हिवाळ्यात संध्याकाळच्या नाश्त्याला बनवा हुरडा भेळ; चव अशी की पाहता क्षणी तोंडाला पाणी सुटेल

Hurda Bhel: हुरडा भेळ ही महाराष्ट्रीयन खाद्यपदार्थांतील एक लोकप्रिय पारंपरिक पदार्थ आहे. हिवाळ्याच्या दिवसांत या पदार्थाला खास करून बनवले जाते. तुम्ही अजूनही या पदार्थाची चव चाखली नसेल तर आजच्या आज ही रेसिपी ट्राय करा.

हुरडा भेळ ही हिवाळ्यात बनवली जाणारी चटपटीत भेल आहे. थंडीच्या दिवसांत शेताचा राजा म्हणजे हुरडा. यापासून तुम्ही अनेक वेगवेगळे पदार्थ बनवू शकता. हुरडा भेळ ही महाराष्ट्रातील खास पदार्थांमध्ये मोडली जाते, याची चव एकदम चटपटीत आणि चविष्ट अशी लागते. चवच काय तर आरोग्यासाठीही हुरड्याचे सेवन फार फायदेशीर ठरते. अशात तुम्ही यापासून टेस्टी आणि हेल्दी अशी भेळ बनवू शकता.

थंडीच्या या दिवसांत तुम्ही अजूनही हुरड्याचा आस्वाद घेतला नसेल तर अजिबात आपला वेळ वाया घालवू नका आणि आजच याची भेळ घरी बनवून पहा. हुरड्याची ही भेळ फार सोपी, सहज आणि झटपट तयार होते. संध्याकाळच्या हलक्या भेकेसाठी तुम्ही घरी ही भेळ बनवू शकता. लहान असो वा मोठे या भेळेची चव सर्वांनाच याच्या प्रेमात पाडेल. बाजारात तुम्हाला या दिवसांत हुरडा सहज दिसून येईल तर मग लगेचच हा हुरडा खरेदी करा आणि यापासून चमचमीत अशी भेळ बनवा. जाणून घेऊया यासाठी लागणारे साहित्य आणि कृती.

काही चटपटीत खायचंय तर घरी बनवा टेस्टी बटाट्याचा चिला, 10 मिनिटांची रेसिपी

साहित्य

• 1 कप हुरडा
• 1 कप कुरमुरे
• 1/2 कप तळलेले शेंगदाणे
• 1/4 कप उकडलेला बटाटा
• 1/4 कप कांदा
• 1/4 कप टोमॅटो
• 1/4 कप काकडी
• 1 चमचा हिरवी मिरची
• 1 चमचा पाणीपुरी चटणी
• 1/2 चमचा लाल तिखट
• 1/2 चमचा चाट मसाला
• 1/2 चमचा जिरे पावडर
• 1/2 चमचा आल्याची पेस्ट
• मीठ चवीनुसार

बेसन, रवा नाही तर यावेळी बाजरीच्या पिठापासून बनवा पौष्टीक आणि चवदार चिला; चवीसोबतच आरोग्याचीही काळजी

कृती

• हुरडा भेळ बनवण्यासाठी सर्वप्रथम हुरडा धुवून चांगला कोरडा करून घ्या
• त्यानंतर गॅसवर एक कढई ठेवा आणि यात हुरडा छान परतून घ्या
• आता एका मोठ्या भांड्यात शेंगदाणे, कुरमुरे, बटाटा, कांदा, टोमॅटो, काकडी आणि हिरवी मिरची घाला आणि मिक्स करा
• यानंतर यात हुरडा आणि पाणीपुरी चटणी घाला आणि सर्व साहित्य व्यवस्थित मिक्स करा
• शेवटी यात चाट मसाला, तिखट पावडर, जिरे पावडर, आल्याचा पेस्ट आणि मीठ घाला
• सर्व साहित्य पुन्हा एकदा छान एकत्रित करून मिसळून घ्या
• वरून मुरमुरे आणि कोथिंबीर घाला आणि तयार हुरडा भेळ खाण्यासाठी सर्व्ह करा
• चवीनुसार तुम्ही यात दही आणि चटणीचा वापर करू शकता