साखरेचा वापर न करता बनवा चविष्ट गुळाचा मालपुआ, वाचा सोपी रेसिपी

गुळापासून बनवलेले मालपुआ सगळ्यांना नक्की आवडेल. कारण गूळ आरोग्यासाठी अतिशय गुणकारी आहे. गूळ खाल्यामुळे रक्तातील साखरेचे प्रमाण नियंत्रणात राहण्यास मदत होते.

नेहमीच जेवणात तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी नेमकं काय बनवावं हे सुचत नाही. सतत बाहेरचे तेलकट तिखट पदार्थ खाऊन कंटाळा आल्यानंतर चवीला गोड पदार्थ खाण्याची इच्छा होते. त्यावेळी तुम्ही मालपुआ बनवू शकता.मालपुआ बनवण्यासाठी फार कमी वेळ लागतो. मालपुआ बनवताना साखरेचा वापर न करता तुम्ही गुळाचा वापर करू शकता. कारण साखरेचे पदार्थ मधुमेह आणि इतर आजार असलेले रुग्ण खाऊ शकत नाहीत. त्यामुळे त्यांच्यासाठी तुम्ही गुळाचा वापर करू शकता. गूळ खाल्यामुळे रक्तातील साखरेचे प्रमाण नियंत्रणात राहते. तसेच शरीराला कोणतीही हानी पोहचत नाही. म्हणूनच आज आम्ही तुम्हाला साखरेचा वापर न करता गुळाचा वापर करून मालपुआ बनवण्याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

साहित्य:

• मैदा
• रवा
• गूळ
• ओल खोबर
• बडीशेप पावडर
• तेल

हे देखील वाचा: लहान मुलांच्या डब्यासाठी झटपट बनवा दुधी भोपळ्याची मसालेदार काप

कृती:

• मालपुआ बनवण्यासाठी सर्वप्रथम भांड्यात किसलेले गूळ घेऊन त्यात पाणी टाकून मिक्स करा.
• नंतर त्यात मैदा, रवा टाकून व्यवस्थित मिक्स करून घ्या. तयार केलेल्या पिठाच्या गुठळ्या न करता पीठ व्यवस्थित मिक्स करा.
• नंतर त्यात बडीशेप पावडर, वेलची पावडर आणि ओल खोबर टाकून मिक्स करा.
• मालपुआ बनवण्यासाठी पॅन गरम करायला ठेवा. पॅन गरम झाल्यानंतर त्यात थोडस तेल टाकून सगळीकडे व्यवस्थित पसरवून घ्या.
• तयार केलेल्या पिठाचा तुम्हाला हवा त्या आकाराचा मालपुआ बनवून दोन्ही बाजूने व्यवस्थित भाजून घ्या.
• अशा पद्धतीने बनवलेला मालपुआ घरातील सगळ्यांचं नक्की आवडेल.