Ganesh Chaturthi 2025 : बाप्पाच्या प्रसादासाठी झटपट बनवा चविष्ट आणि इन्संट असे नारळाचे मोदक

बाप्पाला खुश करायचं म्हटलं तर मोदकांचा प्रसाद दाखवायलाच हवा... टेन्शन घेऊ नका, कारण आम्ही तुमच्यासाठी घेऊन आलो आहोत साधी, सोपी आणि झटपट तयार होणारी नारळाच्या मोदकांची रेसिपी!

गणेश चतुर्थी म्हटली की सर्वप्रथम आठवतो तो म्हणजे बाप्पांचा लाडका मोदक. पारंपरिक उकडीचे मोदक बनवायला वेळ व कष्ट लागतात, पण आजच्या धावपळीच्या जीवनशैलीत सगळ्यांनाच झटपट पण स्वादिष्ट पदार्थांची आवड निर्माण झाली आहे. अशा वेळी झटपट नारळ मोदक ही एक अतिशय उत्तम रेसिपी ठरते. हे मोदक बनवायला सोपे, वेळेत कमी आणि चवदार असतात. त्यातही नारळाचा गोडसर स्वाद आणि गुळाचा अप्रतिम संगम बाप्पालाही आवडतो.

गणपती बाप्पाच्या नैवेद्यासाठी झटपट बनवा चविष्ट ड्रायफ्रूट खीर, पाहताच क्षणी तोंडाला सुटेल पाणी

नारळ हे आरोग्यासाठीही खूप फायदेशीर मानले जाते. शरीराला उर्जा देणारे, थंडावा देणारे आणि पचनासाठी उपयोगी असल्यामुळे या मोदकांना पौष्टिक मूल्य देखील आहे. त्यामुळे गणेश चतुर्थीच्या नैवेद्यासाठी झटपट नारळ मोदक ही एक परिपूर्ण रेसिपी ठरते. चला तर मग पाहूया ही सोपी रेसिपी –

साहित्य

• किसलेला ताजा नारळ – २ कप
• गूळ (किसून) – १ ½ कप
• वेलची पूड – ½ चमचा
• जायफळ पूड – ¼ चमचा (ऐच्छिक)
• तूप – २ चमचे
• मोदकाचा साचा

Ganesh Chaturthi 2025 : पारंपरिकतेला आधुनिकतेचा ट्विस्ट; चॉकलेटपासून आइस्क्रीमपर्यंत यंदा बाप्पासाठी तयार करा 5 हटके फ्युजन मोदक

कृती

• कढईत तूप गरम करून त्यात किसलेला गूळ घालून मंद आचेवर वितळवून घ्या.
• गूळ वितळल्यावर त्यात किसलेला नारळ टाका आणि सतत हालवत मिश्रण कोरडे होऊ द्या.
• त्यात वेलची पूड आणि जायफळ पूड घाला. छान सुगंध येईपर्यंत परता.
• मिश्रण थोडेसे गार झाले की लहान गोळे बनवा.
• मोदकाच्या साच्यात हे गारसर मिश्रण भरून मोदक तयार करा.
• तुपाचा हलका थर लावून मोदकांना छान चमक आणा.
• हवे असल्यास ड्रायफ्रूट बारीक चिरून मिश्रणात टाकू शकता.
• गूळाऐवजी पिठीसाखरेचा वापर करूनही हे मोदक बनवता येतात.
• थोडा गुलकंद मिसळल्यास चव आणखी वाढते.
• गणेश चतुर्थीच्या निमित्ताने झटपट नारळ मोदक करणे हे एकदम सोपे आहे. पारंपरिकतेसोबत आधुनिकतेचा
•  हे मोदक फक्त काही मिनिटांत तयार होतात आणि बाप्पाला नैवेद्य दाखवून घरात आनंद, गोडवा व समाधान पसरवतात.