उन्हामुळे चेहरा काळा पडला आहे? मग टॅनिंग काढण्यासाठी ‘हा’ उपाय नक्की करून पहा

पावसाळ्याच्या दिवसांमध्ये वातावरणातील आद्र्रतेमुळे चेहरा अनेकदा काळा पडतो.काळा पडलेला चेहरा पुन्हा उजळ्वण्यासाठी अनेक प्रयत्न केले जातात. महागड्या क्रीम,पार्लरच्या ट्रीटमेंट, त्वचा उजळ्वण्यासाठी ब्राइटनिंग क्रीमइत्यादी गोष्टींचा वापर केल्यानंतर सुद्धा त्वचा काळीच दिसते. त्यामुळे हे सर्व उपाय करण्यापेक्षा घरगुती उपाय नक्की करून पहा. यामुळे तुमच्या त्वचेवरील हरवलेली चमक पुन्हा परत मिळण्यासाठी मदत होईल. घरगुती उपाय केल्यानंतर नैसर्गिक ग्लो चेहऱ्यावर टिकून राहतो.

वातावरणामध्ये सतत होणाऱ्या बदलांचा परिणाम आरोग्यावर लगेच दिसून येतो. हल्ली सगळीकडे कधी ऊन तर कधी पाऊस पडत असल्यामुळे रोगराई मोठ्या प्रमाणावर पसरली आहे. वाढते ऊन आणि प्रदूषणाचा फटका त्वचेला बसत असल्यामुळे चेहऱ्यासह संपूर्ण शरीराचे मोठ्या प्रमाणावर नुकसान होत आहे. त्यामुळे सर्वच ऋतूंमध्ये त्वचेची काळजी घेण्यासाठी सकाळी कामानिमित्त बाहेर गेल्यानंतर किंवा इतर वेळेस बाहेर गेल्यानंतर चेहऱ्याला सनस्क्रीन लावूनच घराबाहेर जावे. सनस्क्रीनचा वापर न केल्यामुळे चेहऱ्यासह हात आणि पायसुद्धा पूर्णपणे काळे होऊन जातात. त्वचेचे सौदंर्य वाढवण्यासाठी महिला अनेक वेगवेगळे उपाय करतात. पण हे उपाय करूनसुद्धा उन्हामुळे चेहरा काळा पडतो.

चेहऱ्यासोबतच हात पायांच्या त्वचेसुद्धा काळजी घेणे आवश्यक आहे. अनेकदा आपण चेहऱ्याच्या त्वचेकडे लक्ष देतो, मात्र हातापायांच्या त्वचेकडे फारसे लक्ष दिले जात नाही. पण असे न करता हातापायांच्या त्वचेकडे सुद्धा लक्ष देणे गरजेचे आहे. उन्हामुळे आणि वातावरणातील आद्र्रतेमुळे काळा पडलेला चेहऱ्याचा रंग सुधारण्यासाठी अनेक महिला महागड्या क्रीम,पार्लरच्या ट्रीटमेंट, त्वचा उजळ्वण्यासाठी ब्राइटनिंग क्रीम इत्यादी अनेक गोष्टी लावतात. पण याचा परिणाम फारकाळ चेहऱ्यावर दिसून येत नाही. त्यामुळे आज आम्ही तुम्हाला चेहऱ्यावरील टॅनिंग काढण्यासाठी कोणते घरगुती उपाय करावे, याबद्दल सांगणार आहोत. चला तर जाणून घेऊया.(फोटो सौजन्य-istock)

हे देखील वाचा: लॅपटॉप, मोबाईल वापरून डोळे दुखतायत? मग नियमित करा ही योगासने, डोळ्यांच्या त्रासापासून मिळेल सुटका

टॅनिंग घालवण्यासाठी घरगुती उपाय:

साहित्य:

• बेसन
• हळद
• मध
• पाणी

हे देखील वाचा: पांढरे केस काळे करण्यासाठी मेहंदीमध्ये मिक्स करा ‘या’ 2 गोष्टी, नैसर्गिकरित्या काळेभोर होतील केस

कृती:

• टॅनिंग मास्क बनवण्यासाठी एका वाटीमध्ये 1 चमचा बेसन घेऊन त्यात हळद टाका.
• त्यानंतर त्यात मध आणि पाणी टाकून व्यवस्थित मिक्स करा.
• बेसनच्या मिश्रणाची जाडसर पेस्ट बनवा.

मास्क लावण्याची योग्य पद्धत:

तयार केलेला मास्क काळवंडलेल्या त्वचेला लावून हातांना आणि पायांना व्यवस्थित लावून घ्या. 15 ते 20 मिनिटं ठेवून मास्क कोरडा झाल्यानंतर हाताने मसाज करा. चेहऱ्याला आणि हातापायांना मसाज करताना हलक्या हाताने मसाज करावा. त्यानंतर मास्क सुकण्यासाठी तसाच ठेवून द्या. त्यानंतर थंड पाण्याने हात पाय आणि चेहरा स्वच्छ धुवा. यामुळे तुमच्या हातापायावरील टॅनिंग निघून जाण्यास मदत होईल. हा उपाय आठवड्यातून दोनदा किंवा तीनदा केल्यामुळे तुमच्या त्वचेवरील टॅनिंग निघून जाईल. मास्क धुतल्यानंतर मॉइश्चरायझर लावून ठेवा.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.