विकेंड स्पेशल : घरी बनवा क्रिमी ‘कोकोनट चिकन करी’, गरमा गरम भातासोबत लागेल मजेदार

Coconut Chicken Curry Recipe : नारळाचा घट्टसर रस्सा आणि त्यात मऊसर चिकन याचा संगम चवीला काही वेगळाच लागतो. यंदाच्या विकेंडला काही नवीन खायचं असेल तर घरी एकदा जि रेसिपी नक्की करून बघा.

• महाराष्ट्रातील बहुतेक घरात जेवणात नारळाचा अधिकतर वापर केला जातो.
• नॉनव्हेज लव्हर्ससाठी चिकन म्हणजे जिव्हाळ्याचा विषय.
• विकेंड स्पेशल काही टेस्टी घरी बनवायचं असल्यास ही कोकोनट चिकन करी घरी नक्की एकदा बनवायलाच हवी.

महाराष्ट्राच्या किनारपट्टी भागात, विशेषतः महाराष्ट्राततील कोकणात नारळाचा वापर स्वयंपाकात मोठ्या प्रमाणावर केला जातो. ताज्या किसलेल्या नारळाचा सुगंध, मसाल्यांचा तिखटपणा आणि चिकनची रसाळ चव यांचा अप्रतिम संगम म्हणजे नारळाच्या दुधातली चिकन करी. ही करी केवळ चविष्टच नाही तर घरगुती पद्धतीने बनवली तर अतिशय पौष्टिकही ठरते.

नेहमी नेहमी मिरची-पुदिन्याची चटणी काय खाताय? यंदा घरी बनवा ‘पाटोळ्याची चटणी’, एकदा खाल तर रेसिपीचे फॅन व्हाल

पावसाळी संध्याकाळ असो किंवा खास पाहुणचार, गरमागरम भात, चपाती किंवा भाकरीसोबत ही करी दिली तर जेवणाला एक वेगळाच रॉयल टच मिळतो. नारळाच्या दुधामुळे ग्रेव्हीला नैसर्गिक गोडसरपणा आणि क्रीमी टेक्स्चर येते, जे मसाल्यांच्या तिखट चवीला सुंदर संतुलन देते. चला तर मग, घरीच ही सुगंधी आणि चविष्ट नारळ चिकन करी कशी बनवायची याची रेसिपी जाणून घेऊया.

 साहित्य

• 500 ग्रॅम चिकन (स्वच्छ धुतलेले तुकडे)
• 1 कप ताजे नारळाचे दूध
• 1 मोठा कांदा (बारीक चिरलेला)
• 1 टोमॅटो (बारीक चिरलेला)
• 1 टेबलस्पून आले-लसूण पेस्ट
• 2 हिरव्या मिरच्या (उभ्या चिरलेल्या)
• 1 टीस्पून हळद
• 1 टीस्पून लाल तिखट
• 1 टीस्पून गरम मसाला
• 1 टीस्पून धनेपूड
• 2 टेबलस्पून तेल
• मीठ चवीनुसार
• कोथिंबीर

Mahashivrata 2026: महाशिवरात्रीच्या उपवासानिमित्त सकाळच्या नाश्त्यासाठी झटपट बनवा साबुदाणा डोसा,पचायला हलका पदार्थ

कृती

• सर्वप्रथम कढईत तेल गरम करून त्यात चिरलेला कांदा सोनेरी होईपर्यंत परता.
• आले-लसूण पेस्ट आणि हिरव्या मिरच्या घालून सुगंध येईपर्यंत परता.
• टोमॅटो घालून मऊ होईपर्यंत शिजवा. नंतर हळद, तिखट, धनेपूड आणि मीठ घालून तेल सुटेपर्यंत परता.
• चिकनचे तुकडे घालून 5–7 मिनिटे चांगले परता, जेणेकरून मसाला चिकनला व्यवस्थित लागेल.
• अर्धा कप पाणी घालून झाकण ठेवून मध्यम आचेवर 15–20 मिनिटे शिजवा.
• चिकन शिजल्यावर नारळाचे दूध आणि गरम मसाला घालून 5 मिनिटे मंद आचेवर उकळी येऊ द्या.
• वरून कोथिंबीर घालून गरमागरम भात किंवा चपातीसोबत सर्व्ह करा.
• जास्त क्रीमी चव हवी असल्यास दुसऱ्या वेळचे घट्ट नारळ दूध वापरा.
• कोकणी स्टाइल हवी असल्यास थोडे कढीपत्ता आणि मोहरीची फोडणी द्या.
• ही करी दुसऱ्या दिवशी अधिक चविष्ट लागते कारण मसाले छान मुरतात.