काही चटपटीत खायचंय तर घरी बनवा टेस्टी बटाट्याचा चिला, 10 मिनिटांची रेसिपी

Potato Chila Recipe: सकाळच्या नाश्त्याला बनवा कुरकुरीत आणि चविष्ट बटाट्याचा चिला. याची रेसिपी फार सोपी असून ती अवघ्या काही मिनिटांतच बनून तयार होते. सकाळच्या नाश्त्यासाठी हा एक उत्तम पर्याय आहे.

(फोटो सौजन्य: Pinterest)

Follow Us:

Follow Us:

सकाळच्या नाश्त्यासाठी चिला हा पदार्थ हे एक उत्तम पर्याय ठरतो. हा नाश्त्यासाठीचा एक पौष्टिक आणि चवदार पदार्थ आहे. चिला अनेक प्रकारे बनवला जातो. मात्र आम्ही तुम्हाला बटाट्यापासून टेस्टी चिला कसा तयार करायचा याची रेसिपी सांगणार आहोत. चिला हा बहुतेक बेसन पीठ, रवा यापासून तयार केला जातो मात्र आम्ही तुम्हाला सांगतो की, तुम्ही बटाट्यापासूनही चवदार असा चिला तयार करू शकता. हा चिला चवीला अप्रतिम लागतो आणि याला बनवायलाही फार वेळ लागत नाही.

तोच तोच नाश्ता करून कंटाळला असाल तर बटाट्याचा चिला तुमच्यासाठी एक उत्तम पर्याय आहे. हे केवळ चवीलाच स्वादिष्ट नाही तर बनवायलाही खूप सोपे आहे. कुरकुरीत आणि मसालेदार बटाट्याचा चिला लहानांपासून मोठ्यांपर्यंत सर्वांनाच आवडेल. मुख्य म्हणजे यासाठी अधिक साहित्याचीही गरज नाही. तुम्ही अगदी निवडक साहित्यापासून हा पदार्थ तयार करू शकता. चला तर मग जाणून घेऊया यासाठी लागणारे साहित्य आणि कृती.

बेसन, रवा नाही तर यावेळी बाजरीच्या पिठापासून बनवा पौष्टीक आणि चवदार चिला; चवीसोबतच आरोग्याचीही काळजी

साहित्य

• 2 मध्यम आकाराचे बटाटे
• 1/2 कप बेसन
• 2 चमचे तांदूळ पीठ
• 1/2 टीस्पून लाल मिरची पावडर
• 1/2 टीस्पून हळद
• 1/2 टीस्पून गरम मसाला
• 1/2 टीस्पून जिरे
• 1 टेबलस्पून कोथिंबीर (बारीक चिरलेली)
• 1 हिरवी मिरची (बारीक चिरलेली)
• 1/2 टीस्पून आले पेस्ट
• चवीनुसार मीठ
• तेल
• पाणी

बेसनपासून तयार होणारी सर्वात चविष्ट मिठाई ‘मोहनथाळ’ आता घरीच बनवा; नोट करा रेसिपी 

कृती

• यासाठी सर्वप्रथम किसलेले बटाटे पाण्यात टाका आणि काही वेळाने यातून सर्व पाणी काढून घ्या
• आता एका मोठ्या भांड्यात बेसन, तांदळाचे पीठ, तिखट, हळद, गरम मसाला, जिरे, हिरवी मिरची, धणे, आले पेस्ट आणि मीठ घालून मिक्स करा
• आता यात किसलेले बटाटे आणि थोडे पाणी घालून घट्ट पीठ तयार करा. पीठ खूप पातळ नाही याची खात्री करा
• आता एक नॉन-स्टिक पॅन गरम करून त्यावर थोडे तेल पसरवा
• तयार पीठ तव्यावर ओतून चमच्याने गोल आकारात पसरवा आणि चिला तयार करा
• तयार चिला मध्यम आचेवर 2-3 मिनिटे शिजवा
• चिल्याच्या दोन्ही बाजूंना तेल लावा आणि चिला खरपूस भाजून घ्या
• चिला कुरकुरीत आणि गोल्डन ब्राऊन होईपर्यंत शिजवा आणि मग एका प्लेटमध्ये काढा
• तयार चिला चटणी अथवा दह्यासोबत खाण्यासाठी सर्व्ह करा

Web Title: For breakfast make cripsy and tasty potato chila note down simple recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com