तांदळाचे मोदक बनवता येत नाहीत? मग १ वाटी गव्हाच्या पिठापासून बनवा उकडीचे चविष्ट गोड मोदक

तांदळाच्या पिठाचे मोदक बनवणे अनेकांना कठीण वाटते. तांदळाच्या पिठाची उकड व्यवस्थित झाली नाहीतर मोदक व्यवस्थित बनत नाहीत. त्यामुळे आज आम्ही तुम्हाला गव्हाच्या पिठाचे सोप्या पद्धतीमध्ये मोदक कसे बनवायचे याची सोपी रेसिपी सांगणार आहोत. गव्हाचे मोदक चवीला सुंदर लागतात. बाप्पाच्या आगमन सोहळ्यादिवशी तुम्ही गव्हाच्या पिठाचे मोदक बनवू शकता.

गणपती बाप्पाला उकडीचे मोदक खूप आवडतात, असे मानले जाते. बाप्पाच्या नैवेद्यासाठी सगळ्यात आधी उकडीचे मोदक बनवले जातात. बाप्पाचे लवकरच आगमन होणार असल्यामुळे सगळीकडे आनंद आणि उत्साहाचे वातावरण निर्माण झाले आहे. बाप्पा आल्यानंतर प्रसादासाठी अनेक वेगवेगळे गोडाचे पदार्थ बनवले जातात. खीर, वेगवेगळ्या पद्धतीचे मोदक, बासुंदी, श्रीखंड इत्यादी अनेक गोडाचे पदार्थ बनवले जातात. पण काहींना तांदळाच्या पिठाचे उकडीचे मोदक बनवता येत नाही. काहींना तांदळाची उकड बनवता येत नाही तर काही मोदकांच्या पाऱ्या बनवता येत नाहीत. त्यामुळे आज आम्ही तुम्हाला सोप्या पद्धतीमध्ये गव्हाच्या पिठाचे उकडीचे मोदक कसे बनवायचे याची सोपी कृती सांगणार आहोत. हे मोदक तुम्ही झटपट बनवू शकता. चला तर जाणून घेऊया मोदक बनवण्याची कृती.(फोटो सौजन्य-istock)

साहित्य:

• गव्हाचं पीठ
• गूळ
• किसलेलं ओलं खोबर
• वेलची पावडर
• चवीनुसार मीठ

हे देखील वाचा: Ganesh Chaturthi: लाडक्या बाप्पाच्या प्रसादासाठी १० मिनिटांमध्ये बनवा पंचखाद्य, अशा पद्धतीने करा पारंपरिक पदार्थ

कृती:

• गव्हाच्या पिठाचे उकडीचे मोदक बनवण्यासाठी सर्वप्रथम एका भांड्यात गव्हाचे पीठ घेऊन त्यात मीठ टाका. मिक्स करून झाल्यानंतर त्यात आवश्यकतेनुसार पाणी टाकून पीठ मळून घ्या.
• मोदकांच्या आतील सारण बनवण्यासाठी कढईमध्ये तूप गरम करून त्यात ओलं खोबरं भाजण्यासाठी टाका. नंतर त्यात गूळ आणि वेलची पावडर टाकून मिक्स करून घ्या.
• गव्हाच्या पिठाचे गोळे करून छोट्या छोट्या पुऱ्या लाटून त्यात खोबऱ्याचे सारण भरून मोदकांच्या काळ्या पाडा.
• तयार केलेलं मोदक चाळणीवर ठेवून वाफवण्यासाठी ठेवा. 15 मिनिटं व्यवस्थित वाफ आल्यानंतर गॅस बंद करून मोदक काढून घ्या.
• तयार आहेत सोप्या पद्धतीमध्ये बनवलेले गव्हाच्या पिठाचे उकडीचे मोदक.