जेवणात तोंडी लावण्यासाठी बनवा मिक्स भाज्यांचे चमचमीत लोणचं, जेवणाची वाढेल चव

लहान मुलांपासून मोठ्यांपर्यंत सगळ्यांचं लोणचं खूप आवडत. लोणचं खाल्यामुळे जेवणाची चव आणखीन वाढते. काहींना रोजच्या जेवणात लोणचं खाण्याची सवय असते. पण सतत तुम्हाला सुद्धा आंब्याचं किंवा लिंबाचं लोणचं खाऊन कंटाळा आला असेल तर भाज्यांचे लोणचं नक्की बनवून पहा. कमीत कमीत वेळात भाज्यांचे लोणचं तयार होते.

जेवणाचं ताट वाढल्यानंतर अनेकांना ताटात लोणचं हे लागतच. मग ते आंब्याचं असो किंवा लिंबाचं असो. जेवणात लोणचं असेल तर जेवणाची चव आणखीन वाढते. भारतीय जेवणात जेवणाच्या ताटात लोणचं नसेल तर जेवणाचं ताट अपूर्ण आहे. बाजारात अनेक वेगवेगळ्या प्रकारची लोणची उपलब्ध आहेत. आंब्याचं लोणचं, लिंबाचं लोणचं, लसणीचे लोणचं, गाजरचे लोणचं इत्यादी वेगवेगळ्या प्रकारची लोणची बाजारात मिळतात. पण कधी तुम्ही भाज्यांचे लोणचं खाल्ले आहे का? भाज्यांपासून बनवलेले लोणचं आरोग्यासाठी अतिशय पौष्टिक आहे. लहान मुलांना भाज्या खायला आवडत नाही. अशावेळी तुम्ही मुलांना भाज्यांपासून बनवलेलं लोणचं खाण्यास देऊ शकता. चला तर जाणून घेऊया भाज्यांचे लोणचं बनवण्याची सोपी कृती.

साहित्य:

• हिरवे वाटणे
• गाजर
• फ्लॉवर
• हळद
• मीठ
• लाल तिखट
• लोणचं मसाला
• मुळा
• शेंगदाण्याचे दाणे
• लिंबाचा रस
• हिंग
• मोहरी

हे देखील वाचा: सकाळच्या घाईगडबडीमध्ये नाश्त्यासाठी बनवा नाचणीच्या पिठाचा जाळीदार चिला

कृती:

• भाज्यांचे लोणचं बनवण्यासाठी सर्वप्रथम भाज्या स्वच्छ धुवून मिठाच्या पाण्यात रात्रभर भिजत ठेवा.
• त्यानंतर दुसऱ्या दिवशी भाज्या चाळणीमध्ये ठेवून घ्या. नंतर सर्व भाज्यांना मसाला लावून ठेवा.
• फोडणीसाठी टोपात तेल घेऊन गरम करा. त्यानंतर त्यात हिंग, मोहरी टाकून व्यवस्थित भाजून घ्या.
• तयार केलेली फोडणी थंड करून भाज्यांवर ओता आणि काचेच्या भांड्यात भरून ठेवा.
• वरून त्यात लिंबाचा रस टाकून घ्या. नंतर लोणच्यांमध्ये आल्याचा तुकडा टाका.
• अशा पद्धतीने तयार आहे भाज्यांचे लोणचं. हे लोणचं 10 ते 15 दिवस व्यवस्थित टिकून राहते.