नेहमी फिट आणि स्लिम राहण्यासाठी सकाळच्या नाश्त्यात बनवा मूग डाळ चाट, ट्राय करा रेसिपी

सकाळच्या नाश्त्यात नेमकं काय खावं? असा प्रश्न सगळ्यांचं पडतो. सकाळच्या नाश्त्यात नेहमी हेल्दी आणि टेस्टी पदार्थांचे सेवन करावे. त्यामुळे आज आम्ही तुम्हाला मूग डाळीचे चाट बनवण्याची सोपी रेसिपी सांगणार आहोत.

सकाळच्या नाश्त्यात शरीराला पचन होईल अशा आणि पौष्टीक पदार्थांचे सेवन करावे. ज्यामुळे संपूर्ण दिवस आनंद आणि उत्साहामध्ये जाईल. सकाळच्या वेळी अनेक लोक नाश्ता करणे टाळतात. वाढलेले वजन कमी करण्यासाठी नाश्ता केला जात नाही. पण असे करण्याऐवजी कमी कॅलरीज युक्त पदार्थांचे सेवन करावे. यामुळे वजन कमी होण्यास मदत होईल. पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. त्यामुळे नेहमीच फिट आणि स्लिम राहण्यासाठी सकाळच्या नाश्त्यात मुगाच्या डाळीचे चाट बनवण्याची सोपी रेसिपी सांगणार आहोत. हा पदार्थ बनवण्यासाठी अतिशय सोपा आहे. मुगाच्या डाळीमध्ये अनेक गुणकारी घटक आढळून येतात. ज्यामुळे पोट दीर्घकाळ भरलेले राहते आणि लवकर भूक लागत नाही. चला तर जाणून घेऊया मुगाच्या डाळीचे चाट बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• मुगाची डाळ
• कांदा
• टोमॅटो
• हिरवी मिरची
• कोथिंबीर
• डाळिंब
• काकडी
• शेव
• लिंबाचा रस
• मीठ
• चाट मसाला

नवनवीन रेसिपीसाठी इथे क्लिक करा

कृती:

• मुगाच्या डाळीचे चाट बनवण्यासाठी सर्वप्रथम, मुगाची डाळ स्वच्छ साफ करून त्यात पाणी घालून काहीवेळ भिजत ठेवा.
• त्यानंतर पाण्यात भिजवून ठेवलेली डाळ 5 मिनिटं वाफवून घ्या. यामुळे डाळ कच्ची राहणार नाही.
• डाळींमधील पाणी काढून मोठ्या बाऊलमध्ये काढा. त्यानंतर त्यात बारीक चिरून घेतलेला कांदा, टोमॅटो, काकडी, हिरवी मिरची, डाळिंब टाकून मिक्स करून घ्या.
• नंतर त्यात चवीनुसार मीठ, लिंबाचा रस, चाट मसाला टाकून मिक्स करा.
• मुगाच्या डाळीचे चाट सर्व्ह करताना वरून शेव टाकून नाश्त्यात खाण्यासाठी द्या. यामुळे तुमचे पोटही भरलेले राहील.