Heat Stroke: वाढत्या उन्हाळ्यात कोणत्याही क्षणी हिट स्ट्रोकने जाईल जीव, उष्माघातापासून बचाव करण्यासाठी अशी घ्या काळजी

शरीराच्या तापमानात वाढ झाल्यानंतर कोणत्याही शनि हिट स्ट्रोक येण्याची शक्यता असते. योग्य वेळी उपचार न केल्यास मृत्यू सुद्धा होऊ शकतो. चला तर जाणून घेऊया हिट स्ट्रोक म्हणजे काय आणि त्याची लक्षणे.

हिट स्ट्रोक म्हणजे काय?
हिट स्ट्रोक येण्याची कारणे?
उष्माघातापासून बचाव करण्यासाठी काय करावे?

राज्यासह संपूर्ण देशभरात तापमानात मोठी वाढ झाली आहे. उन्हाळा ऋतूला सुरुवात झाल्यानंतर कुठेही बाहेर जाण्याचा खूप जास्त कंटाळा येतो. कारण कडक उन्हात कुठेही बाहेर जाऊन आल्यानंतर डोकेदुखी, उलट्या, मळमळ होण्याची जास्त शक्यता असते. तर काहीवेळा डिहायड्रेशन होऊन वारंवार चक्कर येते. सूर्याच्या अतिनील किरणांमुळे शरीरातील पाणी घामावाटे बाहेर पडून जाते. यामुळे शरीरात कोरडेपणा जाणवू लागतो. पाण्याची पातळी कमी झाल्यानंतर आरोग्य बिघडण्याची जास्त शक्यता असते. शरीराच्या तापमानात वाढ झाल्यानंतर कोणत्याही क्षणी हिट स्ट्रोक येऊन मृत्यू होऊ शकतो. हिट स्ट्रोक येणे ही अतिशय गंभीर स्थिती आहे. यामध्ये शरीराचे तापमान अचानक वाढते आणि योग्य वेळी उपचार न झाल्यास कोणत्याही क्षणी जीव जाऊ शकतो. चला तर जाणून हिट स्ट्रोकची लक्षणे आणि उष्माघातापासून बचाव करण्यासाठी कोणते उपाय करावेत.(फोटो सौजन्य – istock)

डायबीटीज कंट्रोलमध्ये नाही ! शुगर कमी करण्यासाठी रोज कितीवेळ चालावं ?

हीट स्ट्रोकमुळे मृत्यू कसा होतो?

उन्हाळ्याच्या दिवसांमध्ये काहीवेळा शरीराचे तापमान झपाट्याने वाढते आणि शरीर थंड करण्यासाठी खूप जास्त वेळ लागतो. हिट स्ट्रोक आल्यानंतर सगळ्यात आधी मेंदू, हृदय आणि किडनी यांसारख्या अतिमहत्वाच्या अवयवांवर लगेच परिणाम होतो. तसेच शरीरात वाढलेल्या तापमानामुळे मेंदूच्या पेशींचे नुकसान होते. गोंधळ, झटके येणे, कोमा किंवा मानसिक नियंत्रण हरवणे इत्यादी गंभीर लक्षणे दिसू लागतात. शरीर थंड ठेवण्यासाठी हृदयाला जास्तीचे काम करावे लागते, ज्यामुळे हृदयाच्या पेशी कमकुवत होऊन जातात.

हिट स्ट्रोकची लक्षणे:

• शरीर खूप जास्त गरम होणे
• मानसिक बदल, गोंधळ किंवा अस्वस्थता
• बोलण्यात अस्पष्टता जाणवणे.
• झटके येणे किंवा कोमा
• त्वचा कधी गरम व कोरडी तर कधी जास्त घाम येणे
• पोटदुखी किंवा मळमळ
• त्वचा लाल होणे आणि हृदयाचे ठोके वाढणे
• डोकेदुखी आणि दम लागणे, इत्यादी लक्षणे दिसू लागल्यास तातडीने डॉक्टरांच्या सल्ल्याने उपचार करावेत.

उन्हाळ्यात चिकन खावे की मटण? कोणत्या पदार्थांच्या सेवनामुळे शरीरात वाढते उष्णता, जाणून घ्या शिजवण्याची योग्य पद्धत

हिट स्ट्रोकपासून बचाव करण्यासाठी उपाय:

उन्हाळा ऋतूला सुरुवात झाल्यानंतर सुती आणि आरामदायी कपडे परिधान करावेत. सुती कपडे घातल्यामुळे हवा खेळती राहते आणि गरम होत नाही. उन्हात कुठेही बाहेर फिरायला जाताना सोबत पाण्याची बाटली, टोपी, सनग्लासेस वापरावे. याशिवाय त्वचेच्या रक्षणासाठी सनस्क्रीन लावणे आवश्यक आहे. उन्हाळा ऋतूला सुरुवात झाल्यानंतर भरपूर पाणी प्यावे. पाणी प्यायल्यामुळे शरीर हायड्रेट राहते आणि शरीरात वाढलेली उष्णता कमी होण्यास मदत होते. दिवसभरातील अतिउष्णतेच्या वेळी शारीरिक कष्टाची कामे करू नयेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.