घाला
• मग यात आता तयार मसाला टाकून चांगला शिजवून घ्या. तेल सुटेपर्यंत मसाले शिजवा
• आता मसाल्यामध्ये बटाटे आणि मटार यांचे मिश्रण घालून चांगले मिसळा, लालसरपणासाठी, तुम्ही या मिश्रणात बीटरूट पेस्ट देखील घालू शकता
• मसाला नीट मिक्स झाल्यावर 3 ग्लास पाणी घाला
• आता त्यात एक चमचा तिखट, तीन चमचे पाव भाजी मसाला आणि चवीनुसार मीठ घाला
• आता भाज्या झाकून बाजूला ठेवा. ग्रेव्ही घट्ट होईपर्यंत भाजी शिजवा
• शेवटी हिरव्या कोथिंबिरीने पावभाजीला गार्निश करा आणि गॅस बंद करा
• दुसरीकडे तव्यावर काही पाव घेऊन त्यांना बटर लावा आणि हलके तव्यावर शेकून घ्या
• आता तयार भाजी पाव आणि लिंबू-कांद्यासोबत खाण्यासाठी सर्व्ह करा