‘हाईट आणि डाएटचे घनिष्ठ नाते’ ‘या’ व्हिटॅमिनची कमी रोखते शरीराची वाढ; ‘या’ खाद्यपदार्थांचे करा सेवन

व्हिटॅमिन डीच्या कमतरतेमुळे मुलांची उंची वाढण्यात अडथळा येऊ शकतो. योग्य आहार व पुरेसा सूर्यप्रकाश यामुळे हाडे बळकट होऊन शारीरिक वाढ सुधारता येते.

आपल्या लेकराची उंची वाढत नसेल किंवा कमी असेल तर घाबरण्याचे काहीच कारण नाही. शरीरामध्ये काही पोषणतत्वांच्या कमतरतेमुळे ही वाढ थांबून जाते. पण कधी कधी मुलाची उंची पालकांवरही आधारित असते. जर तुम्ही उंचीने फार नाहीत तर कदाचित तुमच्या मुलांनाही फार उंची प्राप्त करता येणार नाही. पण कधी कधी आपल्या शरीरातील पोषणतत्वांची कमतरता या वाढीला कारणीभूत ठरतात. व्हिटॅमिन D च्या कमतरतेमुळे शरीराची उंची फार वाढत नाही. शरीरात Vitamin D उंचीत वाढ होण्यासाठी फार गरजेचा आहे.

रोज 7 दिवस पुरुषांनी करावे कच्च्या लसणाचे सेवन, 5 आजारांपासून मिळणार सुटका

व्हिटॅमिन D शरीरातील हाडांच्या वाढीस कारणीभूत ठरतात. हाडांना पोषणतत्व देतात. जेव्हा मुलं किशोरावस्थेत असतात किंवा लहान असतात त्यावेळी हाडांच्या लांबीत वाढ होत असते. ही वाढ मुलाच्या उंचीला कारणीभूत ठरतात. मुळात, जेव्हा शरीरामध्ये व्हिटॅमिन D ची कमतरता असते, त्यावेळी हाडे कमकुवत होतात. परिणामी, शरीराची वाढ होण्यात बाधा येते. उंची वाढत नाही. त्यामुळे याचे सेवन करणे फार महत्वाचे आहे. जर तुमच्या शरीरात व्हिटॅमिन D ची कमतरता आहे. तर काही लक्षणांच्या माध्यमातून या गोष्टी लक्षात येतात.

माथ्यावर घाम येणे, हाडांमध्ये वेदना होणे, स्नायूंमध्ये दुखणे, सतत थकवा जाणवणे, सहनशक्ती कमी होणे, मूड सतत बिघडलेला राहणे, झोप न येणे आणि केस गळणे ही सर्व व्हिटॅमिन डीच्या कमतरतेची लक्षणे असू शकतात. शरीरात या पोषक तत्त्वाची कमतरता दीर्घकालीन आरोग्य समस्यांना कारणीभूत ठरू शकते, जसे की हाडांचे कमजोर होणे, रोगप्रतिकारक शक्ती कमी होणे आणि मानसिक आरोग्यावरील परिणाम.

व्हिटॅमिन डी मिळवण्यासाठी आहारात मच्छी, अंडी, दूध, चीज, मशरूम, संत्री आणि टोफू यांसारख्या पदार्थांचा समावेश करा. या पदार्थांमध्ये नैसर्गिकरित्या विटॅमिन डी मोठ्या प्रमाणात असते. त्याचबरोबर फोर्टिफाइड पदार्थ जसे की गायीचे दूध, अक्रोड दूध, ओट्स दूध, सोया दूध, बदाम दूध आणि टोफू यांचाही आहारात समावेश करणे फायदेशीर ठरते. याशिवाय दररोज सकाळी थोडा वेळ सूर्यप्रकाशात बसणे गरजेचे आहे, कारण यामुळे त्वचेच्या संपर्कातून शरीराला आवश्यक विटॅमिन डी तयार होते.

प्रतिबंधात्मक उपायांमुळे हिमोफिलियाच्या रुग्णांवरचा शारीरिक आणि मानसिक ताण कमी

पालेभाज्या, सुकामेवा, बिया, संपूर्ण धान्य आणि डार्क चॉकलेट यांचा आहारात समावेश केल्याने शरीराला इतर उपयुक्त पोषकतत्त्वे मिळतात, जी हाडे व स्नायू बळकट ठेवण्यास मदत करतात. अंड्याचा पिवळा बलक खाल्ल्यास शरीराला आवश्यक फॅटी अॅसिड्स आणि विटॅमिन डी मिळू शकते. शाकाहारी लोकांसाठी मशरूम हा एक उत्तम पर्याय ठरतो, कारण ते नैसर्गिकरित्या विटॅमिन डीचा स्रोत आहे. याशिवाय संत्र्याचा रस किंवा संत्री खाणे आरोग्यास लाभदायक ठरते, कारण त्यात असलेले जीवनसत्त्व ‘सी’ प्रतिकारशक्ती वाढवण्यास मदत करते. योग्य आहार आणि सूर्यप्रकाशाचा पुरेसा संपर्क यामुळे विटॅमिन डीची पातळी संतुलित ठेवता येते आणि एकूणच शारीरिक व मानसिक आरोग्य सुधारते.