तुम्हीही Dieting वर आहात? मग पनीर-चण्यापासून तयार केलेला हा चटकेदार सॅलड एकदा नक्की ट्राय करून पहा

Panner Chana Salad Recipe:पनीर आणि हरभरा दोन्ही प्रथिने आणि फायबरचा उत्कृष्ट स्रोत आहेत. पनीर आणि हरभरा जलद वजन कमी करण्यास मदत करतात. अशात तुम्ही यापासून चटपटीत असे सॅलड तयार करू शकता.

बदलती जीवनशैली बघता आजकाल अनेकजण लठ्ठपणाच्या आजाराने ग्रस्त आहेत, ज्यामुळे आता बहुतेक लोक हे आपले वजन नियंत्रणात ठेवण्यासाठी डायटिंगचा पर्याय निवडत असतात. आता डाएट म्हटलं की, खाण्या-पिण्यावर बंधन ही आलीच. अशातच आज आम्ही तुमच्यासाठी एक चविष्ट आणि झटपट रेसिपी घेऊन आलो आहोत जिचा तुम्ही तुमच्या डाएट रुटीनमध्ये समावेश करू शकता. ही रेसिपी चवीला तर अप्रतिम आहेच शिवाय यातील पोषक घटक दिवसभर तुमचे पोट भरलेले ठेवण्यास मदत करेल.

जेव्हा तुम्ही डायटिंगवर असता तर तेव्हा आपल्याला फार विचारपूर्वक खावे लागेल. अनेक गोष्टींपासून दूर राहावे लागेल. अशा परिस्थितीत तुम्ही प्रथिनांनी युक्त हेल्दी चीज तुमच्या आहाराचा भाग बनवू शकता. अशा परिस्थितीत, आज आम्ही तुमच्यासाठी पनीर आणि उकडलेले चणे यापासून तयार केल्या जाणाऱ्या चटकेदार आणि चविष्ट सॅलडची रेसिपी घेऊन आलो आहोत. पनीर आणि हरभरा दोन्ही प्रथिने आणि फायबरचा उत्कृष्ट स्रोत आहेत. पनीर आणि हरभरा दोन्ही जलद वजन कमी करण्यास मदत करतात. चला तर मग अजिबात वेळ न घालवता जाणून घेऊयात यासाठी लागणारे साहित्य आणि कृती.

सर्वांच्या आवडीचे Peri Peri Fries आता घरीच बनवा, 10 मिनिटांत तयार होते रेसिपी

साहित्य

• पनीर – 2 कप काप केलेले
• उकडलेले हरभरे – अर्धी वाटी
• काळी मिरी पावडर – 1/4 टीस्पून
• काळे मीठ – 1/2 टीस्पून
• चाट मसाला – 1/4 टीस्पून
• लिंबाचा रस – 1 टीस्पून
• कांद्याची पात

रात्रीच्या उरलेल्या चपात्या फेकू नका, त्यापासून तयार करा हा कुरकुरीत पदार्थ, घरातील सर्वच होतील खुश

कृती

• प्रथिनेयुक्त हरभरा आणि पनीर सलाड बनवण्यासाठी सर्वप्रथम गॅस चालू करा आणि हरभरे कुकरमध्ये उकडून घ्या
• हरभरे रात्रभर भिजत ठेवा आणि दुसऱ्या दिवशी कुकरमध्ये तीन शिट्ट्या घेऊन त्यांना उकडा
• आता चणे एकदा का उकडले की मग यातील अतिरिक्त पाणी काढा आणि चण्यांना एका भांड्यात काढा
• आता त्याच भांड्यात पनीरचे बारीक केलेले तुकडे टाका (जर तुम्हाला कच्चे पनीर आवडत असेल तर आधी हलके भाजून घ्या)
• नंतर त्यात काळी मिरी पावडर, काळे मीठ आणि चाट मसाला घालून व्यवस्थित मिक्स करा
• यानंतर या तयार सॅलडमध्ये थोडासा लिंबाचा रस घालून मिक्स करा
• शेवटी यात चवीनुसार कांद्याची पात चिरून घाला
• अशाप्रकारे तुमचे हेल्दी पनीर चणा सॅलड तयार आहे
• तयार सॅलड एका बाउलमध्ये खाण्यासाठी सर्व्ह करा
• तुम्हाला हवे असल्यास तुम्ही यात तुमच्या आवडीचे सॉसेस देखील ॲड करू शकता