केमिकल पदार्थांचा वापर न करता ‘या’ पाण्याचा वापर करून १० मिनिटांमध्ये बनवा मेकअप सेटिंग स्प्रे

त्वचेवरील जळजळ कमी करण्यासाठी गुलाब पाण्याचा वापर केला जातो. गुलाब पाण्यात असणारे गुणधर्म त्वचा थंड ठेवण्यासाठी मदत करतात. त्याचला तर जाणून घेयला गुलाब पाणी वापरून मेकअप सेटिंग स्प्रे बनवण्याची सोपी कृती.

सर्वच महिला आणि मुलींना मेकअप करायला खूप आवडतो. मेकअप केल्यानंतर महिलांच्या सौदंर्यात आणखीन वाढ होते. मेकअप केल्यानंतर त्वचा अधिक सुंदर आणि चमकदार दिसते. त्वचेला सूट होईल असा आकर्षक मेकअप अधिक काळ टिकवून ठेवण्यासाठी महिला मेकअप केल्यानंतर मेकअप फिक्सरचा वापर करतात. ऊष्णता, गरमी, घाम यांसारख्या अनेक समस्यांमुळे मेकअप खराब होऊ नये म्हणून या गोष्टी केल्या जातात. पण मेकअप करताना नेहमी त्वचेला सूट होईल असा आणि चांगल्या दर्जाचे मेकअप प्रॉडक्ट वापरून मेकअप करावा. ज्यामुळे तुमची सुंदर त्वचा लवकर खराब होणार नाही. सण उत्सवाच्या दिवशी आणि इतर वेळी बाहेर जाताना सुंदर दिसण्यासाठी महिला मेकअप करतात.

सर्वच ऋतूंमध्ये वातावरणात आद्र्रता असते. वातावरणात निर्माण झालेल्या आद्र्रतेमुळे त्वचा हळूहळू तेलकट आणि चिकट होऊन जाते. चिकट किंवा तेलकट झालेल्या त्वचेवर मेकअप केल्यानंतर चेहरा आणखीनच खराब दिसू लागतो. त्यामुळे मेकअप करताना नेहमी त्वचा व्यवस्थित स्वच्छ करून घ्यावी. यामुळे चेहऱ्यावर केलेला मेकअप अधिककाळ टिकून राहतो. मेकअप करून झाल्यानंतर केमिकलयुक्त मेकअप फिक्सरचा वापर केला जातो. त्यामुळे काहींच्या त्वचेवर रॅश किंवा लाल पुरळ येतात. त्यामुळे आज आम्ही तुम्हाला गुलाब पाण्याचा वापर करून मेकअप फिक्सर कसे तयार करावे, याची सोपी कृती सांगणार आहोत. चला तर जाणून घेऊया.(फोटो सौजन्य-istock)

हे देखील वाचा: केसांच्या सौंदर्यासाठी शाम्पूमध्ये मिक्स करा या गोष्टी

होममेड मेकअप फिक्सर बनवण्याची कृती:

साहित्य:

• गुलाब पाणी
• ग्लिसरीन
• डिस्टिल वॉटर
• स्प्रे बाटली

कृती:

• गुलाब पाण्यापासून मेकअप फिक्सर बनवण्यासाठी सर्वप्रथम वाटीमध्ये गुलाब पाणी घेऊन त्यात ग्लिसरीन मिक्स करा.
• नंतर त्यात डिस्टिल वॉटर टाकून पुन्हा एकदा व्यवस्थित मिक्स करून घ्या.
• त्यानंतर स्वच्छ स्प्रे बॉटलमध्ये होममेड मेकअप सेटिंग स्प्रे भरून स्टोर करून ठेवा.
• हा मेकअप स्प्रे तुम्ही मेकअप केल्यानंतर त्वचेवर मारा. यामुळे स्किन पोर्स टाईट होण्यास मदत होते.

हे देखील वाचा: बेसनामध्ये काय मिसळून लावल्याने चेहरा स्वच्छ होतो?

केमिकल्स फ्री मेकअप सेटिंग स्प्रे बनवण्याची पद्धत:

• गुलाब पाणी
• एलोवेरा जेल
• डिस्टिल वॉटर
• इसेंन्शियल ऑईल
• स्प्रे बॉटल

कृती :

• मेकअप सेटिंग स्प्रे बनवण्यासाठी सर्वप्रथम गुलाबपाणी आणि एलोवेरा जेल एकत्र मिक्स करून घ्या.
• मिक्स करून झाल्यानंतर त्यात डिस्टिल वॉटर आणि इसेंन्शियल ऑईल घालून पुन्हा एकदा चमच्याने व्यवस्थित मिक्स करा.
• तयार केलेले मिश्रण स्प्रे बॉटलमध्ये भरून स्टोर करून ठेवा. हा स्प्रे तुम्ही मेकअप झाल्यानंतर त्वचेवर मारू शकता.
• मेकअप करण्याआधी सुद्धा कोरफडपासून बनवलेला मेकअप फिक्सर वापरू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.