उरलेल्या चपातीपासून बनवा चायनीज स्टाइल नूडल्स, लहान मुलांच्या आवडीची रेसिपी

बऱ्याचदा रात्रीच्या उरलेल्या चपातीचे दुसऱ्या दिवशी काय करावे ते सुचत नाही. अशा वेळेस आम्ही तुम्हाला सांगतो की, तुम्ही यापासून टेस्टी आणि हेल्दी असे नूडल्स तयार करू शकता. सध्या नूडल्सची क्रेझ फक्त लहानांनाच नाही तर मोठ्यांनाही लागली आहे. अशात तुम्ही या पदार्थाने तुमची उरलेली चपाती वापरू शकता आणि हटके पदार्थाने सर्वांना खुशदेखील करू शकता.

चपाती हा आपल्या रोजच्या जेवणातील एक अविभाज्य पदार्थ आहे. अनेकांच्या घरात रोजच्या जेवणात चपाती हा पदार्थ आवर्जून बनवला जातो. आता बऱ्याचदा महिलावर्ग कोणाला जेवण कमी पडू नये या विचाराने जास्तीचे जेवण बनवतात आणि मग हे जेवण उरले की याचे काय करावे असा प्रश्न त्यांच्या मनात येतो. आता उरलेल्या चपातीपासून तुम्ही अनेक पदार्थ बनवू शकता मात्र आज आम्ही तुम्हाला लहान मुलांच्या आवडीचा पदार्थाची एक हटके रेसिपी सांगत आहोत.

लहान मुलांनाच काय तर मोठ्यांनाही चायनीज पदार्थ खायला फार आवडतात. यातीलच एक प्रकार म्हणजे नूडल्स. हे नूडलस मौद्यापासून तयार केले जातात जे आरोग्यासाठी चांगले ठरत नाहीत. अशा वेळेस तुम्ही उरलेल्या चपातीपासून हेल्दी नूडल्स घरीच तयार करू शकता. असे केल्याने, तुमच्या उरलेल्या चपात्या वाया जाणार नाही आणि घरातील सदस्यही खुश होतील. जाणून घ्या यासाठी लागणारे साहित्य आणि कृती.

हेदेखील वाचा – घरी आलेल्या पाहुण्यांसाठी बनवा झटपट तंदूरी आलू, रेसिपीची चव चाखताच प्रत्येकजण होईल खुश

साहित्य

• 4 उरलेल्या चपात्या
• 2-3 चमचे तेल
• 4-5 लसूण पाकळ्या ठेचून
• 1 चिरलेली हिरवी मिरची
• 1 चिरलेला कांदा
• 1 कप कोबीचे तुकडे
• 1 कापलेली सिमला मिरची
• 1/2 किसलेले गाजर
• 2 टीस्पून आले-लसूण पेस्ट
• 2चमचे काश्मिरी लाल मिरची पेस्ट
• 1 टेस्पून सोया सॉस
• 1 टीस्पून चिली सॉस
• 1 टीस्पून टोमॅटो केचप
• 1 टीस्पून कॉर्नफ्लोअर
• पाणी
• 1 टीस्पून साखर (पर्यायी)
• मीठ (चवीनुसार)

हेदेखील वाचा – कच्च्या केळीपासून बनवा हा टेस्टी स्नॅक्स, सोशल मीडियावर व्हायरल होत आहे रेसिपी

कृती

• उरलेल्या चपातीचे नूडल्स बनवण्यासाठी सर्वप्रथम चपातीला नूडल्सप्रमाणे उभे कापून घ्या आणि बाजूला ठेवा
• यानंतर गॅसवर एक कढई ठेवा आणि त्यात दोन चमचे तेल टाका
• आता यात ठेचलेला लसूण आणि चिरलेली हिरवी मिरची घाला आणि 1 मिनिट परतून घ्या
• मग यात चिरलेला कांदा, कोबी, शिमला मिरची आणि गाजर अशा सर्व भाज्या टाका आणि 5 मिनिटे परतून घ्या
• नंतर यात आले-लसूण पेस्ट, काश्मिरी लाल मिरची पेस्ट, सोया सॉस, चिली सॉस आणि टोमॅटो केचप घाला आणि
• सर्व साहित्य नीट एकजीव करून घ्या
• हे सर्व साहित्य 2 मिनिटे शिजवा आणि बाजूला पाण्यात कोर्नफ्लोर घालून त्याची एक स्लरी तयार करा
• आता ही कोर्नफ्लोरची स्लरी आणि साखर साहित्यात टाका आणि मिक्स करा
• शेवटी यात चपाट्याच्या पट्ट्या टाका आणि साहित्यात एकत्र करून काहीवेळ परतून घ्या
• वरून चिरलेल्या कांद्याची पात टाका आणि गॅस बंद करा
• अशाप्रकारे तुम्ही काही मिनिटांतच उरलेल्या चपातीपासून नूडल्स बनवू शकता