तुमचे देखील केस पातळ झालेत? तर ‘हे’ घरगुती उपाय करून पाहा, काही दिवसांमध्ये दिसेल फरक

केसांमध्ये जर लोह, प्रोटीन किंवा विटामिन बी १२ ची कमतरता असेल तर केस गळू लागतात.केस गळती सुरु झाल्यानंतर काही दिवसांमध्येच केस पातळ होण्यास सुरुवात होतात.

केसांच्या वाढीसाठी घरगुती उपाय

Follow Us:

Follow Us:

सर्वच महिलांना लांब आणि सुंदर केस हवे असतात. केसांमुळे आपले सौंदर्य अधिक खुलून दिसते. केसांच्या आरोग्य सुधारण्यासाठी आपण अनेक उपाय करून पाहतो. पण त्याचा फारसा परिणाम आपल्या केसांवर दिसून येत नाही. वेगवेगळे उपाय केल्यानंतर काही वेळ केस आणखीन जास्त खराब होऊ लागतात. केस खराब झाल्यानंतर ते पुन्हा एकदा व्यवस्थित करण्यासाठी आपण पार्लरमध्ये जाऊन हेअर स्पा किंवा इतर प्रोटीन ट्रीटमेंट घेतो.पण केमिकल उत्पादने वापरण्यापेक्षा घरगुती उपाय केल्याने केस आणखीन सुंदर आणि छान होतात.

केसांमध्ये जर लोह, प्रोटीन किंवा विटामिन बी 12 ची कमतरता असेल तर केस गळू लागतात.केस गळती सुरु झाल्यानंतर काही दिवसांमध्येच केस पातळ होण्यास सुरुवात होतात. मानसिक तणाव, हार्मोनल बदल किंवा इतर काही कारणांमुळे सतत केस गळण्यास सुरुवात होते. त्यामुळे आज आम्ही तुम्हाला पातळ झालेले केस पुन्हा एकदा घनदाट आणि मजबूत करण्यासाठी काही घरगुती उपाय सांगणार आहोत. जे केल्याने केसांचे आरोग्य सुधारण्यास मदत होईल.(फोटो सौजन्य-istock )

बटाटा कोथिंबीर हेअरमास्क:

• कच्चा बटाटा जसा केसांच्या आरोग्यासाठी फायदशीर आहे तसाच त्वचेच्या आरोग्यासाठी सुद्धा गुणकारी आहे.
• हेअर मास्क तयार करण्यासाठी बटाट्याची साल काढून किसून घ्या. त्यामध्ये बारीक चिरलेली कोथिंबीर टाकून व्यवस्थित मिक्स करा.
• हा हेअरमास्क संपूर्ण केसांना लावून 40 मिनिटं ठेवा.
• त्यानंतर कोमट पाण्याने केस स्वच्छ धुवून घ्या. त्यामुळे केसांची वाढ होण्यास मदत होईल.

अंड मध हेअरमास्क:

• केसांच्या वाढीसाठी तुम्ही अंड्याचा वापर करू शकता. अंड लावल्याने केस मजबूत आणि मऊ होण्यास मदत होते.
• हेअर मास्क बनवण्यासाठी एका वाटीमध्ये अंड्याचा पांढरा भाग घेऊन त्यात मध टाका.
• हे सर्व मिश्रण व्यवस्थित मिक्स करून घ्या. मिक्स केल्यानंतर संपूर्ण केसांना लावा.
• 20 मिनिटं ठेवून केस स्वच्छ धुवून घ्या. यामुळे केस मऊ होऊन चमकदार दिसतील.

मेथी दाणे नारळपाणी हेअरमास्क:

• नारळाच्या पाण्यामध्ये अनेक पोषक घटक असतात, तर मेथी दाण्यांमध्ये असलेल्या गुणधर्मांमुळे केस मजबूत होण्यास मदत होते.
• हेअर मास्क तयार करण्यासाठी भिजवलेल्या मेथी दाण्यांमध्ये नारळाचे पाणी टाकून त्याची बारीक पेस्ट करून घ्या.
• पेस्ट करून झाल्यानंतर टाळूपासून संपूर्ण केसांना व्यवस्थित लावा.
• 15 ते 20 मिनिटं ठेवून केस स्वच्छ धुवून घ्या.
• तसेच केसांच्या मजबूत वाढीसाठी केसांना आठवड्यातून दोनदा बदामाचे तेल किंवा इतर कोणतेही तेल वापरू शकता.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Home remedies for hair growth

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com