आपल्या केसांचा प्रकार कोणता? निगा राखण्यासाठी होतो फायदा; आजच घ्या जाणून

सुंदर केसांसाठी सर्वात आधी आपला केसांचा प्रकार ओळखणं गरजेचं असतं. सरळ, लहरी, कुरळे किंवा तेलकट/कोरडे, प्रत्येक प्रकाराला वेगळी काळजी लागते.

सुंदर आणि निरोगी केसांसाठी सर्वात महत्त्वाचं पाऊल म्हणजे आपला केसांचा प्रकार ओळखणे. अनेक जण वेगवेगळे शॅम्पू, सिरम किंवा ऑईल्स वापरतात, पण योग्य प्रकार माहिती नसल्यामुळे अपेक्षित परिणाम मिळत नाहीत. कारण प्रत्येक उत्पादन विशिष्ट केस प्रकारासाठी तयार केलेलं असतं. त्यामुळे स्वतःचे केस नेमके कसे आहेत हे समजून घेतल्यास योग्य निगा राखणे खूप सोपं होतं. सरळ, लहरी, कुरळे, कोरडे, तेलकट, पातळ, जाड, फ्रिझी असे विविध प्रकार केसांना असतात आणि प्रत्येक प्रकाराला वेगळी काळजी आवश्यक असते. उदाहरणार्थ, कोरड्या केसांना जास्त मॉइश्चरची गरज असते, तर तेलकट केसांसाठी हलक्या फॉर्म्युलाची गरज असते. (How to identify our hair type)

शाळेच्या डब्यासाठी १० मिनिटांमध्ये बनवा हेल्दी आणि टेस्टी पालक पनीर राईस, पदार्थ पाहून लहान मुलं होतील खुश

केसांचा प्रकार ओळखण्यासाठी काही सोपे उपाय उपयुक्त ठरतात. सर्वप्रथम केसांचा नैसर्गिक पॅटर्न पाहा. शॅम्पूनंतर नैसर्गिकपणे सरळ राहतात आणि लवकर तेलकट दिसतात ते सरळ केस; S आकाराची हलकी वळणे असतील तर ते लहरी केस; वर्तुळाकार कर्ल्स असतील तर कुरळे केस; आणि अगदी लहान, घट्ट वळ्या असतील तर ते कोयली किंवा अ‍ॅफ्रो प्रकारात येतात. यानंतर केसांची जाडी तपासा. एक बारीक केस बोटांमध्ये फिरवून पाहा, जर केस hardly जाणवत असेल तर ते पातळ, थोडा जाणवत असेल तर मध्यम आणि स्पष्टपणे जाणवत असेल तर जाड केस मानले जातात. पुढचा महत्त्वाचा घटक म्हणजे केसांची घनता.

आरशासमोर केसांची पार्टिंग करून टाळू दिसतो का ते पाहा, टाळू दिसत नसेल तर दाट, थोडासा दिसत असेल तर मध्यम आणि स्पष्ट दिसत असेल तर कमी घनता असे मानले जाते. आता केस तेलकट, कोरडे की सामान्य आहेत हे समजून घेण्यासाठी शॅम्पूनंतर २४ तास केस न धुता निरीक्षण करा. मुळांवर चिकटपणा, सपाटपणा दिसत असेल तर केस तेलकट; खडबडीत, चमक नसलेले केस म्हणजे कोरडे; आणि संतुलित, न खूप तेलकट न खूप कोरडे असेल तर केस सामान्य प्रकारात मोडतात. केसांचा प्रकार ओळखल्यानंतर त्यानुसार निगा राखली तर केस अधिक सुंदर आणि निरोगी दिसतात.

Science Fact : अटलांटिक महासागरावर मोठे छिद्र! भारताच्या भूभागाच्या १.७ पट मोठी विसंगती

सरळ केसांसाठी हलक्या प्रकारचे शॅम्पू, कंडिशनर फक्त टोकांपर्यंत आणि कमी ऑईल उत्तम; लहरी केसांसाठी एंटी-फ्रिझ क्रीम, हलका जेल आणि कमी heat styling उपयुक्त; कुरळे केसांसाठी sulfate-free शॅम्पू, डीप कंडिशनिंग आणि लीव्ह-इन प्रोडक्ट्स आवश्यक; तर कोरड्या केसांना हायड्रेटिंग मास्क, आठवड्यातून दोनदा ऑईलिंग आणि कमी शॅम्पूची गरज असते. तेलकट केसांसाठी क्ले-बेस्ड शॅम्पू, मुळांवर जड तेल टाळणे आणि कधीमधी ड्राय शॅम्पू फायदेशीर ठरतो. केसांचा प्रकार एकदा नीट समजून घेतला की योग्य उत्पादनांची निवड करणे, केसांची योग्य दिनचर्या तयार करणे आणि नियमित निगा राखणे हे काम खूप सोपं होतं. तुमचे केस कसेही असोत सरळ, कुरळे की तेलकट योग्य काळजी घेतली तर काही आठवड्यांतच केसांमध्ये स्पष्ट बदल दिसू लागतो.