हिवाळ्यात पौष्टिक नाश्ता हवा असेल तर घरी बनवा मटारचे चविष्ट धिरडे, वाचा सोपी रेसिपी

थंडीच्या दिवसांमध्ये बाजारात मोठ्या प्रमाणावर मटार उपलब्ध असतात. त्यामुळे तुम्ही मटारपासून सोप्या पद्धतीमध्ये मटारचे धिरडे बनवू शकता. मटार धिरडे चवीला खूप सुंदर लागतात. जाणून घेऊया रेसिपी.

थंडीच्या दिवसांमध्ये सकाळच्या वेळी पोटभर आणि हेल्दी नाश्ता करणे गरजेचे आहे. नाश्ता केल्यामुळे पोट भरलेले राहते आणि आरोग्याला अनेक फायदे होतात. सकाळच्या वेळी पोटभर नाश्ता करणे ही आरोग्यदायी सवय आहे. तसेच या ऋतूंमध्ये बाजारात मोठ्या प्रमाणावर मटार मिळतात. मटारची भाजी, कटलेट, मटार पराठा इत्यादी अनेकल पदार्थ बनवले जातात. पण आज आम्ही तुम्हाला मटारचे धिरडे बनवण्याची सोपी रेसिपी सांगणार आहोत. मटार खाल्यामुळे आरोग्याला अनेक फायदे होतात. लहान मुलांपासून मोठ्यांपर्यंत सगळ्यांचं मटार खायला खूप आवडतात. इतर ऋतूंमध्ये बाजारात फ्रोजन मटार मोठ्या प्रमाणावर उपलब्ध असतात. पण फ्रोजन मटार खाण्याऐवजी बाजारात उपलब्ध होणारे हिरवेगार ताजे मटार खावे, ज्यामुळे आरोग्याला अनेक फायदे होतील. चाल तर जाणून घेऊया मटारचे धिरडे बनवण्याची सोपी कृती. तुम्ही हे धिरडे बाहेर फिरायला जाताना किंवा संध्याकाळच्या नाश्त्यात खाऊ शकता. जाणून घ्या रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• हिरवे मटार
• मीठ
• कोथिंबीर
• आलं लसूण पेस्ट
• कढीपत्ता
• बारीक रवा
• पाणी
• तांदळाचे पीठ
• तेल

नवनवीन रेसिपीसाठी इथे क्लिक करा

कृती:

• मटारचे धिरडे बनवण्यासाठी सर्वप्रथम, मिक्सरच्या भांड्यात ओले मटार, हिरवी मिरची, लसूण, आल्याचा तुकडा आणि कोथिंबीर टाकून बारीक पेस्ट तयार करा.
• त्यानंतर त्यात पाणी टाकून पातळ मिश्रण बनवून घ्या. जास्त पाणी टाकून नये.
• तयार केलेल्या मिश्रणात अर्धा वाटी रवा, तांदळाचे आणि चवीनुसार मीठ टाकून मिक्स करून घ्या.
• धिरडे बनवण्यासाठी पॅन गरम करायला ठेवा. पॅन गरम करून त्यात तेल टाकून धिरड्याचे पीठ टाकून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले मटार धिरडे. हे धिरडे तुम्ही दही किंवा हिरव्या चटणीसोबत खाऊ शकता.