पितृपक्षात आवर्जून बनवा थापीववडी! व्हिडिओतून जाणून घ्या पारंपरिक रेसिपी

यंदाचा पितृपक्ष 17 सप्टेंबरपासून सुरु झाला असून याचा समारोप 2 ऑक्टोबर रोजी होणार आहे. पितृपक्षात आपल्या पितरांच्या स्मरणार्थ त्यांनी पूजा केली जाते आणि त्यांना प्रसादाचे ताट दाखवले जाते. या ताटात अनेक पदार्थांचा समावेश असतो. यातीलच एक पदार्थ म्हणजे थापीववडी. घरी ही थापीववडी कशी बनवायची ते जाणून घ्या.

गणेशोत्सवांनंतर पितृपक्षाला सुरुवात होते. यावर्षी पितृपक्ष 17 सप्टेंबरपासून सुरु होत असून याचा समारोप 2 ऑक्टोबर रोजी होणार आहे. पितृपक्षात पितरांची पूजा करून त्यांना प्रसन्न करण्यासाठी लोक तर्पण अर्पण करून पिंडदान करतात आणि ब्राह्मण भोजन करतात. पितरांना दाखवणाऱ्या ताटात अनेक पदार्थांचा समावेश केला जातो, ज्यामध्ये भेंडी, गवार, मेथी, कारले, बटाटा, लाल भोपळा असा सात्विक भाज्यांचा समावेश असतो.

आज आम्ही तुम्हाला पितृपक्षात बनवल्या जाणाऱ्या एका खास पदार्थाची रेसिपी सांगत आहोत. या पदाथाचे नाव आहे थापीववडी. हा पदार्थ चवीला अगदी अप्रतिम लागतो आणि पितृपक्षात याला आवर्जून बनवले जाते. हा एक पारंपरिक पदार्थ आहे. तुम्ही याआधी कधी हा पदार्थ बनवून पाहिला नसेल तर यंदाच्या पितृपक्षात नक्की बनवा. इंस्टग्रामवरील @swast_ani_mast_recipes अकाउंटवर याची एक भन्नाट रेसिपी शेअर करण्यात आली आहे. जाणून घ्या याची सोपी रेसिपी.

हेदेखील वाचा – हेल्दी आणि टेस्टी रेसिपीच्या शोधात आहात? मग आजच घरी बनवा चटकेदार सिंधी कढ़ी

साहित्य

• कडीपत्ता – 10-12 पाने
• हिरवी मिरची – 2-3 मिरच्या
• लसूण – दोन लसणाच्या पाकळ्या
• आले – एक छोटा तुकडा चिरलेला
• ओवा – अर्धा चमचा
• धणे – अर्धा चमचा
• जिरे – अर्धा चमचा
• बेसन पीठ – 1 वाटी
• पाणी – दीड वाटी
• चिरलेली कोथिंबीर – अर्धी वाटी
• हळद – चिमुटभर
• मीठ – आवश्यकतेनुसार

See more

हेदेखील वाचा – रात्रीच्या जेवणात बनवा बटाट्याचा चटपटीत रायता, पाहता क्षणी तोंडाला पाणी सुटेल

कृती

• थापीववडी बनवण्यासाठी सर्वप्रथम मिक्सरच्या भांड्यात कडीपत्ता, हिरवी मिरची, लसून, आले, ओवा, धणे, जिरे टाका आणि बारीक पेस्ट करून घ्या
• त्यानंतर एका भांड्यात बेसन पीठ टाका आणि यात चिरललेली कोथिंबीर, हळद, मीठ, पाणी टाकून याचे व्यवस्थित मिश्रण तयार करून घ्या
• आता कढई तापवून त्यात तेल टाका आणि मोहरी तडतडली की त्यात जिरे टाकून तयार हिरवी मिरची, लसून, आल पेस्ट टाका
• आता यात तयार बेसनाचे मिश्रण टाका आणि एकसारखे ढवळत रहा, जेणेकरून यात गाठी होणार नाहीत
• मिश्रण घट्ट झाल्यावर त्यावर झाकण ठेवा आणि एक वाफ घेऊन गॅस बंद करा
• एका ताटात हे तयार मिश्रण टाकून एकसारखे पसरवा आणि हाताने थापा
• आता यावर किसलेले खोबरे, कोथिंबीर आणि तीळ टाकून सजवा
• चाकूच्या मदतीने याच्या वड्या पाडा आणि खाण्यासाठी सर्व्ह करा
• अशाप्रकारे तुमची थापीववडी काही वेळातच तयार होईल