कोणत्या भांड्यांमध्ये रोजचे जेवण शिजवणे योग्य आहे (फोटो सौजन्य - iStock/Freepik)
चांगल्या आरोग्यासाठी, निरोगी अन्नासोबतच ते शिजवण्याची पद्धतदेखील योग्य असली पाहिजे. जर तुम्ही चुकीच्या धातूच्या भांड्यांमध्ये अन्न शिजवले किंवा खाल्ले तर त्याचा तुमच्या आरोग्यावर परिणाम होऊ शकतो. उदाहरणार्थ, प्लास्टिकच्या भांड्यांमध्ये अन्न खाणे अत्यंत हानिकारक मानले जाते.
प्लास्टिक व्यतिरिक्त, अॅल्युमिनियमच्या भांड्यांमध्ये स्वयंपाक केल्याने तुमच्या आरोग्यावर वाईट परिणाम होऊ शकतो. कोणत्या भांड्यात स्वयंपाक करणे फायदेशीर आहे ते जाणून घेऊया. आयुर्वेदिक डॉक्टर उदय कानिटकर यांनी काही महत्त्वाची माहिती दिली आहे (फोटो सौजन्य – iStock/freepik)
अॅल्युमिनिअममधील शिजलेले अन्न
अॅल्युमिनियमच्या भांड्यात अन्न का शिजवू नये
बहुतेक घरांमध्ये, अन्न अॅल्युमिनियमच्या भांड्यांमध्ये शिजवले जाते कारण ते उष्णतेचे चांगले वाहक असतात. यामध्ये अन्न लवकर शिजते. अॅल्युमिनियम बॉक्साईटपासून बनवले जाते. आयुर्वेदानुसार, हे पात्र लोह आणि कॅल्शियम शोषून घेते. अॅल्युमिनियमच्या भांड्यात शिजवलेले अन्न खाल्ल्याने हाडे कमकुवत होतात. याशिवाय यकृत आणि मज्जासंस्थेवरही परिणाम होतो. अॅल्युमिनियमपासून बनवलेल्या प्रेशर कुकरमध्ये शिजवलेल्या अन्नाचे पौष्टिक मूल्य कमी होते.
मांस-मच्छी न खाण्यामुळे झालाय हाडांचा सांगाडा, विटामिन B12 साठी खा FSSAI ने सांगितलेले 5 पदार्थ
कोणते मेटल ठरते बेस्ट
बहुतेक लोक अॅल्युमिनियमच्या भांड्यात अन्न शिजवतात. हा लेख वाचल्यानंतर तुमच्या मनात एक प्रश्न उद्भवू शकतो की जर अॅल्युमिनियम नाही तर कोणता धातू अन्न शिजवण्यासाठी सर्वोत्तम आहे. आपल्याकडे पूर्वपरंपरागत पाहिले तर काही ठराविक भांड्यांमध्ये जेवण शिजवले जायचे आणि त्यामुळेच पूर्वीच्या काळी लोक दीर्घायुषी होते. यापैकी कोणती भांडी वापरावीत जाणून घेऊया.
पितळेची भांडी उत्तम
पितळेच्या भांड्यात स्वयंपाक करणे आरोग्यासाठी चांगले असते. पितळेच्या भांड्यात शिजवलेले अन्न तुमच्या आरोग्यासाठी खूप फायदेशीर असते. पितळेच्या भांड्यात शिजवलेल्या अन्नात झिंकचे प्रमाण जास्त असते जे रक्तातील रक्ताची संख्या वाढवण्यास मदत करते. याशिवाय पितळेच्या भांड्यातील जेवण हे अधिक चविष्ट आणि आरोग्यासाठी पौष्टिक ठरते.
पितळेच्या भांड्यातील जेवणाचे फायदे
पितळेच्या भांड्यामध्ये जेवण करून खाण्याचे फायदे
पितळेच्या भांड्यात अन्न शिजवल्याने किंवा बनवल्याने श्वसनाचे आजार बरे होतात. ज्या लोकांना दम्याचा त्रास आहे ते पितळेच्या भांड्यात अन्न शिजवू शकतात आणि खाऊ शकतात. केवळ पितळेच्या भांड्यात अन्न शिजवणेच नाही तर अन्न सेवन करणे देखील फायदेशीर आहे. रात्रभर पितळी ग्लासमध्ये पाणी ठेवा. दुसऱ्या दिवशी सकाळी हे पाणी प्या. रिकाम्या पोटी पाणी प्यायल्याने तुमची रोगप्रतिकारक शक्ती वाढते.
बघता बघता होईल शरीराचा सांगाडा, जेवणाच्या ताटात जर नसतील 15 पोषक तत्व
पितळी भांड्यात काय शिजवू नये
बराच काळ टिकल्यानंतर, पितळी भांड्यांच्या पृष्ठभागावर ऑक्साईडचा थर तयार होतो, जो टोमॅटो, व्हिनेगर आणि लिंबू सारख्या आम्लयुक्त पदार्थांसाठी योग्य नाही. असे पदार्थ पितळी भांड्यात केल्यास पोटात विष तयार होते आणि पोटदुखी वा अन्य पोटासंबंधित तक्रारी होऊ शकतात. असं म्हणतात की आम्लयुक्त पदार्थ पितळेच्या भांड्यात शिजवू नयेत.
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
.png "Videos"){kind=small}
