संध्याकाळच्या हलक्या भूकेवर चवदार उपाय! घरी बनवा स्ट्रीट स्टाईल कुरकुरीत खाकरा चाट

संध्याकाळी हलकी भूक लागणे फार साहजिक आहे. अशावेळी आपण एका चवदार आणि झटपट रेसिपीच्या शोधात असतो. या भुकेला शमवण्यासाठी तुम्ही घरीच स्ट्रीट स्टाईल चविष्ट, पौष्टिक आणि झटपट तयार होणारी खाकरा चाट तयार करू शकता.

संध्याकाळ झाली की अनेकांना हलकी हलकी भूक लागत असते. या भुकेला शमवण्यासाठी मग आपण एका चवदार आणि झटपट अशा रेसिपीच्या शोधात लागतो. अशी स्थिती तुमच्यासोबतही बऱ्याचदा झाली असावी. काहीतरी खाऊन शमवावी अशी ही भूक नसते. अशावेळी अधिकतर काही नवीन टेस्टी खाण्याची इच्छा होते. तुमच्यासोबतही असे होत असेल आणि तुम्हीही एका पटकन तयार होणाऱ्या आणि चवीला अप्रतिम लागणाऱ्या रेसिपीच्या शोधात असाल तर आजची ही रेसिपी तुमच्या फायद्याची ठरणार आहे.

आज आम्ही तुम्हाला घरच्या घरी कुरकुरीत आणि चटपटीत अशी खाकरा चाट कशी तयार करायची याची एक सोपी रेसिपी सांगणार आहोत. खाकरा हा एक प्रकारचा स्नॅक्सचा पदार्थ आहे. हा गुजरात राज्यात विशेषतः अधिकतर खाल्ला जातो. बेसनापासून तयार करण्यात आलेला हा खाकरा अनेकांना फार आवडतो आणि देशाच्या विविध भागात आवडीने खाल्लाही जातो. ही खाकरा चाट तुमच्या संध्याकाळच्या भुकेला चांगल्या प्रकारे शामवेल आणि याने तुमचे मनही तृप्त होईल. चला तर मग आता जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• चिरलेला कोबी
• बारीक चिरलेले टोमॅटो
• चिरलेली शिमला मिरची
• मसाला शेंगदाणे
• चिरलेली कोथिंबीर
• बारीक शेव
• चाट मसाला
• किसलेले चीज
• चिली फ्लेक्स
• हिरवी चटणी
• टोमॅटो सॉस

See more

रेसिपीच्या बातम्या वाचण्यासाठी इथे क्लिक करा

कृती

• खाकरा चाट तयार करण्यासाठी सर्वप्रथम एका ताटात खाकरा घेऊन पसरवा
• मग यावर हिरवी चटणी आणि टोमॅटो सॉस एकसारखा पसरवा
• त्यानंतर यावर बारीक चिरलेला टोमॅटो, कोबी आणि शिमला मिरची टाका
• मग यावर चवीनुसार चाट मसाला आणि चिली फ्लेक्स शिंपडा
• खुसखुशीतपणा वाढवण्यासाठी यावर मसाला शेंगदाणे आणि बारीक शेव टाका
• शेवटी यावर किसलेले चीज आणि चिरलेली बारीक कोथिंबीर टाका
• तयार डिश खाण्यासाठी सर्व्ह करा
• तुम्हाला हवे असल्यास तुम्ही यात हलकी दही देखील टाकू शकता
• तयार खाकरा चाट त्वरित खाण्यासाठी सर्व्ह करा

ही रेसिपी @foodie_gujarati11 नावाच्या इंस्टाग्राम अकाउंटवरून शेअर करण्यात आली आहे. ही रेसिपी अवघ्या 5-10 मिनिटांतच बनून तयार होते, ज्यामुळे यात तुमचा फारसा वेळ वाया जात नाही. सोशल मीडियावर शेअर करण्यात आलेल्या या रेसिपीला अनेकांना फार पसंत केले आहे. त्यामुळे तुम्हीही ही रेसिपी एकदा घरी नक्की ट्राय करून पहा.