Ramdan 2026 : इफ्तारची मेजवानी करा गोड, घर बनवा टेस्टी ‘अरेबियन पुडिंग’, पाहूनच तोंडात येईल पाणी

Arabian Pudding Recipe : दिसायला आकर्षित आणि चवीला मजेदार लागणारी अरेबियन पुडिंग क्षणात मेजवाणीची रंगत वाढवते. ही पुडिंग तोंडात जाताच विरघळते ज्यामुळे ती खायला आणखीनच चांगली लागते.

• अरेबियन पुडिंग ही एक अतिशय चविष्ट, क्रीमी आणि थंडगार मिठाई आहे.
• मऊ, गोड आणि सुगंधित चवीने भरलेली ही डिश मेजवाणीची रंगत वाढवते.
• रमजानला सुरुवात झाली असून इफ्तारच्या मेजवाणीत तुम्ही या डिशचा समावेश करु शकता.

मिडल ईस्ट देशांमध्ये लोकप्रिय असलेले अरेबियन पुडिंग हे एक अतिशय मऊ, क्रीमी आणि सुगंधी डेझर्ट आहे. विशेषतः रमजान, ईद किंवा खास पाहुणचारासाठी हे पुडिंग आवर्जून बनवले जाते. खजूर, ड्रायफ्रूट्स, दूध आणि कस्टर्ड पावडर यांचा सुंदर मिलाफ या पदार्थाला वेगळीच चव आणि टेक्स्चर देतो. या पुडिंगची खासियत म्हणजे यामध्ये गोडवा नैसर्गिक खजुरांमधून येतो आणि वरून घातलेले बदाम-पिस्ता त्याला रॉयल लूक देतात.

Recipe : घरबसल्या बनवा स्ट्रीट-स्टाईल चटकदार ‘भेळपुरी’, संध्याकाळच्या नाश्त्यासाठी एक परफेक्ट पर्याय

ही पुडींग थंडगार सर्व्ह केल्यावर याची चव अजूनच खुलते. कमी साहित्य आणि सोप्या पद्धतीत तयार होणारे हे डेझर्ट घरच्या घरी अगदी हॉटेलसारखे बनवता येते. कोणत्या खास प्रसंगी पाहुण्यांना खुश करण्यासाठी तुम्ही घरी ही रेसिपी ट्राय करु शकता. चला तर मग पाहूया स्वादिष्ट अरेबियन पुडिंग बनवण्याची सोपी रेसिपी.

साहित्य:

• १ लिटर दूध
• १/२ कप साखर
• ३ टेबलस्पून कस्टर्ड पावडर (व्हॅनिला फ्लेवर)
• ८-१० बिया काढलेले खजूर (बारीक चिरलेले)
• २ टेबलस्पून बदाम काप
• २ टेबलस्पून पिस्ता काप
• १/२ टीस्पून वेलची पूड
• २ टेबलस्पून ताजी साय किंवा फ्रेश क्रीम

लहान मुलांच्या डब्यासाठी काही मिनिटांमध्ये बनवा चविष्ट चिकन चीज सँडविच, पदार्थ पाहिल्यानंतर मुलं होतील खुश

कृती:

• एका भांड्यात दूध गरम करण्यास ठेवा. दूध हलवत उकळी येऊ द्या.
• एका छोट्या वाटीत थोड्या थंड दुधात कस्टर्ड पावडर गाठी न राहता नीट मिसळून घ्या.
• उकळत्या दुधात साखर घाला आणि ढवळा. त्यानंतर तयार कस्टर्ड मिश्रण हळूहळू घालत सतत ढवळत राहा.
• मिश्रण घट्ट होऊ लागल्यावर त्यात चिरलेले खजूर आणि वेलची पूड घाला.
• आता त्यात फ्रेश क्रीम घालून २-३ मिनिटे शिजवा, जेणेकरून पुडिंग अधिक क्रीमी होईल.
• गॅस बंद करून मिश्रण सर्व्हिंग बाऊलमध्ये ओता. वरून बदाम आणि पिस्ता काप पसरवा.
• हे पुडिंग पूर्ण थंड होऊ द्या आणि किमान २ तास फ्रिजमध्ये सेट होण्यासाठी ठेवा.
• थंडगार अरेबियन पुडिंग वरून थोडे मध किंवा केशर घालून सर्व्ह केल्यास चव अजूनच छान लागते.
• आता तुमचे रॉयल स्टाईल अरेबियन पुडिंग सर्व्ह करण्यासाठी तयार आहे.