Ganeshotsav 2025 : भारताच्या या भागात मोठ्या जल्लोषात साजरा होतो गणेशोत्सव; आताच करा जाण्याची तयारी

गणेशोत्सवातील ढोल-ताशांचा गजर, पंडालांची शोभा आणि भक्तिभावाने भरलेले वातावरण मन मोहून टाकते. भारतात काही प्रमुख ठिकाणी हा सण मोठ्या जल्लोषात साजरा केला जातो.

गणेश चतुर्थीचा सण आला की वातावरणात उत्साह आणि आनंदाचे वातावरण पसरते. प्रत्येक घरात आणि मंदिरात बाप्पांची स्थापना केली जाते तसेच ठिकठिकाणी भव्य पंडाल उभारले जातात. मुंबईतील गणेशोत्सवाचे दर्शन तर जगप्रसिद्ध आहेच, पण देशाच्या इतर अनेक भागांमध्येही हा सण मोठ्या उत्साहाने साजरा केला जातो. रस्ते, चौक सजवले जातात, ढोल-ताशांचा गजर आणि भक्तांची गर्दी सर्वांना मोहून टाकते. जर तुम्ही गणेश चतुर्थीच्या काळात प्रवासाचा विचार करत असाल, तर मुंबई व्यतिरिक्तही काही ठिकाणे अशी आहेत जिथे गणेशोत्सवाची झलक वेगळ्याच उत्साहाने अनुभवता येते. चला तर जाणून घेऊया या खास ठिकाणांविषयी.

Best Ropeway in India : आकाशातून निसर्ग पाहण्याचा अनोखा अनुभव घ्यायचा असेल तर ‘या’ आहेत भारतातील सर्वोत्तम Ropeway Rides

मुंबई

महाराष्ट्राची राजधानी मुंबई गणेशोत्सवाच्या जल्लोषासाठी जगभरात प्रसिद्ध आहे. येथे प्रत्येक गल्लीत, सोसायट्यांमध्ये आणि चौकात सुंदर, आकर्षक गणेशमूर्ती बसविल्या जातात. सिद्धिविनायक मंदिर हे मुंबईतील सर्वात प्रसिद्ध गणेश मंदिर आहे. विसर्जनाच्या वेळी समुद्र किनाऱ्यावर होणाऱ्या मिरवणुका पाहण्यासारख्या असतात. त्या क्षणी संपूर्ण मुंबई एकत्र आल्यासारखी भासते.

पुणे

मुंबईप्रमाणेच पुण्यातही गणेशोत्सव अत्यंत भव्य स्वरूपात साजरा केला जातो. पुण्यातील दगडूशेठ हलवाई गणपती मंदिर ऐतिहासिक तसेच अतिशय प्रसिद्ध आहे. येथील बाप्पांची मूर्ती सोने-चांदीने सजविलेली असल्याचे मानले जाते. गणेश चतुर्थीच्या काळात येथे विविध सांस्कृतिक कार्यक्रम आणि स्पर्धांचे आयोजन केले जाते.

अहमदाबाद

गुजरातमधील अहमदाबाद येथेही गणेशोत्सव मोठ्या थाटामाटात साजरा केला जातो. या ठिकाणची खासियत म्हणजे जात, धर्म आणि समुदाय या सर्वांच्या पलीकडे जाऊन लोक एकाच पंडालमध्ये एकत्र येऊन बाप्पांची आराधना करतात. येथे भजन, कीर्तन होत असल्यामुळे भक्तीमय वातावरण अनुभवायला मिळते. देश-विदेशातून अनेक पर्यटक गणेशोत्सव अनुभवण्यासाठी अहमदाबादला भेट देतात.

ओरछा : इतिहास, वास्तुकला आणि अध्यात्माचा अद्भुत संगम; पर्यटनासाठीचे एक परफेक्ट डेस्टिनेशन

गोवा

गोवा म्हणजे फक्त बीचेस, नाईट पार्टी आणि पर्यटनासाठीच नाही तर गणेशोत्सवासाठीही प्रसिद्ध आहे. येथे घराघरात गणेशमूर्तींची स्थापना करून पूजा केली जाते. विविध ठिकाणी सांस्कृतिक कार्यक्रम आणि धार्मिक विधींचे आयोजन केले जाते. त्यामुळे गोव्यातील गणेशोत्सवाचा अनुभव अत्यंत खास ठरतो.

एकंदरीतच, गणेश चतुर्थीचा उत्सव मुंबई, पुणे, अहमदाबाद आणि गोवा या ठिकाणी अनोख्या पद्धतीने अनुभवता येतो. या सणाचा जल्लोष आणि भक्तिभाव मनाला नक्कीच भावतो.

FAQs (संबंधित प्रश्न)

यंदा गणेशोत्सव कधी आहे?
बुधवार, २७ ऑगस्ट

गणपतीचा आवडता रंग कोणता?
पिवळा आणि निळा