‘या’ गावात कुत्रा, मांजरी नाही तर बिबट्याला पाळतात, असं एक गाव जिथे बिबट्या आणि माणसं एकत्र राहतात

असं एक गाव आहे जिथे बिबट्याचा वावर कुत्र्या मांजराप्रमाणे मुक्त असतो आणि माणसांना हा बिबट्या काहीही करत नाही. या गावात माणसं आणि बिबट्या एकत्र आणि शांततेत जगतात. कोणतं आहे हे गाव जाणून घेऊयात.

• गावात कुत्रा, मांजरी नाही तर बिबट्याला पाळतात
• जमिनीचे रक्षक म्हणून बिबट्याची करतात पूजा
• असं एक गाव जिथे बिबट्या आणि माणसं एकत्र राहतात

राज्यभरात सध्या बिबट्याने धुमाकूळ घातला आहे. कोकण, पश्चिम महराष्ट्रासह आता ठाणे शहारात देखील बिबट्याचा वावर होत असल्याचं दिसून येत आहे. बिबट्याच्या हल्यात शेतकऱ्यांच्या गुरांचं जसं नुकसान झालं तसंच काही माणसं देखील बिबट्याच्या हल्यात जखमी झाली तर काही जिवानीशी गेली. त्यामुळे राज्यभर बिबट्याने जो हौदोस माजनला त्यामुळे ग्रामीण आणि शहारी भागात नागरिकांमध्ये भितीचं वातावरण निर्माण झालं आहे. मात्र असं एक गाव आहे जिथे बिबट्याचा वावर कुत्र्या मांजराप्रमाणे मुक्त असतो आणि माणसांना हा बिबट्या काहीही करत नाही. या गावात माणसं आणि बिबट्या एकत्र आणि शांततेत जगतात. कोणतं आहे हे गाव जाणून घेऊयात.

राजस्थानमध्ये अरावली पर्वतात वसलेलं बेडा हे गाव खास बिबट्यांसाठी ओळखलं जातं. या गावात बिबट्या रानावनात किंवा घनदाट अभयारण्यात नाही तर माणसांच्या वस्तीत आणि गावात यांचा मुक्त संचार असतो. बिबट्याचा हा संचार आता आताचा नव्हे तर तो कित्येक पिढ्यांचा आहे. बिबट्या इथल्या जीवनशैलीचा अविभाज्य भाग राहिले आहेत.

अनोखा टेलिफोन ‘बूथ’ जो मृत व्यक्तींशी संवाद साधतो… हे नेमकं आहे तरी कुठे? सविस्तर जाणून घ्या

विशेष म्हणजे,गेले कित्येक दशकांपासून इथे बिबट्या हल्यात एकही मानवी मृत्यूची नोंद नाही. यागावात बिबटे मंदिरांच्या गुहांजवळ दिसतात, तेव्हा स्थानिक लोक त्यांना जमिनीचे रक्षक म्हणून त्यांचा आदर करतात. त्यांना मान देतात. एवढंच नाही तर देवाचं रुप मानून त्यांचा आशीर्वाद घेतात. या गावातल्या रबारी समाजाने पिढ्यानपिढ्या बिबट्याशी असलेलं नातं जपलं आहे. या समाजाची माणसं बिबट्याच्या हल्ल्यामुळे गुरांचं झालेलं नुकसान देखील सहन करतात.

अरवलीच्या टेकड्यांमध्ये वसलेलं ‘बेडा’ खास बिबट्यांसाठी ओळखलं जातं. जिथे 50 हून अधिक बिबटे जंगलात नाही, तर घरांमध्ये, मंदिरांमध्ये आणि शेतांमध्ये मोकळेपणाने वावरतात. यांचा वावर मुक्त असून ना कोणती कुपणं, न कोणती भीती असते. रबारी समाजाकडून बिबट्यांना कोणताही दगाफटका होत नाही, तर ही माणसं बिबट्यांना जमिनीचे रक्षक मानतो.

इथली जमीन आणि भौगोलिक वातावरण बिबट्यांसाठी अनुकूल आहे. खडकाळ टेकड्या आणि नैसर्गिक गुहा यांमुळे बिबट्यांचं प्रमाण अधिक आहे. याचबरोबर या बिबट्यांसाठी आजूबाजूला आढळणारे वन्य शिकार अन्न पुरवतात. इथली जमीन आणि वातावरण देखील बिबट्यांसाठी अनुकूल आहे, खडकाळ टेकड्या आणि नैसर्गिक गुहा घर देतात, आणि आजूबाजूला आढळणारे वन्य शिकार त्यांना अन्न पुरवतात.बेडा गाव आता Eco-tourism चे केंद्र बनले आहे, जिथे लोक बिबट्यांना पाहण्यासाठी येतात, पण परत जाताना माणूस आणि निसर्ग यांच्यातील नात्याने प्रेरित होऊन जातात.बेडा गावात बिबट्या आणि माणसांचं एकत्र राहणं ही त्यांच्या जीवनशैलीचा एक सहज भाग आहे. असं हे बेडा गाव जिथे बिबट्याला परमेश्वराचं रुप मानलं जातं आणि गावकरी या बिबट्यांना अभय देतात.

हिवाळ्यात निसर्गाच्या कुशीत भटकंती! कुटुंबासोबत महाराष्ट्र फिरायचं तर या 6 पर्यटन स्थळांना भेट द्यायलाच हवी