होळी सणानिमित्त घरी बनवा ‘लुसलुशीत मऊ पुरणपोळी’, पारंपरिक पद्धतीने बनवा पदार्थ

दरवर्षी होळी सणाच्या दिवशी आवर्जून सर्वच घरांमध्ये पुरणपोळी हा पदार्थ बनवला जातो. मात्र अनेकांना पुरणपोळी बनवण्यास येत नाही. त्यामुळे तुम्ही या या सोप्या टिप्स फॉलो करून घरी पुरणपोळी बनवू शकता. जाणून घ्या सोपी रेसिपी.

संपूर्ण देशभरात होळी सण मोठ्या जलौषात साजरा केला जातो. यादिवशी सर्वच घरांमध्ये पुरणपोळी बनवली जाते. शिवाय लहान मुलांसह अगदी मोठ्यांपर्यंत सगळेच आवडीने रंगपंचमी खेळतात. एकमेकांना रंग लावत आनंदात होळी सण साजरा केला जातो. होळीच्या दिवशी सगळ्यांचं सुट्टी असते. मात्र हल्लीच्या धावपळीच्या जीवनशैलीमुळे अनेक महिला पुरणपोळी बनवणे टाळतात. बाजारात विकत मिळणारी पुरणपोळी आणून खाल्ली जाते. कारण पुरणपोळी बनवण्यासाठी जास्त वेळ लागतो. पण आज आम्ही तुम्हाला सोप्या पद्धतीमध्ये मऊ लुसलुशीत पुरणपोळी बनवण्याची सोपी रेसिपी सांगणार आहोत. या पद्धतीने पुरणपोळी बनवल्यास चवही अतिशय सुंदर लागेल. तुपाची धार टाकून घरी बनवलेली पुरणपोळी लहान मुलांपासून ते अगदी मोठ्यांपर्यंत सगळ्यांचं नक्की आवडेल. चला तर जाणून घेऊया पुरणपोळी बनवण्याची पारंपरिक रेसिपी.(फोटो सौजन्य – iStock)

उन्हाळ्याच्या सुट्टीमध्ये लहान मुलांसाठी साखरेचा वापर न करता बनवा ज्वारीचे मफिन्स, हेल्दी टेस्टी रेसिपी

साहित्य:

• चणा डाळ
• गूळ
• वेलची पावडर
• जायफळ पावडर
• मैदा
• गव्हाचं पीठ
• मीठ
• तूप
• तेल
• हळद

संत्र्याची साल फेकून देण्याऐवजी ‘या’ पद्धतीचा वापर करून बनवा फेस टोनर, चेहऱ्यावरील डाग होतील कायमचे गायब

कृती:

• पुरणपोळी बनवण्यासाठी सर्वप्रथम, चणाडाळ स्वच्छ साफ करून घ्या. त्यानंतर ५ तास चणाडाळ पाण्यात भिजवत ठेवा.
• कुकरच्या भांड्यात भिजवून घेतलेली चणाडाळ टाकून त्यात थोडस मीठ आणि आवश्यकतेनुसार पाणी घालून कुकरच्या शिट्टया काढून घ्या.
• डाळ शिजल्यानंतर त्यातील पाणी आमटी बनवण्यासाठी वेगळे काढून घ्या. त्यानंतर त्यात गूळ, वेलची पावडर आणि जायफळ पावडर टाकून गूळ पूर्णपणे वितळलवून घ्या.
• डाळीचे मिश्रण पाट्यावर किंवा मिक्सरच्या भांड्यात टाकून बारीक वाटून घ्या. वाटून घेताना त्यात जराही डाळीचे कण ठेवू नये.
• मोठ्या ताटात गव्हाचं पीठ आणि मैदा एकत्र करून त्यात मीठ, हळद टाका. नंतर आवश्यकतेनुसार पाणी घालून कणिक मळा.
• मळून घेतलेल्या पीठाला तेल लावून २ तास ठेवून नंतर पुन्हा एकदा मळून घ्या.
• गव्हाच्या पिठाचे छोटे छोटे गोळे करून त्यात डाळीचे सारण भरून पुरणपोळी लाटून घ्या.
• तवा गरम करून त्यावर पुरणपोळी भाजण्यासाठी टाका. दोन्ही बाजूने पुरणपोळी भाजल्यानंतर वरून तूप टाकून सर्व्ह करा.
• तयार आहे पारंपारिक पद्धतीने तयार केलेली पुरणपोळी.