दक्षिण भारतातील प्रसिद्ध पदार्थ लसूण काळीमिरी टोमॅटो रस्सम नक्की बनवून पाहा

दक्षिण भारतामध्ये मसाल्यांचे उत्पादन मोठ्या प्रमाणावर घेतले जाते. त्यामुळे तिथे बनवल्या जाणाऱ्या प्रत्येक पदार्थामध्ये काळीमिरी आणि इतर मसाल्यांचा वापर केला जातो.

दक्षिण भारतामध्ये टोमॅटो रस्सम हा पदार्थ खूप फेमस आहे. आरोग्यासाठी फायदेशीर असलेला पदार्थ रोजच्या जेवणात बनवला जातो. दक्षिण भारतामध्ये रसमचे अनेक वेगवेगळे प्रकार आहेत. त्यामध्ये चिंच रस्सम, लिंबू रस्सम, टोमॅटो रस्सम, मसूर रस्सम यांसारखे अनेक प्रकार बनवले जातात. रस्सम बनवण्यासाठी वापरले जाणारे पदार्थ आरोग्यासाठी खूप फायदेशीर आहेत. आज आम्ही तुम्हाला लसूण काळीमिरी टोमॅटो रस्सम कसे बनवायचे याची रेसिपी सांगणार आहोत. टोमॅटोचा वापर रोजच्या जेवणात केला जातो. टोमॅटोमध्ये कॅल्शियम, फॉस्फरस आणि व्हिटॅमिन सी भरपूर प्रमाणात असते. तसेच जेवणाची चव वाढवण्यासाठी टोमॅटोचा वापर केला जातो. टोमॅटोची चव आंबट असते कारण त्याच्यामध्ये सायट्रिक ऍसिड आणि मॅलिक ऍसिड असते. जे डोळ्यांच्या आणि हृदयाच्या आरोग्यसाठी फायदेशीर आहे.

भारतीय मसाल्यांमध्ये काळीमिरीचा वापर जेवणातील पदार्थ बनवण्यासाठी केला जातो. चवीला तिखट असलेली काळीमिरी आरोग्यासाठी गुणकारी आहे.दक्षिण भारतामध्ये मसाल्यांचे उत्पादन मोठ्या प्रमाणावर घेतले जाते. त्यामुळे तिथे बनवल्या जाणाऱ्या प्रत्येक पदार्थामध्ये काळीमिरी आणि इतर मसाल्यांचा वापर केला जातो. लसूण खाल्ल्याने जेवणाची चव आणि सुगंध वाढतो. त्यामुळे प्रत्येक जेवणाच्या पदार्थांमध्ये लसणीचा वापर केला जातो. चला तर जाणून घेऊया लसूण काळीमिरी रस्सम कसे बनवायचे याची रेसिपी..

साहित्य:

• टोमॅटो प्युरी
• लसूण
• तिखट मसाला
• चवीनुसार मीठ
• चिंच
• मोहरी
• तेल
• हळद
• कढीपत्ता
• हिंग
• हिरवी मिरची

[read_also content=”कडक उन्हाळ्यात शरीराला थंडावा देण्यासाठी घरी बनवा लेमन आईस टी https://www.navarashtra.com/lifestyle/make-lemon-ice-tea-at-home-in-summer-539524.html”]

कृती:

• टोमॅटो रस्सम बनवण्यासाठी टोमॅटो स्वच्छ धुवून त्याचे बारीक तुकडे करून घ्या. त्यानंतर कुकरच्या भांड्यात टोमॅटोचे तुकडे, हिरवी मिरची, बारीक चिरलेली कोथिंबीर, हळद, लाल तिखट, आवश्यकतेनुसार पाणी टाकून कुकर बंद करून गॅसवर ठेवा.
• कुकरच्या ६ ते ७ शिट्या झाल्यानंतर गॅस बंद करून कुकर थंड होण्यासाठी ठेवा.
• कुकर थंड झाल्यावर टोमॅटोचे मिश्रण मॅश करून बारीक करा.
• खलबत्यामध्ये ५ ते ६ लसणीच्या पाकळ्या, काळीमिरी, धणे घेऊन बारीक कुटून घ्या.
• टोप गरम करायला ठेवून त्यात तेल टाका. तेल गरम झाल्यानंतर मोहरी, हिंग टाकून फोडणी भाजून घ्या. नंतर त्यात बारीक केलेली लसूण आणि कढीपत्ता टाकून मिक्स करा.
• फोडणी लालसर झाल्यानंतर त्यात टोमॅटो रस्सम टाकून मिक्स करून घ्या.
• रस्समला एक उकळी आल्यानंतर त्यात चवीनुसार मीठ आणि चिंचेचे पाणी टाकून मिक्स करा.
• रस्समला उकळी आल्यानंतर तयार आहे लसूण काळीमिरी टोमॅटो रस्सम.