Recipe : सकाळच्या नाश्त्याला बनवा खमंग आणि हेल्दी असा मूगडाळीचा पराठा, एकदा चाखाल तर पुन्हा बनवाल

Moong Dal Paratha Recipe : मूगाच्या डाळीत अनेक पोषक घटक असतात ज्यामुळे याचे सेवन आरोग्याला अनेक फायदे मिळवून देते. वजन कमी करण्यास याची खास मदत होते. चला यापासून पराठा कसा बनवायचा ते जाणून घेऊया.

• सकाळच्या नाश्त्यात काहीतरी हेल्दी, पोटभर आणि झटपट तयार होणारे पदार्थ खायचे असतील तर मूग डाळ
• पराठा हा उत्तम पर्याय ठरू शकतो. मूग डाळीत प्रोटीन, फायबर आणि शरीराला आवश्यक पोषक घटक मोठ्या
• प्रमाणात असतात. त्यामुळे हा पराठा केवळ चविष्टच नाही तर शरीराला ऊर्जा देणारा देखील आहे.

सकाळच्या नाश्त्यात काहीतरी हेल्दी, पोटभर आणि झटपट तयार होणारे पदार्थ खायचे असतील तर मूग डाळ पराठा हा उत्तम पर्याय ठरू शकतो. मूग डाळीत प्रोटीन, फायबर आणि शरीराला आवश्यक पोषक घटक मोठ्या प्रमाणात असतात. त्यामुळे हा पराठा केवळ चविष्टच नाही तर शरीराला ऊर्जा देणारा देखील आहे.

Snacks Dish : बेकरीसारखी टेस्टी आणि मजेदार ‘पफ पेस्ट्री’ आता बनवा घरीच, नोट करा सोपी रेसिपी

विशेष म्हणजे वजन कमी करण्याचा प्रयत्न करणाऱ्यांसाठीही हा नाश्ता फायदेशीर मानला जातो. दही किंवा रायत्यासोबत खाल्ल्यास याची चव आणखी वाढते. घरच्या घरी अगदी कमी वेळात तयार होणारी ही सोपी रेसिपी नक्की ट्राय करा. टेस्टी आणि हेल्दी नाश्ता शोधत असाल तर हा पर्याय तुमच्यासाठी एकदम परफेक्ट आहे. डब्यासाठीही ही रेसिपी एक चांगला पर्याय ठरते. चला जाणून घेऊया यासाठी लागणारे साहित्य आणि कृती.

साहित्य

• 1 वाटी धुतलेली मूग डाळ
• 6-7 लसूण पाकळ्या
• 2-3 हिरव्या मिरच्या
• 1 इंच आलं
• 2 मोठे चमचे रवा किंवा बेसन
• चवीनुसार मीठ
• थोडी हळद
• लाल तिखट
• कसुरी मेथी
• 1 छोटा चमचा ओवा
• थोडा गरम मसाला
• 1 बारीक चिरलेला कांदा
• 1 कप गव्हाचे पीठ
• बारीक चिरलेली कोथिंबीर
• चिमूटभर हिंग
• आवश्यकतेनुसार तेल

Cake Recipe : चॉकलेट नाही यंदा घरी बनवा ‘क्रीम चीज केक’, चव अशी की तोंडात टाकताच विरघळेल… 

कृती

• सर्वप्रथम मूग डाळ दोन वेळा स्वच्छ पाण्याने धुवून घ्या. त्यानंतर गरम पाण्यात साधारण एक तास भिजत ठेवा. वेळ असल्यास डाळ रात्रभर भिजवून ठेवली तरी चालेल.
• भिजवलेल्या डाळीतील पाणी काढून ती मिक्सरमध्ये घाला. त्यात लसूण, हिरव्या मिरच्या आणि आलं घालून अगदी
• कमी पाणी वापरत जाडसर पेस्ट तयार करा. आता या मिश्रणात रवा किंवा बेसन घाला. त्यामुळे पराठे अधिक खमंग आणि कुरकुरीत होतात.
• तयार मिश्रणात मीठ, हळद, लाल तिखट, कसुरी मेथी, ओवा आणि गरम मसाला घाला. त्यानंतर बारीक चिरलेला
• कांदा, कोथिंबीर, हिंग आणि गव्हाचे पीठ घालून मऊसर पीठ मळून घ्या. आवश्यकता वाटल्यास थोडे अधिक पीठ वापरू शकता. मात्र जास्त पाणी घालू नका.
• मळलेल्या पिठावर थोडे तेल लावून 5 मिनिटे झाकून ठेवा. नंतर लहान लहान गोळे करून पराठे लाटा. तवा गरम
• करून मध्यम आचेवर दोन्ही बाजूंनी छान भाजून घ्या. गरमागरम मूग डाळ पराठे दही, लोणचे किंवा रायत्यासोबत सर्व्ह करा.