Recipe : रात्रीच्या जेवणाचा बेत बनवा खास, नोट करा सोयाबीन-मशरुम बिर्याणी; चव अशी की कुटुंबातील सर्वच होतील खुश

Soyabin Mushroom Biryani Recipe : रात्रीच्या जेवणाचा बेत खास बनवायचा आहे मग यंदा ट्राय करा मशरुम सोयाबीन बिर्याणी. यासाठी आपण बेसिक साहित्यांचा वापर करणार आहोत पण याची चव मात्र कुटुंबाला नक्कीच खुश करणारी ठरेल.

• बिर्याणी अनेकांच्या आवडीचा पदार्थ आहे.
• आज आपण सोयाबीन मशरुम बिर्याणीची रेसिपी जाणून घेणार आहोत.
• ही रेसिपी कुटुंबासोबत चाखा, त्यांना नक्कीच याची चव खूप आवडेल.

रात्रीचे जेवण हे अनेकांच्या घरात खास छरत असते, कारण हिच ती वेळ असते जेव्हा कुटुंबातील सर्व सदस्य एकत्र बसून जेवण करतात. यात गप्पागोष्टी रंगतात आणि जेवणाचा निवांत आनंद लुटला जातो. नेहमीची भाजी-चपाती खाऊन जर तुम्हाला कंटाळा आला असेल आणि नवीन टेस्टी खाण्याची इच्छा असेल तर मशरुम सोयाबीन बिर्याणी तुमच्यासाठी परफेक्ट ठरु शकते. बिर्याणी हा अनेकांच्या आवडीचा पदार्थ आहे, आपण चिकन, पनीर बिर्याणी तर अनेकदा खातो पण यावेळी काहीतरी हटके ट्राय करा. ही बिर्याणी काही साध्या साहित्यांपासून तयार केली जाते पण याची चव मात्र भन्नाट लागते. चला नोट करुन घेऊयात रेसिपीसाठी लागणारे साहित्य आणि कृती.

Recipe : उरलेल्या शिळ्या चपात्या फेकू नका, तर त्यापासून लहान मुलांना करा खुश; घरी बनवा टेस्टी आणि चटाकेदार व्हेज फ्रँकी

साहित्य

• ६० ग्रॅम सोया चंक्स
• १५-१८ चिरलेले मशरूम
• ३०० ग्रॅम स्कीवर्स
• २ एअर-फ्राईड कांदे
• चिरलेली कोथिंबीर आणि पुदिना
• १ मोठा चमचा बिर्याणी मसाला
• १ मोठा चमचा कसुरी मेथी
• १ छोटा चमचा लाल तिखट
• चवीनुसार मीठ
• हिरवी मिरची-लसूण पेस्ट
• चवीनुसार लिंबाचा रस
• १ मोठा चमचा गूळ पावडर

भातासाठी लागणारे साहित्य:

• ८५ ग्रॅम बासमती तांदूळ
• १ दालचिनी
• ३-४ काळी मिरी
• १ छोटा चमचा तूप
• चिमूटभर मीठ

थर लावण्यासाठी लागणारे साहित्य:

• ९०% शिजलेला ब्राऊन बासमती तांदूळ
• ताजा पुदिना
• केशर घातलेले ३०-३५ मिली दूध

संध्याकाळच्या स्नॅक्ससाठी परफेक्ट! १५ मिनिटांत घरच्या घरी बनवा Corn Chilli Cheese Toast; रेसिपी एकदा वाचाच

कृती

• यासाठी सर्वप्रथम सोयाबीन साधारण १५ मिनिटे पाण्यात भिजत ठेवा.
• दुसरीकडे दोन मध्यम आकाराचे कांदे चिरुन घ्या.
• चिरलेला कांदा तेलात ब्राऊन रंग येईपर्यंत तळा.
• आता एका भांड्यात तळलेला कुरकुरीत कांदा, सोया चंक्स, मशरूम, भाजलेले कांदे, चिरलेली कोथिंबीर आणि
• पुदिन्याची पाने, बिर्याणी मसाला, कसुरी मेथी, लाल तिखट, मीठ, हिरवी मिरची-लसूण पेस्ट, लिंबाचा रस आणि गूळ पावडर एकत्र करुन साहित्य अर्धा तास मॅरिनेट करा.
• दुसऱ्या कढईत बासमती तांदूळ, दालचिनी, काळी मिरी, १ चमचा तूप आणि चिमूटभर मीठ घालून भाताला ९०% शिजवून घ्या आणि बाजूला ठेवा.
• आता पुन्हा एकदा कढईत तेल गरम करा आणि यात मॅरिनेट केलेले मिश्रण घालून १०-१५ मिनिटे मध्यम आचेवर शिजवत ठेवा.
• सोया-मशरूमच्या मिश्रणावर ९०% शिजलेल्या भाताचा थर लावा. त्यावर उरलेले तळलेले कांदे, ताजी पुदिना आणि केशराचे दूध घाला.
• झाकण बंद करुन मंद आचेवर बिर्याणीला छान शिजू द्या. १० ते १५ मिनिटे मंद आचेवर शिजवल्यानंतर तुम्ही गॅस बंद करु शकता.
• लक्षात घ्या, बिर्याणी तयार झाल्यानंतर लगेच झाकण उघडू नका तर साधरण ५ मिनिटांनी झाकण खोलून तयार बिर्याणी खाण्यासाठी सर्व्ह करा.
• रायत्यासोबत किंवा कोशिंबीरसोबत ही बिर्याणी चवीला अप्रतिम लागेल.