उरलेल्या चपातीपासून बनवा रुचकर लाडू, झटपट रेसिपी नोट करा

चपाती हा आपल्या घरात बनवला जाणारा एक सामान्य पदार्थ आहे. अनेकांच्या घरात चपाती रोजच्या जेवणाचा एक अविभाज्य भाग आहे. अशात बऱ्याचदा जास्तीच्या चपात्या बनवल्या की त्या उरतात आणि मग या उरलेल्या चपात्यांचे दुसऱ्या दिवशी काय करावे ते सुचत नाही. अशात आम्ही तुम्हाला सांगतो की, तुम्ही यापासून स्वादिष्ट असे लाडू तयार करू शकता. हे लाडू आरोग्यासाठीही फार पौष्टिक ठरतात.

लाडू हा आपल्या खाद्यसंस्कृतीतील एक गोडाचा पदार्थ आहे. लाडू कोणाला आवडत नाही. लाडू हा पदार्थ अनेक वेगवगेळ्या प्रकारे बनवला जातो. संसमारंभात, लग्नावेळी किंवा कोणत्या खास क्षणी घरात लाडू तयार केले जातात. लाडू बनवणे तसे थोडे अवघडच मात्र आज आमही तुमच्यासोबत लाडूची एक सोपी आणि झटपट तयार होणारी रेसिपी शेअर करत आहोत.

तुम्ही याआधी बेसनाचे, मेथीचे असे अनेक लाडू खाल्ले असतील मात्र तुम्ही कधी उरलेल्या चपातीचे लाडू खाल्ले आहे का? नाही ना… मग आज बनवून पहा. चपाती हा आपल्या घरात बनवला जाणारा एक सामान्य पदार्थ आहे. अनेकदा ही चपाती जास्तीची बनते आणि दुसऱ्या दिवशी हिचे काय करावे ते सुचत नाही अशा वेळी तुम्ही यापासून रुचकर असे गोड लाडू तयार करू शकता. जाणून घ्या यासाठी लागणारे साहित्य आणि कृती.

हेदेखील वाचा – तोंडात टाकताच विरघळणारे बेसन लाडू आता घरीच बनवा, वाचा सोपी रेसिपी

साहित्य

• उरलेल्या चपात्या
• चमचा वेलची पावडर
• एक चमचा भाजलेली खसखस
• बेदाणे
• साखर
• तूप

हेदेखील वाचा – विकेंड स्पेशल घरी बनवा टेस्टी ‘व्हेज सोया कीमा’, बनवण्याची परफेक्ट पद्धत जाणून घ्या

कृती

• उरलेल्या चपातीचे लाडू तयार करण्यासाठी सर्वप्रथम उरलेल्या चपात्या मिक्सरच्या भांड्यात टाकून यांचा चुरा करून घ्या
• दुसरीकडे एका परातीत तूप आणि साखर टाकून फेटून घ्या
• आता यात भाजलेली खसखस आणि बारीक करून घेतलेले चपातीचे मिश्रण टाका
• मग यात बेदाणे टाका आणि सर्व साहित्य नीट एकजीव करून घ्या
• आता या तयार मिश्रणाचे व्यवस्थित लाडू वळून घ्या
• अशाप्रकारे तुमचे चपातीचे लाडू अवघ्या काही मिनिटांतच बनून तयार होतील

शिळी चपाती खाण्याचे फायदे

शिळी चपाती बीपीच्या रुग्णांसाठी फार फायद्याची मानली जाते. आजच्या धावपळीच्या आणि कामाच्या जगात अनेकांना बीपीचा त्रास होत असतो. त्यामुळे बरेच जण आपली बीपी कमी करण्याचा प्रयत्न करत असतात. मात्र फार कमी लोकांना हे ठाऊक आहे की यावर रामबाण उपाय आहे उरलेली चपाती.