Makar Sankranti 2025: मकर संक्रांतीला अशाप्रकारे बनवा चविष्ट खिचिडी भात, नोट करा रेसिपी

Makar Sankranti Special Recipe: नवं वर्षात येणार पहिला सण म्हणजे मकर संक्रांत! या दिवशी तिळ गुळाचे लाडू, तिळगुळाची पोळी आणि खिचडी भात तयार करण्याची परंपरा आहे. तोंडात टाकताच विरघळणाऱ्या खिचडी भाताची रेसिपी जाणून घ्या.

आज मकर संक्रांतीचा शुभ दिवस. हा सण नव्या वर्षातील पहिला सण आहे. या दिवशी सूर्य मकर राशीत प्रवेश करतो. तसेच या दिवसापासून उत्तरायणाची सुरुवात होते.मकर संक्रांतीच्या दिवशी तिळ गुळाचे लाडू, तिळगुळाची पोळी आणि खिचडी भात तयार करण्याची परंपरा आहे. सणाच्या या दिवशी तयार करण्यात येणाऱ्या या खिचडीला सांस्कृतिक आणि धार्मिक महत्त्व आहे. यासहच ही खिचडी आरोग्यासाठी फार फायद्याची ठरते.

अनेकांना मकर संक्रांतीला तयार केल्या जाणाऱ्या या खिचडीविषयी माहित नसते. मात्र आता चिंता करू नका कारण आज आम्ही तुमच्यासाठी या चविष्ट रेसिपीची एक खास रेसिपी घेऊन आलो आहोत. ही रेसिपी फार सोपी आहे. मुख्य म्हणजे यासाठी फार साहित्य आणि वेळेची गरज भासत नाही. तुमच्या रात्रीच्या जेवणासाठी तुम्ही ही गरमा गरम आणि पौष्टिक खिचडी तयार करु शकता. चला तर मग लगेच जाणून घेऊयात यासाठी लागणारे साहित्य आणि कृती.

तुम्हीही Dieting वर आहात? मग पनीर-चण्यापासून तयार केलेला हा चटकेदार सॅलड एकदा नक्की ट्राय करून पहा

साहित्य

• उडीद डाळ
• तांदुळ
• जिरे
• हिंग
• लाल मिरची
• लवंग
• दालचिणी
• काळीमिरी
• वेलची
• तेजपत्ता
• बटाटे
• हिरवी मिरची
• आले
• हिरवे मटार
• मीठ
• हळद
• पाणी
• तूप

सर्वांच्या आवडीचे Peri Peri Fries आता घरीच बनवा, 10 मिनिटांत तयार होते रेसिपी

कृती

• यासाठी 2-3 कप उडदाची डाळ आणि 1/2 कप तांदुळ घ्या
• आता ही डाळ आणि तांदूळ स्वछ धुवून घ्या
• यानंतर उडीद डाळ आणि तांदुळ एकत्र करून स्वच्छ पाण्यात दहा मिनिटे भिजवून ठेवा
• आता गॅसवर कुकर ठेवा आणि यात तूप गरम करा
• मग यात जिरे, हिंग, लाल मिरची, लवंग, दालचिणी, काळीमिरी, वेलची आणि तेजपत्ता टाका
• सर्व मसाले नीट परतून घ्या
• त्यानंतर यात कापलेले बटाटे आणि बारीक केलेले आलं आणि हिरवी मिरची टाकून परतून घ्या
• काही वेळ परतून झाल्यानंतर यात हिरवे मटार टाका
• मग यात हळद टाका आणि चवीनुसार मीठ टाका आणि मिक्स करा
• आता यात भिजवलेली उडदाची डाळ आणि तांदूळ टाका आणि व्यवस्थित साहित्यात मिक्स करा
• शेवटी यात प्रमाणानुसार पाणी आणि चिरलेली कोथिंबीर घाला
• कुकरचे झाकण बंद करा आणि दोन शिट्ट्या होऊ द्या
• शिट्टया झाल्यानंतर कुकर थंड होईपर्यंत याला उघडू नका
• कुकर थंड झाल्यावर याचे झाकण उघडा आणि गरमा गरम खिचिडी प्लेटीत घेऊन त्यावर तूप टाकून खाण्यासाठी सर्व्ह करा
• ही रेसिपी @Cooking & Art with Durgesh नावाच्या युट्युब अकाऊंटवरून शेअर करण्यात आली आहे