दिवसाची सुरुवात करा हेल्दी पदार्थांनी, नाश्त्यासाठी बनवा सफरचंद मखाणा स्मुदी

वाढलेले वजन कमी कारण्यासोबतच हाडांच्या आरोग्यासाठी मखाणा गुणकारी आहे. सकाळी उठल्यानंतर नाश्त्यामध्ये बाहेरून आणलेले पदार्थ खाण्यापेक्षा आहारात हेल्दी पदार्थांचे सेवन करावे, जे खाल्ल्यानंतर शरीराला ऊर्जा मिळेल. सकाळी उठल्यानंतर व्यायाम करून सफरचंद मखाणा स्मुदी प्यायल्यास वाढलेले वजन नियंत्रणात राहील. तसेच सकाळची सुरुवात आनंददायी होईल. त्यामुळे आम्ही सांगितलेली सफरचंद मखाणा स्मुदी नक्की बनवून पहा.

सकाळी उठल्यानंतर काहींना सगळ्यात आधी चहा किंवा कॉफी पिण्याची सवय असते. पण हा चहा कॉफी आरोग्यासाठी हानिकारक ठरू शकतो. त्यामुळे शक्यतो सकाळी उठल्यानंतर नाश्त्यामध्ये आरोग्यासाठी गुणकारी असलेल्या पदार्थांचे सेवन करावे. नाश्त्यामध्ये पौष्टिक पदार्थ खाल्ल्यामुळे दिवसभर शरीरात ऊर्जा कायम टिकून राहते. दिवसाची सुरुवात पौष्टीक आणि हेल्दी नाश्त्याने झाली तर संपूर्ण दिवससुद्धा छान जातो. त्यामुळे आज आम्ही तुम्हाला सकाळच्या नाश्त्यासाठी अ‍ॅपल-मखाणा स्मुदी कशी बनवायची याची सोपी रेसिपी सांगणार आहोत. ही रेसिपी कमीत कमी वेळात आणि कमी साहित्यामध्ये बनवता येते.

वाढलेले वजन नियंत्रणात ठेवण्यासाठी मखाणा खाल्ले जातात. आरोग्यासाठी गुणकारी असलेले मखाणा खाल्ल्यानंतर पोटही भरलेले राहते. त्यामुळे सकाळच्या नाश्त्यामध्ये मखाणाचे सेवन करावे. सफरचंदमध्ये फायबरचे प्रमाण मुबलक प्रमाणात आढळून येते, ज्यामुळे साथीच्या आजारांमुळे शरीराचे होणारे नुकसान टाळता येते. यामध्ये प्रथिने, फायबर, कॅल्शियम, मॅग्नेशियम आणि लोह मोठ्या प्रमाणात आढळून येते. रिकाम्या पोटी मखाणा खाल्ल्यामुळे रक्तदाबासारख्या अनेक समस्या कमी होऊन होतात. तसेच हाडांचे आरोग्य सुधारते.(फोटो सौजन्य-istock)

साहित्य:

• मखाणा
• सफरचंद
• बदाम
• खजुर
• मनुका
• केशर
• गरम दूध
• गूळ

हे देखील वाचा: मकापासून तयार करा खुसखुशीत भजी; नक्कीच बनवा ‘ही’ रेसिपी

कृती:

• सफरचंद मखाणा स्मुदी बनवण्यासाठी सर्वप्रथम सफरचंद स्वच्छ धुवून घ्या. त्यानंतर त्याची साल काढून बारीक तुकडे करा.
• स्मूदी बनवण्यासाठी मखाणा भाजून घ्या.त्यानंतर मिक्सरमधून भाजलेला मखाणा, बदाम, खुजर, मनुका, केशर आणि गरम दूध ओतून मिक्सरमधून बारीक स्मूदी बनवा.
• त्यानंतर स्मूदी ग्लासमध्ये ओतून वरून त्यात चवीनुसार गूळ आणि सफरचंदाचे बारीक तुकडे टाकून सर्व्ह करा.
• तयार आहे सकाळच्या नाश्त्यासाठी हेल्दी सफरचंद मखाणा स्मूदी.