सकाळच्या नाश्त्याला बनवा चविष्ट आणि पौष्टिक नाचणीचा उपमा, लगेच नोट करा रेसिपी

सकाळच्या नाश्त्यासाठी एक टेस्टी आणि हेल्दी रेसिपी शोधत आहात? मग आजची ही रेसिपी तुमच्या फायद्याची ठरणार आहे. आज आम्ही तुम्हाला नाचणीचा उपमा कसा तयार करायचा याची एक हटके पण रुचकर अशी रेसिपी सांगत आहोत.

सकाळचा नाश्ता हा नेहमी हेल्दी असावा. हेल्दी नाश्ता दिवसभर काम करण्यासाठी आपल्याला एनर्जी प्रदान करत असतो. सकाळ सकाळी हेवी नाश्ता केल्याने आपले पोट खराब देखील होऊ शकते शिवाय याने झोप देखील लागू शकते. त्यामुळे सकाळचा नाश्ता हा पौष्टिकच असायला हवा. आता हेल्दी नाश्ता म्हटलं की यात नक्की काय बनवाव असा प्रश्न बहुतेकांना पडतो मात्र यासाठी फार चिंता करण्याची गरज नाही. आपले बहुतेक भारतीय नाश्त्याचे पदार्थ हे पौष्टिकच असतात ज्यांचा तुम्ही आपल्या आहारात समावेश करू शकता.

आज मात्र आम्ही तुमच्यासाठी नाश्त्याची एक हटके, चविष्ट पण तितकीच पौष्टीक अशी रेसिपी घेऊन आलो आहोत. आपल्या या रेसिपीचे नाव आहे नाचणीचा उपमा. तुम्ही आजवर रव्याचा उपमा खाल्ला असेल मात्र हा असा नाचणीचा उपमा कधी तुम्ही खाल्ला आहे का? नसेल तर आम्ही तुम्हाला सांगतो की, तुम्ही हा उपमा एकदा नक्कीच ट्राय करायला हवा. हा नाचणीचा उपमा चवीला फार अप्रतिम लागतो शिवाय फार कमी वेळेत हा बनून तयार देखील होतो. घरच्यांना पौष्टिक खाऊ घालण्याचा हा एक उत्तम पर्याय आहे. जाणून घ्या यासाठी लागणारे साहित्य आणि कृती.

थंडीत एकदा बनवून पहा पौष्टिक आणि चविष्ट मेथीची कढी, नोट करा खास रेसिपी

साहित्य

• 2 वाटी नाचणीचे पीठ
• 6-7 बारीक चिरलेल्या मिरच्या
• 1 बारीक चिरलेला कांदा
• 1 छोटा चमचा जिरे
• 1 छोटा चमचा मोहरी
• 1 छोटा चमचा हळद
• 7-8 कढीपत्त्याची पाने
• कोथिंबीर
• मीठ चवीनुसार
• तेल आवश्यकतेनुसार

हेल्दी नाश्त्याने करा सकाळची सुरुवात, घरी बनवा चविष्ट आणि पौष्टीक नाचणीचे कटलेट

कृती

• नाचणीचा उपमा तयार करण्यासाठी सर्वप्रथम नाचणीला काहीवेळ पाण्यात भिजवून ठेवा
• यानंतर नाचणी वाफवून घ्या
• आता गॅसवर एक कढई ठेवा आणि यात तेल टाका
• तेल गरम झाले की यात जिरे, मोहरी, कांदा, मिरची, कढीपत्ता टाका आणि छानशी फोडणी द्या
• आता यात शिजवलेली नाचणी घालून मिक्स करा
• यानंतर यात पाणी आणि चवीनुसार मीठ घाला
• कढईवर झाकण ठेवून हा उपमा छान शिजवून घ्या
• शेवटी यावर चिरलेली कोथिंबीर घाला आणि उपम्यासोबत मिक्स करा
• काही वेळ उपमा परतून घेतल्यानंतर गॅस बंद करा
• तयार उपमा एका प्लेटमध्ये खाण्यासाठी सर्व्ह करा