कडक उन्हाळ्यात शरीराला काश्मीरसारखा थंडावा देण्यासाठी घरी बनवा चिंचेचे सरबत

उन्हाळ्यात शरीराला उष्माघातापासून वाचवण्यासाठी शरीराला पाण्याची आवश्यकता असते. त्यामुळे दिवसातून कमीत कमी ४ ते ५लिटर पाणी पिणे आवश्यक आहे. शरीराला थंडावा देण्यासाठी उन्हाळ्यात तुम्ही चिंचेचे सरबत घरी नक्की बनवून पाहा.

उन्हाळ्यात शरीराला थंडावा देण्यास आणि उष्माघातापासून दूर ठेवण्यास चिंच प्रभावी आहेत. जेवण बनवताना चिंचेचा वापर केला जातो. चवीला आंबट गोड असलेली चिंच सगळ्यांचं आवडतात. उन्हाळा वाढल्यानंतर शरीराला डिहायड्रेशनच्या समस्येपासून वाचवण्यासाठी चिंचेचे सरबत उपयुक्त आहे. यामध्ये भरपूर प्रमाणात अँटीऑक्सिडंट असतात ज्यामुळे शरीर नैसर्गिकरित्या थंड राहते. चिंचा वापर केल्याने पचनसंस्था सुधारून पोटासंबंधित समस्या उद्भवत नाहीत. उन्हाळ्यात आपण आंब्याचं पन्ह, कोकम सरबत, ताक, लस्सी यांसारखी पेय प्यायली असतील. पण आज आम्ही तुम्हाला चिंचेपासून सरबत कसे बनवायचे याची रेसिपी सांगणार आहोत. चला तर जाणून घेऊया चिंचेचे सरबत..

साहित्य:

• चिंच
• साखर
• वेलची पावडर
• काळीमिरी पावडर
• काळे मीठ
• पुदिना
• बर्फाचे तुकडे

[read_also content=”रोज सकाळी उठल्यानंतर खजूर खाल्ल्याने शरीराला होतील आश्चर्यकारक फायदे https://www.navarashtra.com/lifestyle/benefits-of-eating-dates-in-morning-539959.html”]

कृती:

• चिंचेपासून सरबत बनवण्यासाठी सर्वप्रथम एक वाटी चिंच गरम पाण्यात किंवा कोमट पाण्यात भिजवून ठेवा.
• २ ते ३ तास चिंच पाण्यात भिजल्यानंतर त्याचा लगदा काढून घ्या.
• मिक्सरच्या भांड्यात चिंचेचा लगदा आणि अर्धा कप पाणी ,पुदिन्याची पानेटाकून बारीक पेस्ट करून घ्या.
• पेस्ट करून झाल्यावर हा लगदा गाळणीच्या सहाय्याने गाळून त्यातील रस काढा.
• एका टोपात चिंचेचा रस घेऊन त्यात चवीनुसार साखर, मीठ, काळीमिरी पावडर, वेलची पावडर टाकून मिक्स करून घ्या.
• काचेच्या ग्लासमध्ये तुमच्या आवडीनुसार बर्फाचे खड्डे टाकून चिंचेचे सरबत ओता. तयार आहे थंडगार चिंचेचे सरबत.