सकाळच्या नाश्त्यासाठी झटपट बनवा कुरकुरीत तांदळाचे वडे, नोट करा रेसिपी

सकाळचा नाश्ता नेहमीच पोट आणि मन भरेल असा करायला हवा. आपल्या निरोगी आरोग्यासाठी सकाळचा नाश्ता फार गरजेचा असतो. तुम्हालाही सकाळच्या नाश्त्याला काही हटके बनवायचे असेल मात्र काही सुचत नसेल तर तुम्ही आजची ही झटपट रेसिपी ट्राय करू शकता. ही रेसिपी घरातील सर्वांनाच फार आवडेल.

Follow Us:

Follow Us:

सकाळचा नाश्ता आपल्या आरोग्यासाठी फार महत्त्वपूर्ण असतो. अनेकदा आपल्याला सकाळचा नाश्ता आवर्जून करण्याचा सल्ला दिला जातो. सकाळचा नाश्ता दिवसभर पोट भरलेले ठेवतो आणि दिवसभर काम करण्यासाठी शरीराला एनर्जी प्रदान करतो. नाश्त्याचे प्रकार अनेक असले तरी अनेकांना नेहमी काहीतरी नवीन आणि रुचकर असे खायचे असते अशात आता नवीन पदार्थ काय बनवावा असा प्रश्न अनेक गृहिणींच्या मनात येतो. तुम्हालाही नाश्त्याला काही हटके आणि चविष्ट बनवून पाहायचे असेल तर तुम्ही आजची ही रेसिपी नक्की करून पाहू शकता. जाणून घ्या यासाठी लागणारे साहित्य आणि कृती.

साहित्य

• 3 वाटी तांदूळ (6-7 तास भिजत ठेवलेले)
• 4-5 उकडलेले बटाटे
• 1 वाटी बेसन
• 1 बारीक चिरलेला कांदा
• 5-6 हिरव्या मिरच्या
• 1 चमचा लाल तिखट
• 1/4 चमचा हळद
• आल्याचा बारीक तुकडा
• तेल आवश्यकतेनुसार
• मीठ चवीनुसार
• 1 वाटी कोथिंबीर

हेदेखील वाचा – उपवासाच्या दिवशी झटपट बनवा मखाण्याचा चिवडा, चवीला अप्रतिम अन् आरोग्यासाठी फायदेशीर!

कृती

• तांदळाचे वडे बनवण्यासाठी सर्वप्रथम तांदूळ मिक्सरमध्ये बारीक करून घ्या
• यानंतर एका मोठ्या भांड्यात उकडलेले बटाटे सोलून त्याचे काप करून घ्या
• नंतर यात मिरची आणि आल्याची पेस्ट घाला आणि मिक्स करा
• आता यात तांदळाची पेस्ट, बेसन, कांदा, लाल तिखट, हळद, मीठ घाला आणि सर्व साहित्य नीट एकजीव करून घ्या
• दुसरीकडे गॅसवर कढई ठेवून त्यात तेल टाका
• तेल गरम झाले की तयार तांदळाच्या मिश्रणाचे वडे तयार करून या तेलात टाकून द्या
• आता हे वडे मध्यम आचेवर सोनेरी रंग येईपर्यंत छान टाळून घ्या
• अशाप्रकारे तुमचे कुरकुरीत तांदळाचे वडे तयार होतील
• हे वडे सॉससोबत खाण्यासाठी सर्व्ह करा

Web Title: Recipe of instant crispy rice vada for breakfast

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com