Recipe : घरबसल्या बनवा स्ट्रीट-स्टाईल चटकदार ‘भेळपुरी’, संध्याकाळच्या नाश्त्यासाठी एक परफेक्ट पर्याय

Bhelpuri Recipe : कुरकुरीत, चटकदार आणि आंबट-तिखट चवीने भरलेली भेळपुरी... मुंबईच्या स्ट्रीट फूडची शान आहे.संध्याकाळच्या नाश्त्यासाठी तुम्ही हा चटपटीत पदार्थ घरीच तयार करू शकता.

• भेळपुरी मुंबईचा एक अंत्यंत लोकप्रिय स्ट्रीट फूड आहे.
• याची कुरकुरीत आणि चटपटीत चव सर्वांनाच पदार्थाचे फॅन बनवते.
• संध्याकाळच्या नाश्त्यासाठी तुम्ही हा पदार्थ घरीच तयार करू शकता.

भारतीय स्ट्रीट फूड म्हटलं की सर्वप्रथम डोळ्यासमोर येणारा पदार्थ म्हणजे भेळपुरी. मुंबईच्या चौपाट्यांवर प्रसिद्ध झालेली ही चटपटीत डिश आज संपूर्ण भारतात आवडीने खाल्ली जाते. विशेषतः मुंबईच्या समुद्रकिनाऱ्यांवर मिळणारी भेळपुरी तिच्या खास चवीसाठी ओळखली जाते. खुसखुशीत लाह्या (मुरमुरे), बारीक चिरलेल्या भाज्या, गोड-तिखट-आंबट चटण्या आणि शेव यांचा सुंदर संगम म्हणजे भेळपुरी. लहानांपासून मोठ्यांपर्यंत सर्वांनाच याची चव फार आवडते अशात तुम्हीच घरीच या पदार्थाला तयार करु शकता.

विकतचं कशाला? सर्वांच्या आवडीचा फ्रेश ‘मोजरेला चीज’ बनवा घरच्या घरी… नोट करा रेसिपी

हा पदार्थ बनवायला अगदी सोपा असून कमी वेळात तयार होतो. पाहुणे आले असतील, संध्याकाळी हलकी भूक लागली असेल किंवा मुलांना काहीतरी वेगळं खायचं असेल तर भेळपुरी हा उत्तम पर्याय आहे. घरच्या घरी स्वच्छ आणि चविष्ट भेळपुरी बनवून आपण स्ट्रीट फूडचा आनंद सुरक्षितपणे घेऊ शकतो. चला याची रेसिपी जाणून घेऊया.

साहित्य

• 2 कप मुरमुरे
• 1 बारीक चिरलेला कांदा
• 1 बारीक चिरलेला टोमॅटो (बिया काढून)
• 1 लहान उकडलेला बटाटा (चिरलेला)
• 2-3 चमचे हिरवी चटणी
• 2-3 चमचे गोड चिंचेची चटणी
• 1/2 चमचा लाल तिखट
• 1/2 चमचा चाट मसाला
• मीठ चवीनुसार
• बारीक शेव
• कोथिंबीर (चिरलेली)
• लिंबाचा रस

झणझणीत पदार्थ खाण्याची इच्छा झाल्यास झटपट बनवा बटाटा टोमॅटोचे भरीत, नोट करून घ्या रेसिपी

कृती

• सर्वप्रथम मोठ्या भांड्यात मुरमुरे घ्या. त्यात चिरलेला कांदा, टोमॅटो आणि उकडलेला बटाटा घाला. आता त्यात हिरवी चटणी आणि गोड चिंचेची चटणी मिसळा. त्यानंतर लाल तिखट, चाट मसाला आणि मीठ घालून सर्व मिश्रण हलक्या हाताने एकत्र करा.
• आता त्यावर लिंबाचा रस पिळा आणि पुन्हा हलक्या हाताने ढवळा. सर्व साहित्य व्यवस्थित मिसळल्यावर शेव आणि कोथिंबीर घालून सजवा. भेळपुरी तयार झाल्यावर लगेच सर्व्ह करा, कारण जास्त वेळ ठेवल्यास मुरमुरे मऊ होतात.
• भेळपुरी नेहमी सर्व्ह करण्याच्या अगदी आधीच मिसळा.
• अधिक चविष्ट बनवण्यासाठी बारीक चिरलेली काकडी किंवा कच्ची कैरी घालू शकता.
• तिखटपणा आपल्या आवडीनुसार कमी-जास्त करा.
• चटपटीत, कुरकुरीत आणि झटपट तयार होणारी ही भेळपुरी संध्याकाळच्या नाश्त्यासाठी उत्तम पर्याय आहे.