किळसवाण्या पिवळ्या दातांपासून मिळेल सुटका! घरच्याघरी औषधी पदार्थांचा वापर करून बनवा दंतमंजन, तोंडाची दुर्गंधी होईल गायब

दातांवर वाढलेला पिवळेपणा, हिरड्यांमधून रक्त येणे, हिरड्यांना सूज इत्यादी सर्व समस्यांपासून कायमची सुटका मिळवण्यासाठी घरी तयार केलेल्या दंतमंजनचा वापर करावा. चला तर जाणून घेऊया दंतमंजन बनवण्याची कृती.

हल्ली दातांच्या समस्या वाढू लागल्या आहेत. लहान मुलांपासून ते अगदी मोठ्यांपर्यंत सगळ्यांचे कोणत्या ना कोणत्या कारणांमुळे कायमच दात दुखत असतात. यासोबतच दातांमधून रक्त येणे, हिरड्यांना सूज, दातांना कीड लागणे, दातांवर पिवळा पांढरा थर तयार होणारे इत्यादी अनेक लक्षणे दिसू लागतात. दातांच्या समस्या वाढू लागल्यानंतर सुरुवातीच्या दिवसांमध्ये अजिबात लक्ष दिले जात नाही, पण कालांतराने समस्या वाढू लागतात आणि दात पूर्णपणे खराब होतात. दातांमध्ये वाढलेल्या वेदना कमी करण्यासाठी मेडिकलमधील पेनकिलर गोळी आणून खाल्ली जाते. पण सतत सतत पेनकिलरच्या गोळ्यांचे सेवन केल्यास किडनीवर परिणाम होण्याची जास्त शक्यता असते. त्यामुळे दातांच्या स्वच्छतेकडे लक्ष देणे फार आवश्यक आहे.(फोटो सौजन्य – istock)

What is E-Cigarette? ई-सिगारेट म्हणजे काय? जाणून घ्या वेपिंगबाबतचे समज आणि गैरसमज?

दैनंदिन आहारात खाल्लेल्या पदार्थांचा थेट परिणाम जसा शरीरावर होतो, तसाच परिणाम दातांवर सुद्धा होता. कारण अन्नपदार्थ खाल्ल्यानंतर बऱ्याचदा दातांमध्ये अन्नाचे बारीक कण तसेच साचून राहतात. दातांमध्ये अन्नाचे कण साचून राहिल्यानंतर ते वेळीच स्वच्छ न केल्यास कुसण्यास सुरुवात होते. यामुळे दातांना कीड लागते किंवा हिरड्यांना सूज येण्याची शक्यता असते. दातांच्या समस्या वाढू लागल्यानंतर कायमच डॉक्टरांच्या सल्ल्याने उपचार केले जातात. पण कालांतराने पुन्हा एकदा दातांच्या समस्या वाढतात. आज आम्ही तुम्हाला दातांमध्ये वाढलेला पिवळेपणा कमी करण्यासाठी घरीच आयुर्वेदिक दंतमंजन बनवण्याची सोपी रेसिपी सांगणार आहोत. चला तर जाणून घेऊया.

दंतमंजन बनवण्यासाठी लागणारे साहित्य:

• कडुलिंबाची पाने
• हळद
• मीठ
• बेकिंग सोडा
• लवंग
• दालचिनी

कृती:

दंतमंजन बनवण्यासाठी सर्वप्रथम, कडुलिंबाची पाने ३ ते ४ दिवस कडक उन्हात सुकण्यासाठी ठेवा. पाने कडक झाल्यानंतर मिक्सरच्या भांड्यात टाकून त्यांची बारीक पावडर करून घ्या. त्यानंतर त्यात हळद, मीठ, बेकिंग सोडा, लवंगचा बारीक तुकडा घालून पावडर करून घ्या. सर्व साहित्य व्यवस्थित बारीक झाल्यानंतर गाळणीच्या सहाय्याने तयार केलेली पावडर गाळून घ्या. तयार केलेली दंतमंजन हवाबंद डब्यात भरून ठेवा.यामुळे दंतमंजन व्यवस्थित टिकून राहील लवकर खराब होणार नाही.

महिलांमध्ये PCOD, PCOS च्या समस्या का वाढत आहे? शरीरात दिसणाऱ्या ‘या’ लक्षणांकडे अजिबात करू नका दुर्लक्ष

वापरण्याची योग्य पद्धत:

तयार केलेली आयुर्वेदिक दंतमंजन सकाळी उठल्यानंतर दात स्वच्छ करताना वापरावी. ब्रशवर दंतमंजन घेऊन हलक्या हाताने दात घासावे किंवा बोटांच्या सहाय्याने सुद्धा दात स्वच्छ करू शकता. दंतमंजन बनवताना लवंगचा वापर केल्यास दातांच्या वाढलेल्या समस्या कमी होण्यास मदत होईल. लवंगामध्ये ‘युजेनॉल’ नावाचे घटक आढळून येते, ज्यामुळे दातांमधील बॅक्टेरिया नष्ट होण्यास मदत होते. कडुलिंबाच्या पानांमध्ये असलेल्या गुणधर्मांमुळे दातांना लागलेली कीड नष्ट होऊन दात स्वच्छ होतात. हळदीमध्ये नैसर्गिक अँटी-बॅक्टेरियल आणि अँटी-इन्फ्लेमेटरी गुणधर्म आढळून येतात, ज्यामुळे हिरड्यांना येणारी सूज कमी होऊन हिरड्यांमधील रक्तस्त्राव थांबतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.