Recipe : जेवणाचा बेत खास करायचा विचार आहे? मग घरी बनवा रेस्टाॅरंट स्टाईस ‘पनीर टिक्का मसाला’, चव चाखूनच मन होईल खुश

Paneer Tikka Masala Recipe : पनीर टिक्का मसाला ही डिश चवीला तर लज्जतदार लागतेच शिवाय याची रेसिपीही फार सोपी आहे. घरी रात्रीच्या जेवणाचा मेन्यू खास बनवायचा असेल तर ही रेसिपी तुम्ही एकदा नक्की ट्राय करायला हवी

• पनीर टिक्का मसाला ही डिश हाॅटेलमध्ये हमखास पाहायला मिळते.
• तुम्ही घरीही पनीरची ही मसालेदार भाजी तयार करु शकता.
• रेसिपी नोट करुन घेऊयात.

पनीर टिक्का मसाला हा रेस्टॉरंटमध्ये आवडीने खाल्ला जाणारा लोकप्रिय पदार्थ आहे. मसालेदार ग्रेव्हीमध्ये मऊ पनीरचे तुकडे आणि भाजलेल्या कांदा-शिमला मिरचीचा स्वाद यामुळे या भाजीला खास चव मिळते. घरच्या घरी ही भाजी बनवताना पनीरला दही आणि मसाल्यांमध्ये मॅरिनेट करून तव्यावर किंवा ओव्हनमध्ये भाजल्यास त्याला छान रंग आणि स्मोकी चव येते. त्यानंतर तयार केलेल्या घट्ट, क्रीमी ग्रेव्हीमध्ये पनीरचे तुकडे मिसळले की स्वादिष्ट पनीर टिक्का मसाला तयार होतो. ही भाजी रोटी, नान, पराठा किंवा जीरा राइससोबत चवीला छान लागते. चला रेसिपी नोट करून घेऊयात.

Recipe : साध्या चपातीला बनवा चवदार, तुम्ही कधी खाल्ली आहे का ‘मिस्सी रोटी’? , रेसिपी नोट करा

साहित्य

पनीर टिक्कासाठी :

• 250 ग्रॅम पनीर
• ½ कप घट्ट दही
• 1 शिमला मिरची
• 1 कांदा
• 1 चमचा आले-लसूण पेस्ट
• ½ चमचा हळद
• 1 चमचा लाल तिखट
• 1 चमचा गरम मसाला
• ½ चमचा जिरेपूड
• ½ चमचा धणेपूड
• 1 चमचा लिंबाचा रस
• 1 चमचा तेल
• चवीनुसार मीठ

ग्रेव्हीसाठी :

• 2 मोठे टोमॅटो
• 1 कांदा
• 1 चमचा आले-लसूण पेस्ट
• 1 चमचा लाल तिखट
• ½ चमचा हळद
• 1 चमचा धणेपूड
• ½ चमचा गरम मसाला
• 1 चमचा कसुरी मेथी
• 2 चमचे क्रीम
• 1 चमचा बटर
• 1 ते 2 चमचे तेल
• चवीनुसार मीठ
• आवश्यकतेनुसार पाणी

पनीर प्रेमींसाठी मेजवानी! जेवणाची रंगत वाढवण्यासाठी १० मिनिटांमध्ये बनवा Paneer Pepper Fry, नोट करा रेसिपी

कृती

• एका भांड्यात दही, आले-लसूण पेस्ट, हळद, लाल तिखट, गरम मसाला, जिरेपूड, धणेपूड, लिंबाचा रस, तेल आणि मीठ घ्या. हे सर्व नीट मिसळून त्यात पनीरचे चौकोनी तुकडे घाला. कांदा आणि शिमला मिरचीचे तुकडेही
• त्यात मिसळा. पनीरला किमान 30 मिनिटे मॅरिनेट होऊ द्या.
• तवा गरम करून त्यावर थोडे तेल किंवा बटर लावा. मॅरिनेट केलेले पनीर, कांदा आणि शिमला मिरचीचे तुकडे
• तव्यावर ठेवून मध्यम आचेवर सर्व बाजूंनी भाजून घ्या. पनीरला हलका सोनेरी रंग आला की ते बाजूला काढून ठेवा.
• कढईत तेल आणि बटर गरम करून त्यात बारीक चिरलेला कांदा घाला. कांदा मऊ आणि हलका सोनेरी होईपर्यंत परता. त्यानंतर आले-लसूण पेस्ट घालून कच्चा वास जाईपर्यंत परतून घ्या.
• त्यात चिरलेले टोमॅटो घालून ते मऊ होईपर्यंत शिजवा. आता हळद, लाल तिखट, धणेपूड आणि मीठ घालून
• मसाला तेल सुटेपर्यंत चांगला परता. मिश्रण थंड झाल्यावर मिक्सरमध्ये बारीक करून पुन्हा कढईत घाला.
• ग्रेव्हीमध्ये आवश्यकतेनुसार थोडे पाणी घालून मध्यम आचेवर काही मिनिटे उकळी द्या. ग्रेव्हीला घट्ट आणि एकसंध पोत आला की त्यात गरम मसाला आणि कसुरी मेथी घाला.
• आता भाजलेले पनीर, कांदा आणि शिमला मिरची ग्रेव्हीमध्ये घाला. हलक्या हाताने मिसळून 2 ते 3 मिनिटे शिजवा, जेणेकरून पनीरवर मसाल्याची चव व्यवस्थित बसेल.
• शेवटी क्रीम घालून हलक्या हाताने मिसळा आणि एक मिनिट शिजवा. वरून थोडी कसुरी मेथी किंवा कोथिंबीर घालून गरमागरम पनीर टिक्का मसाला सर्व्ह करा. ही भाजी नान, रोटी, पराठा किंवा जीरा राइससोबत उत्तम लागते.