तुम्ही कधी Veg Panini खाल्ला आहे का? कुरकुरीत ब्रेडमध्ये भरलेली चिजी स्टफिंग, हलक्याफुलक्या नाश्त्यासाठी उत्तम पर्याय

संध्याकाळच्या नाश्त्यासाठी काही चवदार आणि हटके शोधत आहात? मग हा इटालियन सँडविच तुमच्यासाठी एक उत्तम पर्याय आहे. इटलीतील लोकप्रिय खाद्यपदार्थ आता थेट तुमच्या स्वयंपाकघरात येणार. जाणून घ्या रेसिपी!

पाणिनी हा इटली मधून आलेला एक लोकप्रिय खाद्यपदार्थ आहे. हा एक प्रकारचा भाजलेला सँडविच असतो. ही एक इटालियन स्टाइल सँडविच डिश असून ती बाहेरून कुरकुरीत आणि आतून चविष्ट असते. विविध भाज्या, सॉस, चीज आणि ब्रेड यांचा संगम असलेली ही रेसिपी नाश्त्यासाठी किंवा हलक्याफुलक्या जेवणासाठी उत्तम पर्याय आहे. ही डिश घरच्या घरी पॅन किंवा ग्रिलवर सहजपणे बनवता येते आणि मुलांना तसेच मोठ्यांना खूप आवडते.

गटारी स्पेशल! रविवारची मजा करा द्विगुणित; घरी बनवा मसालेदार आणि चविष्ट ‘सुक्कं चिकन’

संध्याकाळच्या नाश्त्यासाठी काही नवीन आणि चवदार शोधत असाल तर तुमच्यासाठी ही डिश एक उत्तम पर्याय आहे. त्याचबरोबर जर तुम्हाला सँडविच खायला फार आवडत असेल तर पाणिनी डिश तुम्हाला नक्कीच आवडेल. हा इटालियन पदार्थ आता अनेक ठिकाणी विकला जात आहे पण आम्ही तुम्हाला याची एक सोपी रेसिपी सांगत आहोत ज्याच्या मदतीने तुम्ही घरीच हा पदार्थ तयार करू शकता. चला जाणून घेऊया यासाठी लागणारे साहित्य आणि कृती.

साहित्य

• ब्रेड स्लाइस (संडविच ब्रेड किंवा फोकासिया, ब्राउन/व्हाइट) – ४
• सिमला मिरची (कापलेली) – ½ कप
• कांदा (कापलेला) – ½ कप
• टोमॅटो (पातळ स्लाइस) – १ मध्यम
• उकडलेला किंवा भाजलेला बेबी कॉर्न – ¼ कप
• ऑलिव्ह किंवा मश्रूम (ऑप्शनल) – ¼ कप
• चीज स्लाइस/ग्रेट केलेलं चीज – ½ कप
• बटर – २ टेबलस्पून
• मिक्स हर्ब्स (ओरिगानो, थायम, इटालियन मसाला) – १ चमचा
• चिली फ्लेक्स – ½ चमचा
• मीठ – चवीनुसार
• मेयोनीज / ग्रीन चटणी / पिझ्झा सॉस – २ टेबलस्पून (ऑप्शनल)

कृती

• व्हेज पाणिनी बनवण्यासाठी सर्वप्रथम सर्व भाज्या धुवून बारीक चिरून घ्या. थोड्या तेलात किंवा बटरमध्ये कांदा,
• सिमला मिरची, बेबी कॉर्न आणि अन्य भाज्या थोडेसे परतून घ्या. मीठ, हर्ब्स आणि चिली फ्लेक्स घालून २ मिनिटं परतवा.
• ब्रेड स्लाइसवर बटर लावा. दुसऱ्या बाजूला मेयोनीज, ग्रीन चटणी किंवा पिझ्झा सॉस पसरा.
• एका स्लाइसवर परतवलेली भाजी, टोमॅटो स्लाइस आणि चीज घाला. त्यावर दुसरी स्लाइस ठेवून हलके दाबा.
• हे सँडविच गरम पॅन, टोस्टर किंवा पाणिनी ग्रिलवर दोन्ही बाजूंनी कुरकुरीत होईपर्यंत भाजा.
• गरम गरम पाणिनी तुकडे करून सॉस किंवा चटणीसोबत सर्व्ह करा.
• हवे असल्यास बारीक कापलेला पालक, झुकिनी, ऑलिव्हज यांचा वापर करू शकता.
• अधिक चविष्ट बनवण्यासाठी चीजचा वापर वाढवू शकता.
• गरम करताना पाणिनीवर वरून वजन ठेवल्यास ती चांगली कुरकुरीत होते.
• ही रेसिपी घरच्या घरी झटपट तयार करता होते आणि याने पोटही भरते.