Potato Twister Recipe: विकत कशाला लहान मुलांसाठी घरीच तयार करा स्ट्रीट स्टाइल कुरकुरीत पोटॅटो ट्विस्टर

Crispy PotatoTwister: संध्याकाळच्या नाश्त्यासाठी कुरकुरीत आणि चविष्ट अशी रेसिपी शोधत आहात? मग बटाट्याची ही रेसिपी एकदा नक्की ट्राय करा. लहानमुलांसह घरातील मोठेही होतील खुश!

सोशल मीडियावर सध्या अनेक नवनवीन आणि हटके रेसिपीज ट्रेंड करत आहेत. पोटॅटो ट्विस्टर हा देखील त्यातीलच एक प्रकार आहे. बटाट्यापासून तयार केला जाणारा हा कुरकुरीत पदार्थ चवीला फार अप्रतीम लागतो आणि विशेष करून लहान मुलांना तर फारच हवाहवासा वाटतो. तुम्हाला कुरकुरीत आणि चटपटीत पदार्थ खायला आवडत असेल तर तुम्हाला ही डिश नक्कीच खूप आवडेल.

आजकाल जागोजागी पोटॅटो ट्विस्टर खरेदी करता येते मात्र आम्ही तुम्हाला सांगतो की, बाहेरून हा पदार्थ खरेदी करण्यापेक्षा अगदी सहज, कमी पैशात आणि कमी वेळेत तसेच निवडक साहित्यापासून घरीच तयार करू शकता. संध्याकाळच्या नाश्त्यासाठी तर हा एक उत्तम पर्याय आहे. तुम्ही या रेसिपीने घरातील सर्वांनाच खुश करू शकता. चला तर मग अजिबात वेळ न वाया घालवता जाणून घेऊयात यासाठी लागणारे साहित्य आणि कृती. ही रेसिपी सोशल मीडियावर शेअर करण्यात आली आहे, जी आपण आज या लेखात स्टेप बाय स्टेप जाणून घेणार आहोत.

संध्याकाळच्या नाश्त्याला बनवा बटाटयाची खुसखुशीत कचोरी, झटपट रेसिपी नोट करा

साहित्य

• बटाटे
• पाणी
• 1 टेबलस्पून कश्मिरी मिरची
• 1 टेबलस्पून मीठ
• अर्धा कप कॉर्नफ्लोर

See more

सकाळच्या नाश्त्यात चमचमीत पदार्थ खायचा असेल तर घरी बनवा पनीरटिक्का रोल, वाचा सोपी रेसिपी

कृती

• कुरकुरीत पोटॅटो ट्विस्टर तयार करण्यासाठी सर्वप्रथम बटाटे स्वछ धुवून घ्या
• यानंतर बटाट्याचे पातळ गोल काप करून घ्या
• आता एका प्लेटमध्ये अर्धा कप कॉर्नफ्लोर , एक कप पाणी, एक टेबलस्पून कश्मिरी मिरची, एक टेबलस्पून मीठ घ्या आणि चांगले मिक्स करा
• आता व्हिडिओत दाखवल्याप्रमाणे एका स्टिकला बटाट्याचे काप चिकटवून स्पायरल तयार करा
• हा बटाट्याचा स्पायरल तयार मिश्रणात घोळवून घ्या
• दुसरीकडे गॅसवर एक कढई ठेवून यात तेल गरम करत ठेवा
• तेल गरम झाले की, मिश्रणात घोळवलेला बटाट्याचा स्पायरल तेलात सोडा आणि मध्यम आचेवर छान तळून घ्या
• अशाप्रकारे तुमचा कुरकुरीत पोटॅटो ट्विस्टर तयार होईल
• सॉस अथवा तुमच्या आवडत्या डीपसह हा पोटॅटो ट्विस्टर खाण्यासाठी सर्व्ह करा
• ही रेसिपी @khana_peena_recipe नावाच्या इंस्टाग्राम अकाऊंटवरून शेअर करण्यात आली आहे