कडक उन्हाळ्यात घरी बनवा थंडगार कालाखट्टा सरबत, चव चाखून घरातील सगळेच करतील गोड कौतुक

उन्हाळ्याच्या दिवसांमध्ये सतत कोल्ड्रिंक्स किंवा बाजारातील विकत मिळणारी पेय पिण्यापेक्षा घरी बनवलेले जांभळाचे कालाखट्टा सरबत तयार करावे. चला तर जाणून घेऊया कालाखट्टा सरबत तयार करण्याची कृती.

लहान मुलांपासून अगदी मोठ्यांपर्यंत सगळ्यांचं कालाखट्टा आईस्क्रीम, सरबत इत्यादी अनेक पदार्थ खाण्यास खूप जास्त आवडतात. उन्हाळा ऋतूला सुरुवात झाल्यानंतर बाजारात मोठ्या प्रमाणावर जांभळं उपलब्ध असतात. जांभूळ खाणे आरोग्यासाठी अतिशय गुणकारी आहे. याशिवाय जांभळ्याच्या रसाचे नियमित सेवन केल्यामुळे शरीरात वाढलेली साखर नियंत्रणात राहते आणि मधुमेहाचा धोका कमी होऊन जातो. जांभूळ खाल्ल्यानंतर काळी होणारी जीभ पाहून सगळ्यांचं खूप जास्त आनंद होतो. चवीला तुरट असलेली जांभळं सगळ्यांचं खूप जास्त आवडतात. म्हणूनच आज आम्ही तुम्हाला जांभळाचा वापर करून कालाखट्टा सरबत बनवण्याची सोपी रेसिपी सांगणार आहोत. या पद्धतीने बनवलेले कालाखट्टा सरबत चवीला अतिशय सुंदर लागेल. जाणून घ्या कालाखट्टा सरबत बनवण्याची सोपी रेसिपी.(फोटो सौजन्य – iStock)

चिकन लव्हर्ससाठी खास; घरी बनवा स्पाइसी आणि टेस्टी Chicken Shawarma

साहित्य:

• जांभूळ
• पाणी
• काळे मीठ
• जिऱ्याची पावडर
• मीठ
• लिंबाचा रस
• आलं
• साखर

रविवार होईल आणखीनच स्पेशल! दुपारच्या जेवणात मालवणी पद्धतीमध्ये बनवा आंबटतिखट बांगड्याचं तिखलं, नोट करून घ्या रेसिपी

कृती:

• जांभळाचे कालाखट्टा सरबत बनवण्यासाठी सर्वप्रथम, छान जाडसर जांभळं स्वच्छ पाण्याने धुवून कोरडी करून घ्या.
• त्यानंतर त्यातील गर काढून बिया बाजूला वेगळ्या करा. टोपात पाणी गरम करून तयार काळे मीठ घाला.
• त्यानंतर त्याच पाण्यात आल्याचा तुकडा, जिऱ्याची पावडर घालून व्यवस्थित मिक्स करून घ्या. उकलल्या पाण्यात जांभूळ टाकून व्यवस्थित उकळवून घ्या. पाण्याला जांभळा रंग येईल.
• जांभळाचा गर व्यवस्थित मिक्स झाल्यांनतर साल तशीच राहील. सर्व मिश्रण व्यवस्थित मिक्स झाल्यानंतर त्यात आवडीनुसार साखर घालून मिक्स करून घ्या.
• साखर पूर्णपणे मिक्स झाल्यानंतर मिश्रण घट्ट होईल. नंतर त्यात लिंबाचा रस टाकून मिक्स करून घ्या.
• सरबत तयार करताना त्यात ग्लासमध्ये तयार केलेले जांभळाचे सिरप टाका. वरून बर्फाचे खड्डे टाकून थोडासा लिंबाचा रस टाका.
• सगळ्यात शेवटी वरून बारीक चिरून घेतलेली पुदिन्याची पाने टाकून थोडीशी जिऱ्याची पावडर आणि चवीनुसार मीठ टाका.
• तयार आहे सोप्या पद्धतीमध्ये बनवलेला कालाखट्टा सरबत.