Shravan Recipe: श्रावणात बनवा रताळ्याचे चविष्ट कटलेट, जाणून घ्या रेसिपी

श्रावण महिना सुरु झाला आहे. या महिन्यात तुम्हीही उपवास करत असाल आणि तेच तेच उपवासाचे पदार्थ खाऊन कंटाळला असाल तर आजच ही हटके रेसिपी ट्राय करून पहा. आजच्या आपल्या रेसिपीचे नाव आहे रताळ्याचे कटलेट. हे कटलेट चवीबरोबरच आरोग्यासाठीही फायदेशीर ठरतील. (फोटो सौजन्य: istock)

श्रावण महिना अखेर सुरु झाला आहे. हिंदू धर्मात हा महिना पवित्र महिना म्हणून ओळखला जातो. हा महिना संपूर्णपणे भगवान शंकराला समर्पित केला जातो. श्रवणातील सोमवारी अनेकजण पूजा-अर्चा करत उपवास करत असतात. श्रावणी सोमवारी उपवास केल्याने भगवान शंकर आपली इच्छा पूर्ण करतात अशी मान्यता आहे. तुम्हीही या श्रावणात उपवास करत असाल तर आजची ही रेसिपी तुमच्यासाठी फायद्याची ठरणार आहे.

आज आम्ही तुमच्यासोबत रताळ्याच्या कटलेटची एक हटके रेसिपी शेअर करत आहोत. उपवासाचे तेच तेच पदार्थ खाऊन कंटाळा आला असेल तर हा पदार्थ एकदा जरूर करून पहा. ही रेसिपी चवीला फार अप्रतिम लागते आणि कमी वेळेत बनून तयार होते. रताळ्यामध्ये अनेक पोषक घटक आढळतात ज्यामुळे तुमच्या आरोग्यासाठी याचे सेवन फायद्याचे ठरते. जाणून घ्या आजच्या रेसिपीसाठी लागणारे साहित्य आणि कृती.

हेदेखील वाचा – सकाळच्या नाश्त्यासाठी झटपट बनवा कुरकुरीत तांदळाचे वडे, नोट करा रेसिपी

साहित्य

• 3 उकडलेले रताळे
• पाव चमचा तिखट
• अर्धा चमचा जिरं
• थोडीशी कोथिंबीर
• मीठ
• थोडी भागर पावडर
• सारणासाठी थोडसं खोबरं
• कोथिंबीर
• आलं मिरची
• मीठ साखर
• 2 चमचे काजू दोन चमचे किसमिस
• 4 चमचे साजूक तूप
• कोटिंगसाठी अर्धी वाटी जाड भगरी भगरीचा पावडर

कृती

• रताळ्याचे कटलेट बनवण्यासाठी सर्वप्रथम 3 उकडलेले बटाटे मॅश करून एका भांड्यात टाका
• यानंतर यात पाव चमचा तिखट, अर्धा चमचा जिरं, थोडीशी कोथिंबीर, मीठ, थोडी भागर पावडर, सारणासाठी थोडसं खोबरं, कोथिंबीर,
• आलं, मिरची, मीठ साखर टाका आणि सर्व साहित्य नीट एकजीव करून घ्या
• त्यानंतर या मिश्रणाचे लहान लहान गोळे तयार करा
• मग सारणासाठी बारीक वाटून त्यामध्ये काजू व किसमिस घालून त्याचे समान गोळे करून ठेवा
• आता रताळ्याची पारी करून त्यामध्ये चटणी स्टफ करा
• यानंतर हाताने बंद करून ते दाबा आणि भगरीच्या चुऱ्यामध्ये घोळवून तव्यावर टाकून द्या
• गरम तव्यावर थोडं तूप टाकत छान सोनेरी रंग येईपर्यंत हे कटलेट छान भाजून घ्या
• अशाप्रकारे तुमचे रताळ्याचे कटलेट तयार होतील
• दहीसोबत हे तयार कटलेट खाण्यासाठी सर्व्ह करा