International Yoga Day: सकाळीच होत नसेल पोट साफ, बद्धकोष्ठता होईल छुमंतर; ‘हे’ योगासन कराच

Yoga For Constipation: जर तुम्हालाही बद्धकोष्ठतेचा त्रास होत असेल, तर येथे जाणून घ्या कोणते योगासन बद्धकोष्ठतेपासून आराम देऊ शकतात. हे योगासन करणे सोपे आहे आणि खूप प्रभावीदेखील आहे.

योगा केल्याने शरीराला अंतर्गत आणि बाह्य दोन्ही प्रकारे फायदे मिळतात. योगा केल्याने मानसिक फायदेदेखील मिळतात. त्याचबरोबर योगा केल्याने आरोग्याशी संबंधित अनेक प्रकारच्या समस्या दूर राहतात. २१ जून रोजी जगभरात योगा दिन साजरा करण्यात येतो. अनेक आजारांमध्ये उपयोगी ठरणारे योगा हे बद्धकोष्ठतेवरही उपयुक्त आहे. 

बद्धकोष्ठता हीदेखील पोटाशी संबंधित अशीच एक समस्या आहे, ज्यापासून मुक्त होण्यासाठी योगा करता येतो. येथे उल्लेख केलेले योगासन पेल्विक फ्लोअर मजबूत करते, पाय मजबूत करते आणि पोटाशी संबंधित समस्यांपासून आराम देते. बद्धकोष्ठतेचा त्रास असलेल्या लोकांनी विशेषतः हा व्यायाम करावा. योगासन शिक्षिका काम्या देखील हा योगासन करण्याचा सल्ला देतात. जाणून घ्या हा कोणता योग आहे जो बद्धकोष्ठतेच्या समस्येपासून म्हणजेच बद्धकोष्ठतेपासून आराम देतो.

बद्धकोष्ठतेसाठी योगा

बद्धकोष्ठतेपासून मुक्ती मिळविण्यासाठी मलासन करता येते. हे योगासन केल्याने पोट साफ नसण्याची समस्या दूर होते. इन्स्टाग्रामवर योगा टीचर काम्या @yogawithkamya_ने सांगितले की, जर मलासन करताना एक ग्लास कोमट पाणी प्यायले तर पोट लवकर साफ होते. 

बद्धकोष्ठता ही एक समस्या आहे ज्यामध्ये मल कठीण होतो आणि सहज बाहेर पडत नाही. शौचाच्या या समस्येला बद्धकोष्ठता म्हणतात. बद्धकोष्ठतेमुळे पोटात नेहमीच जडपणा येतो आणि पोट व्यवस्थित साफ न झाल्यामुळे पोटात वेदना आणि अस्वस्थता जाणवते. अशा परिस्थितीत, जर दररोज सकाळी 30 सेकंद ते 1 मिनिटासाठी मलासन केले तर ते आतडे सहजपणे साफ करण्यास मदत करते.

Yoga For Hypertension: औषधांशिवाय 5 योगासन ठरतील ‘गुणकारी’, हाय ब्लड प्रेशरवर रामबाण उपाय

योगा टीचर काम्याचा व्हिडिओ 

See more

मलासन कसे करावे

• मालासन करण्यासाठी, पाय वेगळे ठेवून उभे राहा
• आता तुमचे गुडघे वाकवा, तुमचा पाठीचा कणा सरळ ठेवा आणि हात समोर जोडून बसा
• यानंतर, पुन्हा उभे रहा. लक्षात ठेवा की तुमचा पाठीचा कणा सरळ असावा आणि तुम्ही तुमच्या नितंबांवर दबाव टाकून उठू नये, तर तुमची पाठ सरळ ठेवून उठण्याचा प्रयत्न करा.

मलासन कधी करू नये

मलासन सामान्यतः सुरक्षित असते, परंतु जर एखाद्याला पाठीला दुखापत झाली असेल किंवा गुडघ्याला दुखापत झाली असेल तर हे आसन टाळावे. जर स्नायूंशी संबंधित समस्या असतील किंवा कोणतीही गंभीर समस्या असेल तर मलासन करू नका.

युरिक अ‍ॅसिड वाढत असल्यास करा हे 6 योगासन; सांधेदुखी आणि सूज ठेवतील दूर

बद्धकोष्ठतेसाठी फायदेशीर आसने

• बद्धकोष्ठतेची समस्या पवनमुक्तासन योग करून देखील दूर केली जाऊ शकते
• बद्धकोष्ठतेपासून आराम मिळविण्यासाठी तुम्ही पश्चिमोत्तानासन योग करू शकता
• बालासन हा बद्धकोष्ठतेपासून आराम देणारा योग देखील आहे
• तुम्ही धनुरासनदेखील करू शकता. यामुळे पचन सुधारते
• जर तुम्हाला बद्धकोष्ठतेचा त्रास होत असेल तर तुम्ही हलासन करू शकता

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.