Independence Day 2025 : यंदाच्या स्वातंत्र्यदिनी घरी बनवा गोडसर तिरंगा बर्फी; खाता क्षणीच मनात उमटेल गोड लहर

Tiranga Barfi Recipe : स्वातंत्र्यदिनाचा उत्साह आणखीन वाढेल जेव्हा तुम्ही घरी बनवाल चविष्ट आणि तीन रंगानी नटलेली गोडसर बर्फी. रासायनिक कलर नाही तर नैसर्गिक रंगांचा वापर करुन ही बर्फी तयार केली जाणार आहे.

१५ ऑगस्ट हा दिवस प्रत्येक भारतीयासाठी अभिमानाचा, कृतज्ञतेचा आणि आनंदाचा दिवस आहे. १९४७ साली या दिवशी आपल्या देशाने परकीय सत्तेपासून स्वातंत्र्य मिळवले आणि आपला तिरंगा आकाशात फडकला. या दिवशी आपण शाळा, महाविद्यालये, कार्यालये आणि घराघरांमध्ये ध्वजवंदन करतो, देशभक्तीची गाणी गातो, आणि आपल्या स्वातंत्र्यसैनिकांना व सैनिकांना सन्मानाने स्मरतो.

15 ऑगस्टची मजा करा द्विगुणित; घरी बनवा गोडसर, तोंडात टाकताच विरघळणारी शेव बर्फी

देशप्रेम फक्त मनातच नाही, तर आपल्या सण-उत्सवांमध्ये, जेवणात आणि मिठाईतही दिसले पाहिजे. म्हणूनच आज आपण बनवणार आहोत तिरंगा बर्फी – जी आपल्या तिरंग्याच्या रंगांनी सजलेली आणि देशभक्तीच्या गोडव्याने भरलेली आहे. हिरवा रंग समृद्धी व शांतीचे प्रतीक, पांढरा रंग सत्य व पवित्रतेचे प्रतीक, आणि केशरी रंग साहस व बलिदानाचे प्रतीक आहे. या तीन रंगांची गोड बर्फी पाहताच देशभक्तीची गोड लहर मनात उमटेल. चला जाणून घेऊया यासाठी लागणारे साहत्य आणि कृती.

साहित्य

पांढऱ्या थरासाठी

• खोबरे किसलेले – १ कप
• साखर – ½ कप
• दूध – ½ कप
• वेलची पावडर – ¼ टीस्पून
• हिरव्या थरासाठी
• खोबरे – १ कप
• साखर – ½ कप
• दूध – ½ कप

पिस्ता पावडर किंवा हिरवा फूड कलर – २-३ थेंब

• केशरी थरासाठी
• खोबरे – १ कप
• साखर – ½ कप
• दूध – ½ कप

केशर फूड कलर किंवा गाजर पावडर – २-३ थेंब

• तूप – २ टेबलस्पून
• सजावटीसाठी काजू-पिस्ता

कृती

• यासाठी सर्वप्रथम एका चौकोनी तुप लावलेल्या ट्रेमध्ये बर्फी सेट करण्यासाठी जागा तयार ठेवा.
• तीन भांड्यांमध्ये हिरवा, पांढरा, आणि केशरी थर वेगवेगळा तयार करणार आहोत.
• पॅनमध्ये १ टेबलस्पून तूप गरम करा.
• खोबरे, साखर आणि दूध टाका.
• मिश्रण घट्ट होईपर्यंत ढवळा आणि वेलची पावडर घाला.
• तयार झालेला थर ट्रेमध्ये पसरवा आणि हलके दाबून सेट करा.
• दुसऱ्या पॅनमध्ये तूप गरम करून खोबरे, साखर आणि दूध घाला.
• हिरवा फूड कलर किंवा पिस्ता पावडर घाला.
• मिश्रण घट्ट झाल्यावर पांढऱ्या थरावर पसरवा.
• तिसऱ्या पॅनमध्ये पुन्हा तूप गरम करून खोबरे, साखर, दूध आणि केशरी रंग घाला.
• घट्ट झाल्यावर हिरव्या थरावर पसरवा.
• तिन्ही थर व्यवस्थित दाबून ट्रे १-२ तास फ्रिजमध्ये सेट होऊ द्या.
• सुरीने चौकोनी किंवा डायमंड आकाराचे तुकडे कापा.
• वरून काजू-पिस्ता लावून सजवा आणि तयार बर्फी खाण्यासाठी सर्व्ह करा.

अंगारखी चतुर्थीनिमित्त १० मिनिटांमध्ये बनवा चविष्ट केळीचे मोदक, लहान मुलांसह मोठ्यांना आवडेल पदार्थ

FAQs (संबंधित प्रश्न)

१५ ऑगस्ट हा दिवस का साजरा केला जातो?
हा तोच दिवस जेव्हा भारत देश इंग्रजांपासून स्वतंत्र्य झाला.

तिरंगा बर्फी कीती दिवस साठवून ठेवली जाऊ शकते?
तिरंगा बर्फी तीन ते चार दिवस साठवून ठेवली जाऊ शकते. तुम्ही तिला हवाबंद डब्यात बंद करुन फ्रिजमध्ये अनेक दिवस स्टोर करुन ठेवू शकता.