पावसाळ्यात जास्त वेळ मेकअप टिकवून ठेवण्यासाठी फॉलो करा ‘या’ टिप्स, लुक दिसेल सुंदर

सर्वच महिला सुंदर आणि छान दिसण्यासाठी मेकअप करतात. मेकअप केल्यानंतर आपला चेहरा सुंदर दिसतो. पण पावसाळ्याच्या दिवसांमध्ये वातावरणातील आद्र्रतेमुळे चेहरा तेलकट होण्याची शक्यता असते. यामुळे मेकअप सुद्धा खराब होऊ होतो.त्यामुळे आज आम्ही तुम्हाला दीर्घकाळ मेकअप टिकवून ठेवण्यासाठी कोणत्या टिप्स फॉलो कराव्यात, याबद्दल जाणून घेऊया.

प्रत्येक स्त्री सुंदर दिसण्यासाठी मेकअप करते. मेकअप केल्यानंतर महिलांचा आत्मविश्वास वाढतो . सध्या राज्यभरात सगळीकडे जोरदार पाऊस पडत आहे. पावसाळ्याच्या दिवसांमध्ये बाहेर जाऊन आल्यानंतर त्वचा तेलकट किंवा चिकट होऊन जाते. तेलकट किंवा चिकट त्वचा झाल्यानंतर मेकअप सुद्धा खराब होऊन जातो. त्यामुळे मेकअप करण्यापूर्वी योग्य ते स्किन केअर रुटीन फॉलो करावे. मेकअप करण्यासाठी अनेक वेगवेगळे प्रॉडकट वापरले जातात. कार्यक्रमात, पार्टीत, ऑफिसला किंवा कुठेही बाहेर जाताना वेगवेगळ्या पद्धतीने मेकअपचे लुक केले जातात. त्यामुळे आज आम्ही तुम्हाला सणसमारंभ किंवा ऑफिसाला जाण्यासाठी केलेला मेकअप अधीकाळ टिकवून ठेवण्यासाठी कोणत्या टिप्स फॉलो कराव्यात, याबद्दल सांगणार आहोत. या टिप्स तुम्हीसुद्धा नक्की फॉलो करून पहा.(फोटो सौजन्य-istock)

जास्त वेळ मेकअप टिकवून ठेवण्यासाठी ‘या’ टिप्स फॉलो करा

• कोणताही मेकअप करण्याआधी त्वचेला सीरम, मॉइश्चरायझर, सनस्क्रीन लावणे आवश्यक आहे. या तीन गोष्टींमुळे तुमची स्किन मेकअप करण्यासाठी सेट होते. सनस्क्रीन लावल्यामुळे सूर्याच्या किरणांपासून त्वचेचे होणारे नुकसान टाळता येते.
• पावसाळ्याच्या दिवसांमध्ये मेकअप करताना फाउंडेशनचा वापर करू नये. बीबी किंवा सीसी क्रीमचा वापर करून मेकअप करा. यामुळे तुमच्या चेहऱ्यावर मेकअपचे थर दिसून येणार नाहीत.
• मेकअप करण्याआधी त्वचेला प्राइमर लावा. प्राइमरमुळे मेकअप अधिककाळ मेकअप चेहऱ्यावर टिकून राहतो. घाम आल्यानंतर चेहरा केकी दिसू लागतो. पण प्राइमर लावल्यानंतर तुमच्या चेहऱ्यावर चमक येईल.
• साधा सिम्पल मेकअप करताना लाल किंवा गुलाबी रंगाचे ब्लश तुम्ही वापरू शकता. यामुळे चेहरा हलकासा गुलाबी दिसू लागेल.
• लिपस्टिक लावताना पीच किंवा फिकट गुलाबी शेडची लावावी.यामुळे अतिप्रमाणात मेकअप केला आहे,असे वाटणार नाही. लिप्स्टिकमुळे लुक अधिक उठावदार दिसतो.
• पावसाळ्याच्या दिवसांमध्ये किंवा कोणत्या प्रसंगी मेकअप करताना आयशॅडो नेहमी योग्य निवडावे. शक्यतो मॅट आणि मेटॅलिक शेड्सचे पॅलेट, बोल्ड, ब्राइटपासून सॉफ्ट न्यूट्रल आयशॅडो असे रंग निवडावे.
• हल्ली स्मोकी डोळ्यांचा सगळीकडे नवा ट्रेंड आला आहे. त्या ट्रेंडला अनेक मुली, महिला फॉलो करत आहेत. जर तुम्हाला तुमचा लुक क्लास किंवा हॉट हवा असेल तर तुम्ही स्मोकी आयशॅडो करू शकता.