Banana Sheera: पिकलेली खायला अजिबात आवडत नाही, मग ५ मिनिटांमध्ये झटपट बनवा केळीचा मऊ स्वादिष्ट शिरा, नोट करा रेसिपी

Banana Sheera: बऱ्याचदा पिकलेली केळी खाण्याचा खूप जास्त कंटाळा केला जातो. अशावेळी केळीपासून तुम्ही झटपट शिरा बनवू शकता. हा शिरा चवीला अतिशय सुंदर लागतो आणि कमीत कमी साहित्यात तयार होतो.

Banana Sheera: दैनंदिन आहारात वेगवेगळ्या पदार्थांचे सेवन केले जाते. सकाळच्या नाश्त्यात किंवा इतर वेळी भूक लागल्यानंतर फळे खाण्याचा सल्ला दिला जातो. घरात केळी, सफरचंद, पेरू इत्यादी फळे आणली जातात. पण केळी जास्त पिकल्यानंतर लहान मुलांसह मोठेसुद्धा खाण्याचा कंटाळा करतात. अशावेळी केळी फेकून देण्याऐवजी केळीपासून शिरा बनवावा. या पद्धतीने बनवलेला केळीचा शिरा चवीला अतिशय सुंदर लागतो. त्यामुळे दिवाळीच्या दिवशी किंवा नैवेद्याच्या ताटात सुद्धा केळीचा शिरा बनवून ठेवू शकता. हा शिरा बनवण्याची ५ ते १० मिनिटं लागते. कायमच तेच ठराविक पदार्थ बनवून खाण्याऐवजी नेहमीच काहींना काही वेगवेगळे पदार्थ ट्राय करत राहावे. हा पदार्थ मधुमेहाचे रुग्ण सुद्धा खाऊ शकतात. चला तर जाणून घेऊया केळीचा शिरा बनवण्याची सोपी रेसिपी.(फोटो सौजन्य – istock)

Diwali 2026: दिवाळीनिमित्त भाजणीशिवाय बनवा इन्स्टंट तयार होणारी कुरकुरीत बटर चकली, नोट करून घ्या रेसिपी

साहित्य:

• पिकलेली केळी
• तूप
• बदाम
• काजू
• बेसन
• साखर
• वेलची पावडर

Diwali 2026: मैद्याचा वापर न करता वाटीभर गव्हाच्या पिठाचा वापर करून बनवा खमंग खुसखुशीत शंकरपाळ्या, नोट करा रेसिपी

कृती:

• पिकलेल्या केळीचा शिरा बनवण्यासाठी सर्वप्रथम, कढईमध्ये तूप गरम करून घ्या. गरम तुपात बदाम, काजू घालून मंद आचेवर भाजा.
• त्यानंतर त्यात पिकलेली केळी घालून मंद आचेवर शिजण्यासाठी ठेवा. शिजवून घेतलेली केळी मॅशरच्या मदतीने मऊ करून घ्या.
• शिजवून घेतलेल्या केळीमध्ये अर्धा वाटीभर बेसन घालून मंद आचेवर मिक्स करून घ्या. बेसन भाजल्यानंतर त्यात काजू बदाम तुकडे आणि वेलची पावडर घाला.
• शिऱ्याला तूप सुटेपर्यंत मंद आचेवर शिजवून घ्या. तयार आहे सोप्या पद्धतीमध्ये बनवलेला पिकलेल्या केळीचा शिरा.
• पिकलेली केळी चवीला अतिशय गोड असतात, त्यामुळे त्यात साखर घालू नये. साखर घातल्यास पदार्थ आणखीनच गोड लागतो आणि खाण्याची इच्छा होत नाही.
• केळीच्या शिऱ्यात तुम्ही रवा सुद्धा घालू शकता. यामुळे शिरा मऊ आणि चवीला सुंदर लागतो.