Winter Soup Recipe : थंडीच्या दिवसांत घरी बनवा गरमा गरम ‘क्रिमी व्हेजिटेबल सूप”; आरोग्यासाठी ठरेल फायदेशीर

Creamy Vegetable Soup Recipe : थंडीच्या दिवसांत गरमा गरम खायचं असेल तर क्रिमी आणि टेस्टी व्हेजिटेबल सूप तुमच्यासाठी उत्तम पर्याय आहे. हा सूप चवीबरोबरच आरोग्याचीही काळजी घेईल.

• थंडीच्या दिवसांत व्हेजिटेबल सूप शरीराला गरम ठेवण्याचे काम करते
• भाज्यांच्या समिश्रणातून तयार केलेले हे सूप आरोग्यासाठी फायदेशीर ठरते
• सूपची साधी पण चविष्ट रेसिपी जाणून घेऊया

थंड हिवाळ्याच्या दिवसात किंवा पावसाळ्यात गरमागरम सूपचा एक कप म्हणजे मनाला आणि शरीराला दिलासा देणारा अनुभव असतो. आपल्या रोजच्या जेवणात काही हलकं, पौष्टिक आणि चविष्ट पदार्थ हवा असेल तर क्रीमी व्हेज सूप हा उत्तम पर्याय आहे. हे सूप केवळ स्वादिष्टच नाही तर त्यात भरपूर भाज्या असल्यामुळे शरीराला आवश्यक व्हिटॅमिन्स, फायबर आणि मिनरल्सही मिळतात. क्रीमी टेक्स्चरमुळे हे सूप मुलांपासून ते मोठ्यांपर्यंत सर्वांना आवडते. यात गाजर, बीन्स, मटार, कॉर्न, कोबी, ब्रोकली अशा विविध रंगीबेरंगी भाज्यांचा वापर केला जातो, ज्यामुळे सूप दिसायलाही आकर्षक आणि चवीला देखील लज्जतदार होते. हे सूप तुम्ही संध्याकाळच्या हलक्या जेवणासाठी किंवा स्टार्टर म्हणून पाहुण्यांसमोर सादर करू शकता. त्यावर थोडं बटर आणि क्रीम घातल्यावर त्याची चव अजूनच वाढते. चला तर मग, जाणून घेऊया क्रीमी व्हेज सूपची सोपी आणि घरगुती रेसिपी.

पती-पत्नी आणि ती! सरकारी निवासस्थानी CO साहेबांचे लफडे, घटनास्थळी पत्नीची थेट एन्ट्री अन् व्हिडिओ व्हायरल…

साहित्य:

• गाजर – 1 (बारीक चिरलेले)
• फ्रेंच बीन्स – 6-7 (बारीक चिरलेले)
• मटार – ¼ कप
• स्वीट कॉर्न – ¼ कप
• कांदा – 1 (बारीक चिरलेला)
• लसूण – 3 पाकळ्या (बारीक चिरलेल्या)
• बटर – 1 टेबलस्पून
• मैदा – 1 टेबलस्पून
• दूध – 1 कप
• पाणी किंवा व्हेजिटेबल स्टॉक – 2 कप
• काळी मिरी पावडर – ½ टीस्पून
• मीठ – चवीनुसार
• फ्रेश क्रीम – 2 टेबलस्पून
• कोथिंबीर – सजावटीसाठी
• चीज

“मला माफ करा, मी पैसे द्यायला विसरली”! हात जोडत भारतीय तरुणीने अमेरिकन पोलिसांसमोर केली विनवणी; नक्की काय घडलं? Video Viral

कृती:

• यासाठी सर्वप्रथम एका पॅनमध्ये बटर गरम करून त्यात कांदा आणि लसूण टाकून सोनेरी रंग येईपर्यंत परता.
• नंतर गाजर, बीन्स, मटार, कॉर्न घालून ३-४ मिनिटे परता.
• दुसऱ्या पॅनमध्ये बटर आणि मैदा घालून चांगलं मिसळा. त्यामुळे सूपला क्रीमी टेक्स्चर येईल.
• यानंतर त्यात दूध आणि व्हेजिटेबल स्टॉक (किंवा पाणी) घाला. नीट हलवा म्हणजे गुठळ्या होणार नाहीत.
• तयार क्रीमी सॉस भाज्यांमध्ये टाका आणि चांगले मिसळा. गॅस मध्यम आचेवर ठेवून सूप उकळू द्या.
• सूप घट्ट होईपर्यंत आणि भाज्या मऊ होईपर्यंत ७-८ मिनिटे शिजवा.
• आता त्यात मीठ आणि मिरी पावडर घालून चांगलं मिसळा. चव पाहून आवश्यकतेनुसार मसाले वाढवा.
• शेवटी यात थोडे चीज मिक्स करून गॅस बंद करा आणि गरमा गरम सूप सर्व्ह करा.
• तुम्ही यात तुमच्या आवडीच्या भाज्याही घालू शकता.