Recipe : आनंदाच्या प्रसंगी काही खास होऊन जाऊद्यात, घरी बनवा गोडसर ‘सीताफळ फिरनी’

Sitaphal Firni Recipe : थंडगार, सुगंधी आणि मऊसर सीताफळ फिरनी चवीला अप्रतिम लागते. ही रेसिपी घरच्यांना नक्कीच आवडेल आणि खास प्रसंगी तुमचा डेझर्ट टेबल अधिक आकर्षक बनवेल.

• ताज्या सीताफळांपासून तयार करण्यात आलेली ही फिरनी चवीला अप्रतिम लागते.
• फिरनीची मऊ, गोडसर चव जेवणाची मजा आणखी वाढवते.
• मेजवानीची रंगत वाढवायची असेल तर सीताफळ फिरनी एक उत्तम पर्याय ठरेल.

सीताफळ म्हणजेच हंगामी गोड फळांची राणी. त्याचा नैसर्गिक सुगंध, मऊसर गर आणि गोडसर चव यामुळे कोणतीही डिश खास बनते. पारंपरिक फिरनी ही उत्तर भारतातील एक लोकप्रिय डेझर्ट असून ती तांदळाच्या पेस्टपासून तयार केली जाते. पण त्यात सीताफळाचा गर मिसळला तर तयार होते एक भन्नाट, सुगंधी आणि रॉयल चव असलेली सीताफळ फिरनी.

केसांच्या आरोग्यासाठी फायदेशीर… घरीच बनवा रसाळ आवळ्याची कँडी; लहानांपासून मोठ्यांपर्यंत सर्वांनाच आवडेल याची चव

ही फिरनी सणासुदीला, पाहुणचारासाठी किंवा खास जेवणानंतर गोड म्हणून सर्व्ह करण्यासाठी उत्तम पर्याय आहे. दूध, तांदूळ आणि साखर यांचा मखमली पोत आणि त्यात सीताफळाचा नैसर्गिक फ्लेवर मिळून ही डिश अधिक पौष्टिक आणि आकर्षक बनते. थंडगार सर्व्ह केल्यावर तिची चव आणखी खुलते. चला तर मग घरीच सोप्या पद्धतीने सीताफळ फिरनी कशी बनवायची याची सोपी रेसिपी जाणून घेऊया.

साहित्य

• एक लिटर फुल क्रीम दूध
• अर्धा कप तांदूळ
• अर्धा ते तीन-चतुर्थांश कप साखर (चवीनुसार)
• एक मोठे पिकलेले सीताफळ
• अर्धा चमचा वेलची पूड
• बदाम-पिस्त्याचे काप सजावटीसाठी

सकाळच्या नाश्त्यासाठी झटपट बनवा Creamy Paneer Beetroot Sandwich, नोट करून घ्या पौष्टिक रेसिपी

कृती

• सर्वप्रथम तांदूळ स्वच्छ धुऊन अर्धा तास भिजत ठेवा. नंतर त्यातील पाणी काढून तांदूळ जाडसर वाटून घ्या. पेस्ट खूप बारीक करू नका, थोडी रवा सारखी टेक्स्चर असावी.
• एका जाड बुडाच्या पातेल्यात दूध गरम करायला ठेवा. दूध उकळी येईपर्यंत सतत हलवत राहा, जेणेकरून ते तळाला लागू नये.
• दूधाला उकळी आल्यावर त्यात वाटलेला तांदूळ घाला. गॅस मंद ठेवा आणि सतत हलवत शिजू द्या. हळूहळू मिश्रण घट्ट होऊ लागेल.
• तांदूळ पूर्ण शिजल्यावर त्यात साखर घाला आणि पुन्हा काही मिनिटे शिजवा. साखर पूर्ण विरघळली की वेलची पूड घाला.
• दरम्यान, सीताफळ सोलून त्याचा गर काढा आणि बिया वेगळ्या करा. हा गर हलक्या हाताने मॅश करून घ्या.
• गॅस बंद केल्यानंतर फिरनी थोडी थंड होऊ द्या. पूर्ण गरम असताना सीताफळाचा गर घालू नका, नाहीतर दूध फाटण्याची शक्यता असते. कोमट झाल्यावर त्यात सीताफळाचा गर मिसळा आणि छान एकजीव करा.
• तयार फिरनी वाट्यांमध्ये काढा आणि किमान दोन ते तीन तास फ्रिजमध्ये ठेवा. सर्व्ह करताना बदाम-पिस्त्याचे काप घालून सजवा.